ពីនេះ ពីនោះ
×![]()
ដោយ: ថ្មីៗ
តើការបើកត្រចៀកឲ្យធំ និងផ្ចិតផ្ចង់ស្តាប់សំដីរបស់ប្តីប្រពន្ធ មានអត្ថប្រយោជន៍អ្វីខ្លះ ចំពោះទំនាក់ទំនង និងសុភមង្គលនៅក្នុងក្រុមគ្រួសាររបស់អ្នក?
ពេលអ្នកធ្វើការ ឬនៅក្នុងអង្គប្រជុំ បើអ្នកមិនយកចិត្តទុកដាក់ ស្តាប់អ្វីមួយដោយប្រុងប្រយ័ត្នទេ អ្វីដែលអ្នកទទួលបាន គឺសូន្យ។ យ៉ាងណាមិញ នៅក្នុងជីវិតគ្រួសារក៏ដូចគ្នា ប្តីប្រពន្ធគួរតែយកចិត្តទុកដាក់ រាល់ពាក្យសំដីដែលដៃគូបាននិយាយ។
ថ្ងៃនេះ យើងខ្ញុំនឹងបង្ហាញបងប្អូន នូវសារៈសំខាន់នៃការស្តាប់ ដែលអ្នកតែងតែមើលរំលង ៖
១. បើចង់ដឹងគ្រប់រឿង និងច្បាស់លាស់ ចូរព្យាយាមស្តាប់សំដីប្រពន្ធ ហើយមិនត្រូវនិយាយកាត់ឡើយ
២. ជម្លោះ និងបញ្ហានានា ប្រកដជាធូរស្រាល បើអ្នកបិទមាត់ ហើយរង់ចាំតែស្តាប់ ពីព្រោះ ពេលនាងនិយាយអស់ចិត្ត នាងនឹងឈប់ដោយខ្លួនឯង
៣. គុណសម្បត្តិរបស់អ្នកនឹងកើនឡើង ពេលអ្នកស្តាប់ច្រើន ហើយនិយាយតិចពេលឈ្លោះគ្នា
៤. ការស្តាប់ ធ្វើឲ្យទំនាក់ទំនងរបស់អ្នក កាន់តែល្អប្រសើរជាងមុន ទោះបីជាពេលដែលអ្នក កំពុងតែឈ្លោះគ្នាក៏ដោយ
៥. ប្តីដែលស្តាប់ច្រើន ហើយនិយាយតិច ភាគច្រើន ជាប្តីដ៏ល្អ និងអស្ចារ្យបំផុត
៦. ការស្តាប់ដោយយកចិត្តទុកដាក់ ជាការបង្ហាញនូវសេចក្តីស្រឡាញ់ និងគោរពចំពោះភរិយា
៧. ការស្តាប់ ធ្វើឲ្យអ្នករីកចម្រើន និងលូតលាស់ល្អជាលំដាប់ ដូចជាពេលដែលអ្នកស្តាប់ និងអនុវត្តតាមការណែនាំរបស់ឪពុកម្តាយ និងគ្រូរបស់អ្នកពេលនៅតូចអញ្ចឹង
៨. ការស្តាប់ប្រពន្ធបញ្ចេញកំហឹង ពេលខ្លះ នឹងបង្កការសប្បាយ និងភាពរីករាយ នៅក្នុងគ្រួសារ ហើយភ្លាមៗ ប្រពន្ធរបស់អ្នក អាចនឹងសើច ពេលគេនិយាយតែឯង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
