អន្តរជាតិ
មាត់ឥតគម្របរបស់លោក Duterte ធ្វើឲ្យការសន្យាជាមួយព្រះរបស់លោកក្លាយជា«សន្យាខ្យល់»
×![]()
ដោយ: ថ្មីៗ
ខឹងនឹងអាមេរិករឿងឈប់លក់អាវុធឲ្យរហូតទប់ចិត្តមិនបាន លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ បានរបូតមាត់«ជ្រុលប្រើពាក្យអសុរោះ»ជាថ្មី។ ការប្រើពាក្យអសុរោះដោយសារតែអារម្មណ៍មួយឆាវនេះ បានធ្វើឲ្យលោកប្រធានាធិបតីរូបនេះ ក្បត់នឹងពាក្យសន្យា ដែលលោក សន្យាជាមួយនឹងព្រះជាម្ចាស់កន្លងមក។
មិនបានមួយសប្តាហ៍ស្រួលបួលផង លោកប្រធានាធិបតី រ៉ូឌ្រីហ្គូ ឌើទើតេ បានរបូតមាត់ប្រើអសុរោះដើម្បីជះកំហឹងនឹងចំណាត់ការចុងក្រោយរបស់អាមេរិក។ ចំណាត់ការនោះគឺ អាមេរិក បានផ្អាកការលក់កាំភ្លើងជាងពីរម៉ឺនដើមទៅឲ្យហ្វីលីពីន ក្រោមហេតុផលបារម្ភពីការប្រើប្រាស់កាំភ្លើងដែលបំពានសិទ្ធិមនុស្សនៅក្នុងយុទ្ធនាការបង្ក្រាបគ្រឿងញៀន។
នាសន្និសីទសារព័ត៌មានៅថ្ងៃទី០២ ខែវិច្ឆិកា លោក ឌើទើតេ បាននិយាយយ៉ាងដូច្នេះថា «កាំភ្លើងប្រមាណ២៦០០០ដើម រំពឹងថានឹងទិញពីគេ(អាមេរិក) តែឥលូវ គេថា ឈប់លក់ឲ្យយើងហើយ។ You son of a B**ch។» នេះបើយោងតាមសារព័ត៌មានហ្វីលីពីន Rappler ដែលបានរាយការណ៍ដែលថា លោក Duterte ក៏បានបន្ថែមទៀតថា «ពួកគេ ពិតជាឆ្កួតហើយ»។
សូមរម្លឹកផងដែរថា នាសន្និសីទកាសែតថ្ងៃទី២៧ ខែតុលាកន្លងទៅ លោកប្រធានាធិបតី រ៉ូឌ្រីហ្គូ ឌើទើតេ បានថ្លែងថា ខណៈពេលដែលលោកកំពុងតែសំឡឹងទៅមើលពពកនៅលើយន្តហោះក្នុងដំណើរមាតុភូមិនិវត្តក្រោយបញ្ចប់ទស្សនកិច្ចនៅជប៉ុន ហើយអ្នកអមដំណើរលោក កំពុងតែដេកលង់លក់នោះ លោក បានលឺសំឡេងនិយាយថា «ប្រសិនបើអ្នកមិនបញ្ឈប់ ការប្រើប្រាស់ពាក្យអសុរោះនោះទេ, ខ្ញុំ នឹងធ្វើឲ្យយន្តហោះនេះធា្លក់តែម្តង»។
លោកប្រធានាធិបតីរូបនោះ បន្តថា ពេលនោះ លោក ក៏បានឆ្លើយតបទៅនឹងសំឡេងនោះយ៉ាងដូច្នេះថា «អ្នកជានរណា? គឺព្រះជាម្ចាស់។ ខ្ញុំ សូមសន្យាទៅកាន់ព្រះជាម្ចាស់ថា ... នឹងមិនប្រើប្រាស់ពាក្យចម្លែកៗ អសុរោះ និងជេរប្រមាថទៀតឡើយ»។ លោក ក៏បានបញ្ជាក់បន្ថែមទៀតថា ប្រជាជន នឹងលឺតែពាក្យដែលត្រឹមត្រូវ ដោយលោកពន្យល់ថា នោះក៏ព្រោះតែការសន្យាជាមួយនឹងព្រះ ក៏ជាការសន្យាទៅកាន់ប្រជាជនហ្វីលីពីនដែរ។
សូមជម្រាបផងដែរថា លោក រ៉ូឌ្រីហ្គូ ឌើទើតេ បានឡើងកាន់អំណាចជាប្រធានាធិបតីហ្វីលីពីនជាផ្លូវការថ្ងៃទី៣០ ខែមិថុនា។ ទាំងមុន និងក្រោយនៃការក្លាយជាប្រធានាធិបតីហ្វីលីពីន លោកតែងតែប្រើពាក្យអសុរោះ និងជេរប្រមាថទៅនឹងអ្វី ឬក៏បុគ្គលណាមួយដែលធ្វើឲ្យលោក មិនសប្បាយចិត្ត និងផ្ទុយទៅនឹងអ្វីដែលលោកចង់បាន។ កន្លងមកទាំងស្ថាប័នកំពូលអង្គការសហប្រជាជាតិ សហភាពអឺរ៉ុប សម្តេច ប៉ាប ប្រធានាធិបតីអាមេរិកលោក បារ៉ាក់ អូបាម៉ា អគ្គលេខាធិការអង្គការសហប្រជាជាតិលោក បាន គីមូន ជាដើមនោះ សុទ្ធសឹងតែត្រូវបានរងការរិះគន់ និងជេរប្រមាថដោយលោកប្រធានាធិបតីហ្វីលីពីន រ៉ូឌ្រីហ្គូ ឌើទើតេទាំងអស់៕
