ពីនេះ ពីនោះ
សិស្ស៖ កំហុសសាមញ្ញមួយចំនួនដែលនាំឲ្យ សិស្សមិនអាចទទួលបានពុទ្ធិពីគ្រូ
×
ភ្នំពេញ៖ រៀន មិនមែនមានន័យថា ចាំបាច់ត្រូវតែកំណត់ថា សិស្សត្រូវតែទទួលយកអ្វីដែលគ្រូបានផ្ដល់ឲ្យ ហើយគ្រូ ចាំបាច់ត្រូវតែផ្ដល់ចំណេះឲ្យសិស្សនោះដែរ គឺទាំងគ្រូទាំងសិស្ស ត្រូវរៀន និងផ្ដល់ឲ្យគ្នាទៅវិញទៅមក។ ប៉ុន្តែគ្រាន់តែគ្រូ គឺជាបុគ្គលម្នាក់ដែលមាននាទីសំខាន់ក្នុងការដឹកនាំថ្នាក់រៀន និងចាំកែតម្រូវត្រង់ចំណុចណាមួយ ដែលមិនត្រឹមត្រូវ។ យ៉ាងណានៅក្នុងសកម្មភាពរៀន និងបង្រៀន មានហេតុផលមួយចំនួនដែលនាំឲ្យសិស្សមួយចំនួន មិនអាចទទួលបានពុទ្ធិពីគ្រូបាន៖
១/. សិស្សមួយចំនួនមិនយកចិត្តទុកដាក់ស្ដាប់ នៅពេលគ្រូបង្រៀន និងពន្យល់មេរៀន
២/. សិស្សមួយចំនួន មើលងាយសមត្ថភាពគ្រូ និងមិនទុកចិត្តលើការបង្រៀនរបស់គ្រូ
៣/. សិស្សមួយចំនួន មើលងាយមេរៀន ដោយគិតថាមេរៀនស្រួល មិនបាច់មើលក៏អាចយល់បាន
៤/. សិស្សមួយចំនួន គិតថាមេរៀនដែលកំពុងរៀនគ្មានប្រយោជន៍ ទើបមិនយកចិត្តទុកដាក់ស្ដាប់គ្រូ និងមើលមេរៀន
៥/. សិស្សមួយចំនួន គិតថាមេរៀនដែលខ្លួនកំពុងរៀន មិនត្រូវនឹងគោលបំណងរបស់ខ្លួន ហើយមិនខ្វល់ មិនយកចិត្តទុកដាក់
៦/. សិស្សមួយចំនួន គិតថាអាចលួចចម្លងឯកសារបាន នៅពេលប្រឡង ទោះមិនប្រឹងរៀនក៏មានឱកាបើកចម្លងបាន។ ហេតុនេះទើបនាំឲ្យសិស្សមួយចំនួននោះមានការធ្វេសប្រហែស។
៧/. សិស្សមួយចំនួន វាយតម្លៃចំណេះដឹងគ្រូតាមរយៈសម្ភារក្រៅខ្លួន ហើយមិនគោរពចំណេះដឹងគ្រូ
៨/. សិស្សមួយចំនួន គិតថាខ្លួនឯងខ្លាំង ខ្លួនពូកែ ទើបមិនព្រមស្ដាប់គ្រូបង្រៀន។
ជារួមមក សកម្មភាពទាំងឡាយខាងលើ ភាគច្រើនតែងតែត្រូវសិស្សានុសិស្សមួយចំនួនបានធ្វើ ដែលនាំឲ្យខ្លួនមិនអាចទទួលបានចំណេះដឹងពីគ្រូ និងមេរៀនដែលគេតម្រូវឲ្យសិក្សា៕
© រក្សាសិទ្ធិដោយ thmeythmey.com