អន្តរជាតិ
នយោបាយអន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន លោក Rodrigo Duterte បានអបអរសាទរជ័យជម្នះរបស់លោក ដូណាល់ ត្រាំ ក្នុងការបោះឆ្នោតប្រធានាធិបតីថ្ងៃទី៨ ខែវិច្ឆិកា ដោយបានផ្ដួលបេក្ខជនបក្សប្រជាធិបតេយ្យ លោកស្រី ហ៊ីឡារី គ្លីនតុន ។ ប្រធានាធិបតីហ្វីលីពីន Duterte ក៏បានប្រកាសបំណងឈប់រិះគន់អាមេរិក ក៏ដូចជាប្រើពាក្យមិនសមរម្យដាក់មេដឹកនាំ ដូចដែលធ្លាប់ធ្វើដាក់ប្រធានាធិបតី បារ៉ាក់ អូបាម៉ា នាពេលកន្លងមក។ 
ភ្លាមៗក្រោយលទ្ធផលបោះឆ្នោតបង្ហាញថា បេក្ខជនបក្សសាធារណរដ្ឋ លោក ដូណាល់ ត្រាំ ទទួលជ័យជម្នះក្លាយជាប្រធានាធិបតីអាមេរិកនោះ បណ្ដាមេដឹកនាំពិភពលោកជាច្រើន នាំគ្នាផ្ញើសារអបអរជាបន្តបន្ទាប់។ សូម្បីតែប្រធានាធិបតីហ្វីលីពីន Rodrigo Duterte ដែលធ្លាប់តែរិះគន់អាមេរិកឥតសំចៃមាត់ ក៏អបអរលោក ដូណាល់ ត្រាំ ដែលទទួលជ័យជម្នះយ៉ាងភ្ញាក់ផ្អើលនោះ។
ថ្លែងទៅកាន់សហគមន៍ហ្វីលីពីននៅម៉ាឡេស៊ី ប្រធានាធិបតី Duterte និយាយថា លោកសូមអបអរលោក ដូណាល់ ត្រាំ ដែលឈ្នះឆ្នោត។ ហើយលោកក៏បានលើកឡើងពីចំណុចដូចគ្នារវាងលោក និងប្រធានាធិបតីជាប់ឆ្នោត ដូណាល់ ត្រាំ គឺមានទំនោរចូលចិត្តប្រើពាក្យគ្រោតគ្រាតដូចគ្នាសូម្បីតែរឿងតូចតាចក៏ដោយ។ ប៉ុន្តែចាប់ពីពេលនេះ លោក Duterte និយាយថា លោកឈប់ប្រើអាកប្បកិរិយាបែបនោះទៀតហើយ ព្រោះលោក ត្រាំ ឈ្នះឆ្នោតហើយ។
ទីភ្នាក់ងារព័ត៌មាន Reuters ផ្សាយថា ប្រធានាធិបតីហ្វីលីពីន Duterte ត្រូវបានគេចាត់ទុកជាលោក ត្រាំ របស់អាស៊ី ដ្បិតប្រធានាធិបតីទាំងពីរមានអាកប្បកិរិយាដូចគ្នាខ្លាំង។ មិនតែប៉ុណ្ណោះ ទាំងលោក Duterte និងលោក ត្រាំ ត្រូវមើលឃើញថា ជាបុគ្គលក្រៅឆាកនយោបាយតាំងពីដើមមក តែបែរជាអាចទាក់ទាញប្រជាប្រិយភាពយ៉ាងច្រើនក្នុងការបោះឆ្នោតទៅវិញ។
ចាប់តាំងពីឡើងកាន់អំណាចក្នុងខែឧសភា លោក Duterte បានផ្លាស់ប្ដូរគោលនយោបាយការបរទេសរបស់ហ្វីលីពីន ដោយងាកចេញពីការពឹងផ្អែកខ្លាំងលើអាមេរិក និងងាកទៅរកចិន និងរុស្សី។ ការរិះគន់របស់អាមេរិកមកលើយុទ្ធនាការបង្ក្រាបគ្រឿងញៀននៅហ្វីលីពីន រឹតតែធ្វើឲ្យលោក Duterte មិនសប្បាយចិត្ត ហើយថែមទាំងប្រើពាក្យមិនសមរម្យជាញឹកញយដាក់មេដឹកនាំអាមេរិកទៀតផង។
ជាមួយគ្នា ទំនាក់ទំនងរវាងអាមេរិក និងហ្វីលីពីន នារយៈពេលចុងក្រោយនេះ ក៏មិនល្អដូចមុនដែរ។ លោក Duterte ថែមទាំងចង់រំលាយចោលសន្ធិសញ្ញាការពារជាតិរួមគ្នាជាមួយអាមេរិក ដែលអនុញ្ញាតឲ្យអាមេរិកពង្រាយកងទ័ពនៅហ្វីលីពីននោះ ដ្បិតអាមេរិកគំរាមផ្ដាច់ជំនួយដល់ហ្វីលីពីន បើស្ថានភាពសិទ្ធិមនុស្ស នៅតែបន្តធ្លាក់ចុះដោយសារការសម្លាប់មនុស្សក្រៅប្រព័ន្ធតុលាការ នៅតែកើតឡើងដដែល៕