មិនបានមួយសប្តាហ៍ស្រួលបួលផង លោកប្រធានាធិបតី រ៉ូឌ្រីហ្គូ ឌើទើតេ បានរបូតមាត់ប្រើអសុរោះដើម្បីជះកំហឹងនឹងចំណាត់ការចុងក្រោយរបស់អាមេរិក។ ចំណាត់ការនោះគឺ អាមេរិក បានផ្អាកការលក់កាំភ្លើងជាងពីរម៉ឺនដើមទៅឲ្យហ្វីលីពីន ក្រោមហេតុផលបារម្ភពីការប្រើប្រាស់កាំភ្លើងដែលបំពានសិទ្ធិមនុស្សនៅក្នុងយុទ្ធនាការបង្ក្រាបគ្រឿងញៀន។
នាសន្និសីទសារព័ត៌មានៅថ្ងៃទី០២ ខែវិច្ឆិកា លោក ឌើទើតេ បាននិយាយយ៉ាងដូច្នេះថា «កាំភ្លើងប្រមាណ២៦០០០ដើម រំពឹងថានឹងទិញពីគេ(អាមេរិក) តែឥលូវ គេថា ឈប់លក់ឲ្យយើងហើយ។ You son of a B**ch។» នេះបើយោងតាមសារព័ត៌មានហ្វីលីពីន Rappler ដែលបានរាយការណ៍ដែលថា លោក Duterte ក៏បានបន្ថែមទៀតថា «ពួកគេ ពិតជាឆ្កួតហើយ»។
សូមរម្លឹកផងដែរថា នាសន្និសីទកាសែតថ្ងៃទី២៧ ខែតុលាកន្លងទៅ លោកប្រធានាធិបតី រ៉ូឌ្រីហ្គូ ឌើទើតេ បានថ្លែងថា ខណៈពេលដែលលោកកំពុងតែសំឡឹងទៅមើលពពកនៅលើយន្តហោះក្នុងដំណើរមាតុភូមិនិវត្តក្រោយបញ្ចប់ទស្សនកិច្ចនៅជប៉ុន ហើយអ្នកអមដំណើរលោក កំពុងតែដេកលង់លក់នោះ លោក បានលឺសំឡេងនិយាយថា «ប្រសិនបើអ្នកមិនបញ្ឈប់ ការប្រើប្រាស់ពាក្យអសុរោះនោះទេ, ខ្ញុំ នឹងធ្វើឲ្យយន្តហោះនេះធា្លក់តែម្តង»។
លោកប្រធានាធិបតីរូបនោះ បន្តថា ពេលនោះ លោក ក៏បានឆ្លើយតបទៅនឹងសំឡេងនោះយ៉ាងដូច្នេះថា «អ្នកជានរណា? គឺព្រះជាម្ចាស់។ ខ្ញុំ សូមសន្យាទៅកាន់ព្រះជាម្ចាស់ថា ... នឹងមិនប្រើប្រាស់ពាក្យចម្លែកៗ អសុរោះ និងជេរប្រមាថទៀតឡើយ»។ លោក ក៏បានបញ្ជាក់បន្ថែមទៀតថា ប្រជាជន នឹងលឺតែពាក្យដែលត្រឹមត្រូវ ដោយលោកពន្យល់ថា នោះក៏ព្រោះតែការសន្យាជាមួយនឹងព្រះ ក៏ជាការសន្យាទៅកាន់ប្រជាជនហ្វីលីពីនដែរ។
សូមជម្រាបផងដែរថា លោក រ៉ូឌ្រីហ្គូ ឌើទើតេ បានឡើងកាន់អំណាចជាប្រធានាធិបតីហ្វីលីពីនជាផ្លូវការថ្ងៃទី៣០ ខែមិថុនា។ ទាំងមុន និងក្រោយនៃការក្លាយជាប្រធានាធិបតីហ្វីលីពីន លោកតែងតែប្រើពាក្យអសុរោះ និងជេរប្រមាថទៅនឹងអ្វី ឬក៏បុគ្គលណាមួយដែលធ្វើឲ្យលោក មិនសប្បាយចិត្ត និងផ្ទុយទៅនឹងអ្វីដែលលោកចង់បាន។ កន្លងមកទាំងស្ថាប័នកំពូលអង្គការសហប្រជាជាតិ សហភាពអឺរ៉ុប សម្តេច ប៉ាប ប្រធានាធិបតីអាមេរិកលោក បារ៉ាក់ អូបាម៉ា អគ្គលេខាធិការអង្គការសហប្រជាជាតិលោក បាន គីមូន ជាដើមនោះ សុទ្ធសឹងតែត្រូវបានរងការរិះគន់ និងជេរប្រមាថដោយលោកប្រធានាធិបតីហ្វីលីពីន រ៉ូឌ្រីហ្គូ ឌើទើតេទាំងអស់៕
Tag:
ហ្វីលីពីន
Rodrigo Duterte
© រក្សាសិទ្ធិដោយ thmeythmey.com
