អន្តរជាតិ
អាមេរិក ប្រាប់អង់គ្លេសនិងអឺរ៉ុប ឲ្យចេះបត់បែនជុំវិញការចរចាចែកផ្លូវគ្នា
×![]()
ដោយ: តន ចាន់រិទ្ធារ៉ា
អ្នកនាំពាក្យសេតវិមានអាមេរិក បានទទូចឲ្យសហភាពអឺរ៉ុប និងចក្រភពអង់គ្លេស ត្រូវចេះបត់បែនតាមកាលៈទេសៈក្នុងការចរចាស្ដីពីការចាកចេញរបស់ចក្រភពអង់គ្លេសពីសហភាពអឺរ៉ុប។ អ្នកនាំពាក្យសេតវិមាន លើកឡើងដូចនេះបន្ទាប់ពីតុលាការចក្រភពអង់គ្លេស បានចេញសេចក្ដីសម្រេចមួយ ដែលតម្រូវឲ្យរដ្ឋាភិបាលអង់គ្លេស ស្វែងរកការយល់ព្រមពីរដ្ឋសភាលើការអនុវត្តតាមមាត្រា៥០សន្ធិសញ្ញា Lisbon ។
លោក Eric Schultz អ្នកនាំពាក្យសេតវិមានអាមេរិក បានស្នើឲ្យអឺរ៉ុប និងចក្រភពអង់គ្លេស បន្តការចរចាដែលអាចបត់បែនទៅស្ថានភាពដែលប្រែប្រួល ក៏ដូចជាចូលរួមកិច្ចចរចាដែលអាចចេញជាលទ្ធផល មានតម្លាភាព និងប្រព្រឹត្តទៅដោយរលូន។ លោក Eric Schultz ស្នើដូច្នេះក្រោយតុលាការជាន់ខ្ពស់អង់គ្លេស សម្រេចឲ្យសភាចូលរួមសម្រេចចិត្តលើដំណើរការរបស់រដ្ឋាភិបាលក្នុងការអនុវត្តតាមសន្ធិសញ្ញា Lisbon ។
ថ្លែងប្រាប់អ្នកកាសែតនៅលើយន្តហោះ Air Force One នៅថ្ងៃទី៣ ខែវិច្ឆិកា អ្នកនាំពាក្យរូបនេះបន្តថា ក្រុងវ៉ាស៊ីនតោន បានតាមដានយ៉ាងយកចិត្តទុកដាក់លើការអភិវឌ្ឍថ្មីៗទាំងឡាយ ព្រមទាំងធ្វើការជាមួយមន្ត្រីនៅក្រុងឡុងដ៍ និងក្រុងព្រុចសែល ដើម្បីធានាថា ការចាកចេញរបស់អង់គ្លេស មិនប៉ះពាល់ទីផ្សារហិរញ្ញវត្ថុឡើយ។ លោក Eric Schultz បន្តថា ទំនាកទំនងពិសេសរវាងអាមេរិក និងចក្រភពអង់គ្លេស នឹងនៅតែបន្តទៅមុខ។
អ្នកនាំពាក្យដដែលនេះ បញ្ជាក់ទៀតថា៖ «ទំនាក់ទំនងពិសេសនេះ គឺជាផ្នែកមួយនៃគោលនយោបាយការបរទេសរបស់អាមេរិក។ មិនត្រឹមតែចក្រភពអង់គ្លេសទេ សូម្បីតែសហភាពអឺរ៉ុប ក៏នៅតែដៃគូមិនអាចបំបែកបានរបស់អាមេរិក ទាំងការជំរុញកំណើនសេដ្ឋកិច្ច ក៏ដូចជាការដោះស្រាយបញ្ហាទាំងក្នុងតំបន់ និងវិបត្តិពិភពលោកធំៗ ដែលកំពុងផ្ទុះឡើងឥតឈប់ឈរនោះ។»
សូមបញ្ជាក់ថា ចៅក្រមជាន់ខ្ពស់របស់តុលាការអង់គ្លេស បានចេញសេចក្ដីសម្រេចមួយថា រដ្ឋាភិបាលរបស់លោកស្រីនាយករដ្ឋមន្ត្រី Theresa May គ្មានសិទ្ធិអនុវត្តតាមមាត្រា៥០ នៃសន្ធិសញ្ញា Lisbon ដោយឯកឯង និងគ្មានការគាំទ្រពីសំណាក់សភាឡើយ។ ការសម្រេចចិត្តបែបនេះ ទំនងជាពន្យារពេលនៃដំណើរការចរចារបស់អង់គ្លេស ជាមួយសហភាពអឺរ៉ុប ខណៈលោកស្រី Theresa May គ្រោងនឹងចាប់ផ្ដើមការចរចានៅដើមឆ្នាំ២០១៧ ។