ភ្លាមៗក្រោយលទ្ធផលបោះឆ្នោតបង្ហាញថា បេក្ខជនបក្សសាធារណរដ្ឋ លោក ដូណាល់ ត្រាំ ទទួលជ័យជម្នះក្លាយជាប្រធានាធិបតីអាមេរិកនោះ បណ្ដាមេដឹកនាំពិភពលោកជាច្រើន នាំគ្នាផ្ញើសារអបអរជាបន្តបន្ទាប់។ សូម្បីតែប្រធានាធិបតីហ្វីលីពីន Rodrigo Duterte ដែលធ្លាប់តែរិះគន់អាមេរិកឥតសំចៃមាត់ ក៏អបអរលោក ដូណាល់ ត្រាំ ដែលទទួលជ័យជម្នះយ៉ាងភ្ញាក់ផ្អើលនោះ។
ថ្លែងទៅកាន់សហគមន៍ហ្វីលីពីននៅម៉ាឡេស៊ី ប្រធានាធិបតី Duterte និយាយថា លោកសូមអបអរលោក ដូណាល់ ត្រាំ ដែលឈ្នះឆ្នោត។ ហើយលោកក៏បានលើកឡើងពីចំណុចដូចគ្នារវាងលោក និងប្រធានាធិបតីជាប់ឆ្នោត ដូណាល់ ត្រាំ គឺមានទំនោរចូលចិត្តប្រើពាក្យគ្រោតគ្រាតដូចគ្នាសូម្បីតែរឿងតូចតាចក៏ដោយ។ ប៉ុន្តែចាប់ពីពេលនេះ លោក Duterte និយាយថា លោកឈប់ប្រើអាកប្បកិរិយាបែបនោះទៀតហើយ ព្រោះលោក ត្រាំ ឈ្នះឆ្នោតហើយ។
ទីភ្នាក់ងារព័ត៌មាន Reuters ផ្សាយថា ប្រធានាធិបតីហ្វីលីពីន Duterte ត្រូវបានគេចាត់ទុកជាលោក ត្រាំ របស់អាស៊ី ដ្បិតប្រធានាធិបតីទាំងពីរមានអាកប្បកិរិយាដូចគ្នាខ្លាំង។ មិនតែប៉ុណ្ណោះ ទាំងលោក Duterte និងលោក ត្រាំ ត្រូវមើលឃើញថា ជាបុគ្គលក្រៅឆាកនយោបាយតាំងពីដើមមក តែបែរជាអាចទាក់ទាញប្រជាប្រិយភាពយ៉ាងច្រើនក្នុងការបោះឆ្នោតទៅវិញ។
ចាប់តាំងពីឡើងកាន់អំណាចក្នុងខែឧសភា លោក Duterte បានផ្លាស់ប្ដូរគោលនយោបាយការបរទេសរបស់ហ្វីលីពីន ដោយងាកចេញពីការពឹងផ្អែកខ្លាំងលើអាមេរិក និងងាកទៅរកចិន និងរុស្សី។ ការរិះគន់របស់អាមេរិកមកលើយុទ្ធនាការបង្ក្រាបគ្រឿងញៀននៅហ្វីលីពីន រឹតតែធ្វើឲ្យលោក Duterte មិនសប្បាយចិត្ត ហើយថែមទាំងប្រើពាក្យមិនសមរម្យជាញឹកញយដាក់មេដឹកនាំអាមេរិកទៀតផង។
ជាមួយគ្នា ទំនាក់ទំនងរវាងអាមេរិក និងហ្វីលីពីន នារយៈពេលចុងក្រោយនេះ ក៏មិនល្អដូចមុនដែរ។ លោក Duterte ថែមទាំងចង់រំលាយចោលសន្ធិសញ្ញាការពារជាតិរួមគ្នាជាមួយអាមេរិក ដែលអនុញ្ញាតឲ្យអាមេរិកពង្រាយកងទ័ពនៅហ្វីលីពីននោះ ដ្បិតអាមេរិកគំរាមផ្ដាច់ជំនួយដល់ហ្វីលីពីន បើស្ថានភាពសិទ្ធិមនុស្ស នៅតែបន្តធ្លាក់ចុះដោយសារការសម្លាប់មនុស្សក្រៅប្រព័ន្ធតុលាការ នៅតែកើតឡើងដដែល៕
Tag:
អាមេរិក
ហ្វីលីពីន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
