ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ព្រឹត្តិការណ៍ពាក់កណ្តាលម៉ារ៉ាតុនអង្គរមានអត្តពលិកជាង៩ពាន់នាក់មកពី៧៥ប្រទេសចូលរួមនៅឆ្នាំនេះ
01, Dec 2016 ,
11:51 am
រូបភាព
×
ដោយ:
បើយោងតាមរបាយការណ៍របស់គណៈកម្មការរៀបចំការប្រកួតរត់ប្រណាំងពាក់កណ្តាលម៉ារ៉ាតុនអង្គរលើកទី២១ ដែលបានបិទកាលពីពេលកន្លងទៅថ្មីៗ ការប្រកួតដែលប្រព្រឹត្តទៅនៅថ្ងៃទី៤ ខែធ្នូ លើទឹកដីអង្គរ ខេត្តសៀមរាប មានអត្តពលិកចូលរួមប្រមាណជាជាង៩ពាន់នាក់មកពី៧៥ប្រទេសទូទាំងពិភពលោក។ ចំនួននេះមានការកើនឡើងជាង១ពាន់នាក់បើប្រៀបធៀបទៅនឹងឆ្នាំមុន ហើយវាក៏ជាចំនួនមួយដែលលើសការរំពឹងទុកផងដែរ។
ព្រឹត្តិការណ៍ទេសចរណ៍រត់ប្រណាំងពាក់កណ្តាលម៉ារ៉ាតុនអង្គរឆ្នាំ២០១៦ មានអត្តពលិកចូលរួមកើនឡើងជាង១ពាន់នាក់បើប្រៀបធៀបទៅនឹងឆ្នាំ២០១៥ ដោយឆ្នាំនេះមានអត្តពលិកចូលរួមប្រមាណជាជាង៩ពាន់នាក់ ខណៈឆ្នាំមុនមានត្រឹមតែជាង៨ពាន់នាក់ប៉ុណ្ណោះ។ អត្តពលិកជាង៩ពាន់នាក់នេះមកពី៧៥ប្រទេសទូទាំងពិភពលោក ក្នុងនោះអត្តពលិកកម្ពុជាមានចំនួនជាង៤ពាន់នាក់ និងអត្តពលិបរទេសជាង៥ពាន់នាក់។
ចំនួនអត្តពលិកជាង៩ពាន់នាក់នេះមិនត្រឹមតែធ្វើឲ្យមានការកើនឡើងនូវចំនួនអ្នកចូលរួមប៉ុណ្ណោះ ប៉ុន្តែវាក៏លើសពីការរំពឹងទុករបស់ថ្នាក់ដឹកនាំផងដែរ ព្រោះកាលពីពេលកន្លងទៅថ្មីៗ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានរំពឹងទុកត្រឹមតែជាង៨ពាន់នាក់ស្មើឆ្នាំមុនតែប៉ុណ្ណោះ។ ម្យ៉ាងវិញទៀត ចំនួននេះធ្វើឲ្យគណៈកម្មការរៀបចំការប្រកួតបិទបញ្ជីមុនការកំណត់ទៀតផង។
លោកអនុរដ្ឋលេខាធិការក្រសួងទេចរណ៍រូបនេះបានបញ្ជាក់ថា ព្រឹត្តិការណ៍ខាងលើនេះធ្វើឡើងក្នុងគោលបំណង ដើម្បីស្វែងរកថវិកាជួយដល់មន្ទីរពេទ្យកុមារអង្គរខេត្តសៀមរាប មន្ទីរពេទ្យគន្ធបុប្ផា និងអង្គរការនានាដែលធ្វើការផ្នែកមនុស្សធម៌។ ជាពិសេស ដើម្បីបំផុសស្មារតីប្រជាពលរដ្ឋឲ្យចូលរួមចំណែកថែរក្សាបរិស្ថានតំបន់អង្គរ និងបរិស្ថានបៃតង។ លើសពីនេះដើម្បីទាក់ទាញភ្ញៀវទេសចរណ៍ជាតិ និងអន្តរជាតិឲ្យមកទស្សនាតំបន់អង្គរ។
កាលពីឆ្នាំមុនព្រឹត្តិការណ៍នេះបានបិរច្ចាកថវិកាប្រមាណជាជាង៥ម៉ឺនដុល្លារដល់ផ្នែកមនុស្សធម៌ ខណៈឆ្នាំនេះអាចនឹងមានការកើនឡើង។ ព្រឹត្តិការណ៍រត់ប្រណាំងបែបទេសចរណ៍នេះធ្វើឡើងក្រោមការដឹកនាំរបស់ ក្រសួងអប់រំ យុវជន និងកីឡាក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា ដោយសហការជាមួយអាជ្ញាធរខេត្តសៀមរាប និងអាជ្ញាធរអប្សរា ក្រោមការដឹកនាំបច្ចេកទេសរបស់សហព័ន្ធខ្មែរស្ម័គ្រចិត្តអត្តពលកម្ម។
ទិវារត់ប្រណាំងពាក់កណ្តាលម៉ារ៉ាតុនអង្គរលើកទី២១នឹងប្រព្រឹត្តទៅនៅថ្ងៃទី៤ ខែធ្នូ ឆ្នាំ២០១៦ នៅលើទឹកដីតំបន់អង្គរខេត្តសៀមរាប។ ការប្រកួតនេះមាន៣វិញ្ញាសា គឺវិញ្ញាសាពាក់កណ្តាលម៉ារ៉ាតុនរត់ចម្ងាយ២១គីឡូម៉ែត្របុរស-នារី, រត់ចម្ងាយ១០គីឡូម៉ែត្របុរស-នារី និងរត់ចម្ងាយ៣គីឡូម៉ែត្របែបលក្ខណៈកម្សាន្ត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
រត់ប្រណាំង
ពាក់កណ្តាលម៉ារ៉ាតុនអង្គរ២០១៦
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
8 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម