អន្តរជាតិ
នយោបាយអន្តរជាតិ
ជប៉ុន បន្ថែមកញ្ចប់ជំនួយឲ្យមីយ៉ាន់ម៉ារយៈពេល៥ឆ្នាំ ដោយសង្ឃឹមថាអាចដោះស្រាយរឿងធ្វើទុកបុកម្នេញ«ជនជាតិរ៉ូហ៊ីងយ៉ា»
ទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី ចាប់ដៃជាមួយនឹងលោកនាយករដ្ឋមន្ត្រីជប៉ុន ស៊ិនហ្សូ អាបេ (ប្រភពរូបភាព៖ AP)
×![]()
លោកនាយករដ្ឋមន្ត្រីជប៉ុន ស៊ិនហ្សូ អាបេ បានអះអាងថា ជប៉ុន នឹងផ្តល់ជំនួយប្រមាណ ៤០ពាន់លានយេនសម្រាប់រយៈពេល៥ឆ្នាំដល់មីយ៉ាន់ម៉ា។ សេចក្តីថ្លែងការណ៍នេះ ត្រូវបានធ្វើឡើងនាសន្និសីទសារព័ត៌មានរួមគ្នា ក្រោយបញ្ចប់កិច្ចប្រជុំទ្វេភាគីជាមួយនឹងទីប្រឹក្សាមីយ៉ាន់ម៉ា លោកស្រី អ៊ុងសាន ស៊ូជី ដែលបាននិងកំពុងតែបំពេញទស្សនកិច្ចនៅក្នុងក្រុងតូក្យូនោះ។ 
នាសន្នសីទសារព័ត៌មានដែលធ្វើនៅថ្ងៃទី០២ ខែវិច្ឆិកាម្សិលមិញនេះ លោកនាយករដ្ឋមន្ត្រី អាបេ បានថ្លែងប្រាប់សារព័ត៌មានឲ្យដឹងថា ជប៉ុន សង្ឃឹមថា កញ្ចប់ជំនួយរយៈពេលប្រាំឆ្នាំនោះ នឹងជួយមីយ៉ាន់ម៉ាក្នុងការដោះស្រាយជម្លោះជាតិសាសន៍ដែលចាក់ឬសយ៉ាងស្មុគស្មាញជាយូរហើយនោះ។ ជំនួយនេះ ត្រូវបានផ្តល់ឲ្យមីយ៉ាន់ម៉ា ក៏ព្រោះតែជប៉ុន បានយល់ដឹងថា ការដោះស្រាយជម្លោះជាតិសាសន៍របស់មីយ៉ាន់ម៉ា ក៏ស្ថិតនៅក្នុងបញ្ហាអាទិភាពដែលលោកស្រីប្រឹក្សារដ្ឋ ស៊ូជី ចង់ដឹងដោះស្រាយ។
លោកនាយករដ្ឋមន្ត្រីរូបនោះ ក៏បានបញ្ជាក់បន្ថែមដែររថា រដ្ឋាភិបាលជប៉ុន និងក្រុមហ៊ុនឯកជនរបស់ជប៉ុន ក៏បានត្រៀមខ្លួនរួចស្រេចក្នុងការបោះទុនប្រមាណ ៨០០ ពាន់លានយេន ទៅក្នុងគម្រោងអភិវឌ្ឍប្រទេសមីយ៉ាន់ម៉ានៅក្នុងរយៈពេលប្រាំឆ្នាំផងដែរ។ លោក បន្ថែមថា លោក ពិតជាគាំទ្រចំពោះរដ្ឋបាលថ្មីមីយ៉ាន់ម៉ា ដែលកំពុងតែដឹកនាំដោយលោកស្រី អ៊ុងសាន ស៊ូជី។ នេះបើយោងតាមសារព័ត៌មាន Japan Times។
ឆ្លើយតបជាមួយនឹងភាគីជប៉ុន លោកស្រីទីប្រឹក្សារដ្ឋ បានសន្យាដែរថា លោកស្រី នឹងព្យាយាមលើកកម្ពស់ការអភិវឌ្ឍសេដ្ឋកិច្ច ក៏ដូចជាកសាងសន្តិភាពនៅក្នុងប្រទេសផងដែរ។ លោកស្រី ពន្យល់ថា កិច្ចការទាំងពីរ មិនអាចធ្វើមុនឬក្រោយគ្នាបានឡើយ ពោលគឺ ត្រូវតែធ្វើឡើងក្នុងពេលជាមួយគ្នា។ តែយ៉ាងណាក៏ដោយ លោកស្រី មិនបានធានាពីដំណោះស្រាយលើជម្លោះជនជាតិភាគតិច រ៉ូហ៊ីងយ៉ាឡើយ។
សូមជម្រាបផងដែរថា ទីប្រឹក្សារដ្ឋ និងជារដ្ឋមន្ត្រីការបរទេសមីយ៉ាន់ម៉ា លោកស្រី អ៊ុងសាន ស៊ូជី កំពុងតែបំពេញទស្សនកិច្ចរយៈពេល៥ថ្ងៃនៅជប៉ុន ដែលបានចាប់ផ្តើមពីថ្ងៃទី០១ដល់ថ្ងៃទី០៥ ខែវិច្ឆិកា តបតាមការអញ្ជើញរបស់លោកនាយករដ្ឋមន្ត្រីជប៉ុន ស៊ិនហ្សូ អាបេ។
ងាកមកចាប់អារម្មណ៍ បញ្ហាជម្លោះជាតិសាសន៍ រ៉ូហ៊ីងយ៉ាបន្តិច ! ប្រជាជនជនជាតិរ៉ូហ៊ីងយ៉ា បានរស់នៅក្នុងទឹកដីមីយ៉ាន់ម៉ា ដោយគ្មានសិទ្ធិស្របច្បាប់ឡើយ។ តាំងពីមីយ៉ាន់ម៉ាដឹកនាំដោយរដ្ឋាភិបាលយោធា រហូតដល់រដ្ឋាភិបាលស៊ីវិលបច្ចុប្បន្ន ប្រជាជនទាំងនោះ នៅតែទទួលរងការធ្វើទុក្ខបុកម្នេញដដែល។ ព្រឹតិ្តការណ៍ដែលគេចាំច្បាស់នោះទេ នៅឆ្នាំ២០១២ ពួកគេក្លាយជាគោលដៅនៃការវាយប្រហាររបស់បណ្តាសង្ឃជ្រុលនិយមនិងប្រជាជនកាន់សាសនាព្រះពុទ្ធដែលជ្រុលនិយមមួយចំនួនផង៕
នាសន្នសីទសារព័ត៌មានដែលធ្វើនៅថ្ងៃទី០២ ខែវិច្ឆិកាម្សិលមិញនេះ លោកនាយករដ្ឋមន្ត្រី អាបេ បានថ្លែងប្រាប់សារព័ត៌មានឲ្យដឹងថា ជប៉ុន សង្ឃឹមថា កញ្ចប់ជំនួយរយៈពេលប្រាំឆ្នាំនោះ នឹងជួយមីយ៉ាន់ម៉ាក្នុងការដោះស្រាយជម្លោះជាតិសាសន៍ដែលចាក់ឬសយ៉ាងស្មុគស្មាញជាយូរហើយនោះ។ ជំនួយនេះ ត្រូវបានផ្តល់ឲ្យមីយ៉ាន់ម៉ា ក៏ព្រោះតែជប៉ុន បានយល់ដឹងថា ការដោះស្រាយជម្លោះជាតិសាសន៍របស់មីយ៉ាន់ម៉ា ក៏ស្ថិតនៅក្នុងបញ្ហាអាទិភាពដែលលោកស្រីប្រឹក្សារដ្ឋ ស៊ូជី ចង់ដឹងដោះស្រាយ។
លោកនាយករដ្ឋមន្ត្រីរូបនោះ ក៏បានបញ្ជាក់បន្ថែមដែររថា រដ្ឋាភិបាលជប៉ុន និងក្រុមហ៊ុនឯកជនរបស់ជប៉ុន ក៏បានត្រៀមខ្លួនរួចស្រេចក្នុងការបោះទុនប្រមាណ ៨០០ ពាន់លានយេន ទៅក្នុងគម្រោងអភិវឌ្ឍប្រទេសមីយ៉ាន់ម៉ានៅក្នុងរយៈពេលប្រាំឆ្នាំផងដែរ។ លោក បន្ថែមថា លោក ពិតជាគាំទ្រចំពោះរដ្ឋបាលថ្មីមីយ៉ាន់ម៉ា ដែលកំពុងតែដឹកនាំដោយលោកស្រី អ៊ុងសាន ស៊ូជី។ នេះបើយោងតាមសារព័ត៌មាន Japan Times។
ឆ្លើយតបជាមួយនឹងភាគីជប៉ុន លោកស្រីទីប្រឹក្សារដ្ឋ បានសន្យាដែរថា លោកស្រី នឹងព្យាយាមលើកកម្ពស់ការអភិវឌ្ឍសេដ្ឋកិច្ច ក៏ដូចជាកសាងសន្តិភាពនៅក្នុងប្រទេសផងដែរ។ លោកស្រី ពន្យល់ថា កិច្ចការទាំងពីរ មិនអាចធ្វើមុនឬក្រោយគ្នាបានឡើយ ពោលគឺ ត្រូវតែធ្វើឡើងក្នុងពេលជាមួយគ្នា។ តែយ៉ាងណាក៏ដោយ លោកស្រី មិនបានធានាពីដំណោះស្រាយលើជម្លោះជនជាតិភាគតិច រ៉ូហ៊ីងយ៉ាឡើយ។
សូមជម្រាបផងដែរថា ទីប្រឹក្សារដ្ឋ និងជារដ្ឋមន្ត្រីការបរទេសមីយ៉ាន់ម៉ា លោកស្រី អ៊ុងសាន ស៊ូជី កំពុងតែបំពេញទស្សនកិច្ចរយៈពេល៥ថ្ងៃនៅជប៉ុន ដែលបានចាប់ផ្តើមពីថ្ងៃទី០១ដល់ថ្ងៃទី០៥ ខែវិច្ឆិកា តបតាមការអញ្ជើញរបស់លោកនាយករដ្ឋមន្ត្រីជប៉ុន ស៊ិនហ្សូ អាបេ។
ងាកមកចាប់អារម្មណ៍ បញ្ហាជម្លោះជាតិសាសន៍ រ៉ូហ៊ីងយ៉ាបន្តិច ! ប្រជាជនជនជាតិរ៉ូហ៊ីងយ៉ា បានរស់នៅក្នុងទឹកដីមីយ៉ាន់ម៉ា ដោយគ្មានសិទ្ធិស្របច្បាប់ឡើយ។ តាំងពីមីយ៉ាន់ម៉ាដឹកនាំដោយរដ្ឋាភិបាលយោធា រហូតដល់រដ្ឋាភិបាលស៊ីវិលបច្ចុប្បន្ន ប្រជាជនទាំងនោះ នៅតែទទួលរងការធ្វើទុក្ខបុកម្នេញដដែល។ ព្រឹតិ្តការណ៍ដែលគេចាំច្បាស់នោះទេ នៅឆ្នាំ២០១២ ពួកគេក្លាយជាគោលដៅនៃការវាយប្រហាររបស់បណ្តាសង្ឃជ្រុលនិយមនិងប្រជាជនកាន់សាសនាព្រះពុទ្ធដែលជ្រុលនិយមមួយចំនួនផង៕
Tag:
ជប៉ុន
មីយ៉ាន់ម៉ា
© រក្សាសិទ្ធិដោយ thmeythmey.com
