ពីនេះ ពីនោះ
គ្រូបង្រៀន៖ តើត្រូវប្រកានយកអត្តចរិតបែបណាខ្លះចំពោះសិស្ស និងតួនាទីរបស់ខ្លួន?
×![]()
ដោយ: ថ្មីៗ
ភ្នំពេញ៖ នៅក្នុងពេលដែលបង្រៀននៅតាមសាលា គ្រូបង្រៀនត្រូវសម្រេចចិត្តភ្លាម ហើយការសម្រេចចិត្តនេះមានឥទ្ធិពលភ្លាមៗ និងយូរអង្វែងទៅដល់សកម្មភាពសិស្ស ជីវិតសិស្សទៅថ្ងៃអនាគត។ ហើយគ្រូបង្រៀនត្រូវដឹងថាបញ្ហានេះ ជាការទទួលខុសត្រូវដ៏សំខាន់និងចាំបាច់បំផុត។ ថ្នាក់រៀនដែលល្អ វាអាស្រ័យទៅលើសិល្បៈនៃការបង្រៀន ដោយផ្អែកលើ ការជ្រើសរើសខ្លឹមសារ វត្ថុបំណងសម្ភារបង្រៀន និងយុទ្ធវិធីបង្រៀន។ បន្ថែមពីនេះអត្តចរិតគ្រូបង្រៀនក៏ជាផ្នែកមួយសំខាន់ ក្នុងការជះឥទ្ធិពលទៅលើសិស្ស។ ក្នុងនាមជាគ្រូបង្រៀនត្រូវមានអត្តចរិតមួយចំនួនដូចខាងក្រោម៖ 
១/. ជាអ្នកប្រាប់សិស្សថាធ្វើខុស ប្រសើរជាងនៅស្ងៀមមិនព្រមធ្វើកិច្ចការ ឬលំហាត់
២/. ធ្វើជាអ្នកជួយដោះស្រាយបញ្ហារបស់សាលា ជាជាងធ្វើជាអ្នកបន្ទោស និងជាអ្នកចាប់កំហុស
៣/. ជាអ្នកធ្វើឲ្យរាល់ការទំនាក់ទំនង បានសម្រេចលទ្ធផល។ ជាអ្នកចេះជួយលើកទឹកចិត្តមនុស្សគ្រប់គ្នា និងច្រើនប្រើពាក្យសុំទោស ជាជាងបង្កឲ្យមានកំហុស
៤/. ជាអ្នកធ្វើឲ្យប្រាកដថា គោលនយោបាយរបស់សាលារៀនត្រូវបានសហការណ៍បង្កើតឡើង និងត្រូវផ្សព្វផ្សាយយ៉ាងច្បាស់លាស់
៥/. ជាអ្នកធ្វើឲ្យប្រាកដថា អ្នកដទៃបានទទួលស្គាល់តាមរយៈសមិទ្ធិផលរបស់គេ
៦/. ជាអ្នកតាមដាន និងអនុវត្តដោយយកចិត្តទុកដាក់រាល់អនុសាសន៍ ការណែនាំរបស់ថ្នាក់លើ ហើយជានិច្ចកាលខ្លួនមានកង្វល់ ឬមានការមិនពេញចិត្ត
៧/. ជាអ្នកជំរុញលើកទឹកចិត្តឲ្យមានការរីកចម្រើនផ្នែកវិជ្ជាជីវៈគ្រូបង្រៀន ជាមួយនឹងការផ្ដល់ឱកាសឲ្យមានទស្សនកិច្ចសិក្សា ថ្នាក់និទស្សន៍ សិក្ខាសាលា ឬការលើកគម្រោងស្រាវជ្រាវ ឬសាងសង់
៨/. ជាអ្នកមានចក្ខុវិស័យ ទៅលើសាលាល្អ និងប្រឹងប្រែងធ្វើឲ្យចក្ខុវិស័យនោះ ក្លាយជាការពិត ធ្វើឲ្យសាលាមានការប្រែប្រួល រីកចម្រើន
៩/. ជាអ្នកធ្វើឲ្យមានការចូលរួមពីលោកគ្រូ អ្នកគ្រូ មាតាបិតាសិស្ស សិស្សនុសិស្ស ក្នុងការសម្រេចចិត្តបង្កើតគោលដៅអប់រំរបស់សាលា និងជាអ្នកចំណាយពេលរៀងរាល់ថ្ងៃជាមួយសិស្ស
១០/. ជាអ្នកចូលរួមដោះស្រាយរាល់បញ្ហាដែលកើតមានក្នុងសាលា និងប្រកាន់គំនិតយោគយល់គ្នា គំនិតស្ថាបនា ចៀសវាងការរុកគួន ឬញុះញង់ បំបែកបំបាក់ ប្រកាន់បក្សពួក គិតប្រយោជន៍ផ្ទាល់ខ្លួនជ្រុល បែកបាក់សាមគ្គីភាពផ្ទៃក្នុង ហើយជាចុងក្រោយ នឹងធ្វើឲ្យប៉ះពាល់ដល់ភារកិច្ចស្នូលរបស់សាលារៀន ដែលអាចនាំឲ្យគម្រោងអភិវឌ្ឍនសាលានានាមិនអាចសម្រេចបានដែរ។
ជារួមមក គ្រូបង្រៀនដែលទើបចេញថ្មី ក៏ដូចជាគ្រូបង្រៀនចាស់ដែរនោះ ត្រូវចាំថា កត្តាសាមគ្គីភាព ឯកភាពផ្ទៃក្នុងជាកត្ដាមិនអាចខ្វះបាន។ ចំណុចសំខាន់មួយទៀតគឺត្រូវចៀសវាងរាល់ការប្រឈមមុខ ដាក់គ្នាទោះជាមានបញ្ហាអ្វីក៏ដោយ គឺត្រូវរក្សាភាពស្ងប់ស្ងាត់ រួចដោះស្រាយបញ្ហាទាំងនោះដោយសន្តិវិធី ដែលអាចឲ្យលោកគ្រូអ្នកគ្រូទទួលបានលទ្ធផលគួរជាទីមោទនៈ៕
ដកស្រង់ពីមេរៀនសីលធម៌វិជ្ជាជីវៈគ្រូបង្រៀន, វិទ្យាស្ថានជាតិអប់រំ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
