ជាតិ
រូបត្លុក
×![]()
ភ្នំពេញ៖ និស្សិតមួយចំនួនធំដែលគ្រួសារមានជីវភាពទន់ខ្សោយមកពីជនបទ ខិតខំបន្តការសិក្សានៅទីក្រុងភ្នំពេញរហូតទទួលបានការងារធ្វើល្អជាមួយនឹងប្រាក់ខែរាប់ពាន់ដុល្លារ។ ប៉ុន្តែនិស្សិតខ្លះ ទទួលបានឱកាសមកសិក្សានៅទីក្រុងភ្នំពេញហើយ តែបែរជាមិនសូវចូលសាលាទៅវិញ។ ពួកគេគិតតែពីការលំហែកម្សាន្តច្រើនជាងការសិក្សា។ នៅទីបញ្ចប់ ពួកគេបានត្រឹមតែសោកកា ឬនិយាយពាក្យថា ហួសពេល សោកស្តាយ និងខុសហើយ តែប៉ុណ្ណោះ។ តាមពិត ភ្នំពេញ ជាមជ្ឈមណ្ឌល ឬជាឃ្លាំងផ្តល់ចំណេះ ផ្តល់ប្រាក់ចំណូលដល់អ្នកដែលចង់សិក្សា និងអ្នកចង់ធ្វើការរកប្រាក់ចិញ្ចឹមជីវិត។ ប៉ុន្តែភ្នំពេញ ពេលខ្លះ ក៏ជាទីកន្លែងទាញពង្វក់អ្នកមិនសូវចេះគិតឲ្យធ្លាក់ចូលរណ្តៅក្រីក្រ និងរណ្តៅអវិជ្ជាដែរ។ ដូច្នេះហើយបានជាមានពាក្យមួយឃ្លាពោលថា មកភ្នំពេញ កុំឈ្លក់ទឹកម៉ាស៊ីន។ ឃ្លានេះ មានន័យថា បើមកភ្នំពេញ កុំសប្បាយហួសហេតុ ភ្លេចខ្លួន នាំឲ្យអន្តរាយដល់ជីវិត៕ 
© រក្សាសិទ្ធិដោយ thmeythmey.com