យ៉ាងណាក្ដី រដ្ឋាភិបាលអង់គ្លេស ក៏បានប្ដឹងជំទាស់នឹងសេចក្ដីសម្រេចខាងលើនេះរួចហើយទៅកាន់តុលាការកំពូល។ រយៈពេលនៃដំណើរការក្ដីលើកនេះ អាចនឹងត្រូវចំណាយពេលយូរទៅទៀត ដ្បិតតុលាការកំពូលនឹងបើកសវនាការនៅដើមែក្រោយ ហើយការសម្រេចចិត្តយ៉ាងណានោះ នឹងពន្យារពេលផែនការរបស់រដ្ឋាភិបាល ដែលចង់ផ្ដើមចរចាជាមួយអឺរ៉ុបនៅត្រឹមខែមីនា ឆ្នាំ២០១៧ ៕
លោក Eric Schultz អ្នកនាំពាក្យសេតវិមានអាមេរិក បានស្នើឲ្យអឺរ៉ុប និងចក្រភពអង់គ្លេស បន្តការចរចាដែលអាចបត់បែនទៅស្ថានភាពដែលប្រែប្រួល ក៏ដូចជាចូលរួមកិច្ចចរចាដែលអាចចេញជាលទ្ធផល មានតម្លាភាព និងប្រព្រឹត្តទៅដោយរលូន។ លោក Eric Schultz ស្នើដូច្នេះក្រោយតុលាការជាន់ខ្ពស់អង់គ្លេស សម្រេចឲ្យសភាចូលរួមសម្រេចចិត្តលើដំណើរការរបស់រដ្ឋាភិបាលក្នុងការអនុវត្តតាមសន្ធិសញ្ញា Lisbon ។
ថ្លែងប្រាប់អ្នកកាសែតនៅលើយន្តហោះ Air Force One នៅថ្ងៃទី៣ ខែវិច្ឆិកា អ្នកនាំពាក្យរូបនេះបន្តថា ក្រុងវ៉ាស៊ីនតោន បានតាមដានយ៉ាងយកចិត្តទុកដាក់លើការអភិវឌ្ឍថ្មីៗទាំងឡាយ ព្រមទាំងធ្វើការជាមួយមន្ត្រីនៅក្រុងឡុងដ៍ និងក្រុងព្រុចសែល ដើម្បីធានាថា ការចាកចេញរបស់អង់គ្លេស មិនប៉ះពាល់ទីផ្សារហិរញ្ញវត្ថុឡើយ។ លោក Eric Schultz បន្តថា ទំនាកទំនងពិសេសរវាងអាមេរិក និងចក្រភពអង់គ្លេស នឹងនៅតែបន្តទៅមុខ។
អ្នកនាំពាក្យដដែលនេះ បញ្ជាក់ទៀតថា៖ «ទំនាក់ទំនងពិសេសនេះ គឺជាផ្នែកមួយនៃគោលនយោបាយការបរទេសរបស់អាមេរិក។ មិនត្រឹមតែចក្រភពអង់គ្លេសទេ សូម្បីតែសហភាពអឺរ៉ុប ក៏នៅតែដៃគូមិនអាចបំបែកបានរបស់អាមេរិក ទាំងការជំរុញកំណើនសេដ្ឋកិច្ច ក៏ដូចជាការដោះស្រាយបញ្ហាទាំងក្នុងតំបន់ និងវិបត្តិពិភពលោកធំៗ ដែលកំពុងផ្ទុះឡើងឥតឈប់ឈរនោះ។»
សូមបញ្ជាក់ថា ចៅក្រមជាន់ខ្ពស់របស់តុលាការអង់គ្លេស បានចេញសេចក្ដីសម្រេចមួយថា រដ្ឋាភិបាលរបស់លោកស្រីនាយករដ្ឋមន្ត្រី Theresa May គ្មានសិទ្ធិអនុវត្តតាមមាត្រា៥០ នៃសន្ធិសញ្ញា Lisbon ដោយឯកឯង និងគ្មានការគាំទ្រពីសំណាក់សភាឡើយ។ ការសម្រេចចិត្តបែបនេះ ទំនងជាពន្យារពេលនៃដំណើរការចរចារបស់អង់គ្លេស ជាមួយសហភាពអឺរ៉ុប ខណៈលោកស្រី Theresa May គ្រោងនឹងចាប់ផ្ដើមការចរចានៅដើមឆ្នាំ២០១៧ ។
យ៉ាងណាក្ដី រដ្ឋាភិបាលអង់គ្លេស ក៏បានប្ដឹងជំទាស់នឹងសេចក្ដីសម្រេចខាងលើនេះរួចហើយទៅកាន់តុលាការកំពូល។ រយៈពេលនៃដំណើរការក្ដីលើកនេះ អាចនឹងត្រូវចំណាយពេលយូរទៅទៀត ដ្បិតតុលាការកំពូលនឹងបើកសវនាការនៅដើមែក្រោយ ហើយការសម្រេចចិត្តយ៉ាងណានោះ នឹងពន្យារពេលផែនការរបស់រដ្ឋាភិបាល ដែលចង់ផ្ដើមចរចាជាមួយអឺរ៉ុបនៅត្រឹមខែមីនា ឆ្នាំ២០១៧ ៕
Tag:
អាមេរិក
អង់គ្លេស
អឺរ៉ុប
Brexit
© រក្សាសិទ្ធិដោយ thmeythmey.com
