ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ពាក់កណ្តាលម៉ារ៉ាតុនអង្គរក្លាយជាផលិតផលទេសចរណ៍ដើម្បីទាក់ទាញភ្ញៀវឲ្យមកកម្ពុជា
05, Dec 2016 ,
2:58 pm
រូបភាព
×
ដោយ:
ព្រឹត្តិការណ៍រត់ប្រណាំងពាក់កណ្តាលម៉ារ៉ាតុនអង្គរឆ្នាំ២០១៦ ដែលរៀបចំនៅលើទឹកដីអង្គរខេត្តសៀមរាបទទួលបានអត្តពលិកជិត១ម៉ឹននាក់មកពីជាង៨០ប្រទេសចូលរួម។ ព្រឹត្តិទេសចរណ៍នេះបានបញ្ចប់យ៉ាងជោគជ័យកាលពីថ្ងៃទី៤ ខែធ្នូ ក្រោមការវាយតម្លៃខ្ពស់ពីថ្នាក់ដឹកនាំក្រសួងទេសចរណ៍ ក៏ដូចជាប្រធានគណៈកម្មការរៀបចំការប្រកួត ជាពិសេសទទួលបានការកោតសរសើរពីអត្តពលិកជាតិនិងអន្តរជាតិ។
ថ្នាក់ដឹកនាំក្រសួងទេចរណ៍ និងប្រធានគណៈកម្មការរៀបចំការប្រកួតពាក់កណ្តាលម៉ារ៉ាតុនអង្គរលើកទី២១នៅលើទឹកដីអង្គរខេត្តសៀមរាប ដែលទើបបានបញ្ចប់យ៉ាងជោគជ័យកាលពីថ្ងៃទី៤ ខែធ្នូ ម្សិលមិញ បានវាយតម្លៃថា ព្រឹត្តិការណ៍ពាក់កណ្តាលម៉ារ៉ាតុនអង្គរនៅឆ្នាំនេះទទួលបានការជោគជ័យខ្ពស់ ពោលគឺមិនត្រឹមតែអាចទាក់ទាញអត្តពលិកជិត១ម៉ឹននាក់ឲ្យចូលរួមប៉ុណ្ណោះទេ។ លើសពីនេះអាចទាក់ទាញភ្ញៀវទេសចរណ៍ជាតិ និងអន្តរជាតិជិត៦ពាន់នាក់ឲ្យមកទស្សនាតំបន់ទេសចរណ៍វប្បធម៌អង្គរទៀតផង។
លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាបានមានប្រសាសន៍ថា៖« ខ្ញុំគិតថា ប្រជាពលរដ្ឋយើង ក៏ដូចជាកីឡាករកីឡាការិនីជាតិ និងអន្តរជាតិទាំងអស់មានការពេញចិត្តណាស់នៅឆ្នាំនេះ ទី១យើងឃើញថា ទេសភាពល្អមែនទែន ទី២ការចូលរួមច្រើនជាងឆ្នាំមុនរហូតដល់ជាង៩ពាន់នាក់ ក្នុងនោះមកពីបរទេសជាង៥ពាន់នាក់ក្នុងកំនើន៧ភាគរយមកពី៨៥ប្រទេស។ តែអ្វីដែលគួរឲ្យកត់សម្គាល់និងយកចិត្តទុកដាក់បំផុតឆ្នាំនេះខ្មែរយើងមានរហូតដល់ជាង៤ពាន់នាក់»។
លោករដ្ឋមន្ត្រីក្រសួងទេសចរណ៍រូបនេះបានបន្តទៀតថា ក្នុងចំណោមអត្តពលិកជាង៤នាក់នេះក្នុងនោះចូលរួមរត់ប្រណាំងចម្ងាយ២១គីឡូម៉ែត្រមានចំនួនជាង៣០០នាក់ ជាចំនួនមួយដែលមិនធ្លាប់មាននៅកម្ពុជា ចំនួននេះអាចសរបញ្ជាក់ឲ្យឃើញថា ប្រជាជនកម្ពុជាឲ្យតម្លៃខ្ពស់ទៅលើវិស័យកីឡា ជាពិសេសមានការយល់ដឹងច្រើនពីអត្ថប្រយោជន៍នៃកីឡា។
ចំនួនដ៏ច្រើនសន្ធឹកសន្ធាប់របស់អត្តពលិកក៏ដូចជាភ្ញៀវទេសចរណ៍ជាតិ និងអន្តរជាតិដែលបានចូលរួមប្រកួតពាក់កណ្តាលម៉ារ៉ាតុនអង្គរនៅឆ្នាំនេះ មិនត្រឹមតែធ្វើឲ្យប្រជាពលរដ្ឋសប្បាយចិត្តប៉ុណ្ណោះទេ លើសពីនេះវាជួយដល់អាជីវករ ម្ចាស់ផ្ទះសំណាក់ សណ្ឋាគារ និងសេវាកម្មដឹកជញ្ជូនផ្សេងៗអាចទាញប្រាក់ចំណូលពីការចូលរួមនេះផងដែរ។ ប្រមុខដឹកនាំក្រសួងទេសចរណ៍បានចាត់ទុកវិស័យកីឡាទេសចរណ៍ គឺជាផលិតទេសចរណ៍មួយដ៏សំខាន់ក្នុងការជួយចូលរួមចំណែកអភិវឌ្ឍន៍វិស័យទេសចរណ៍កម្ពុជាឲ្យកាន់តែរីកចម្រើន និងទាក់ទាញភ្លៀវទេសចរណ៍ឲ្យមកទស្សនាតំបន់ទេសចរណ៍វប្បធម៌នៅកម្ពុជា។
ជាមួយគ្នានេះ លោក សែម ផល្លា ប្រធានគណៈកម្មការរៀបចំការប្រកួតពាក់កណ្តាលម៉ារ៉ាតុនអង្គរបានវាយតម្លៃថា ព្រឹត្តិការណ៍ពាក់កណ្តាលម៉ារ៉ាតុនអង្គរនៅឆ្នាំ២០១៦នេះ ទទួលបានជោគជ័យយ៉ាងធំធេងបើប្រៀមធៀបទៅនឹងឆ្នាំ២០១៥ ទាំងបញ្ហាបច្ចេកទេស និងចំនួនអ្នកចូលរួម។ ម្យ៉ាងវិញទៀត ផ្នែកសន្តិសុខសណ្តាប់ធ្នាប់ក៏មានលក្ខណល្អប្រសើរផងដែរ ពោលគឺឆ្នាំនេះមិនមានបញ្ហាដែលប៉ះពាល់ដល់អត្តពលិកកើតឡើងនោះឡើយ។
មិនត្រឹមតែប៉ុណ្ណោះ ព្រឹត្តិការណ៍ពាក់ម៉ារ៉ាតុនអង្គរលើកទី២១នៅឆ្នាំនេះ បញ្ចប់ក្រោមភាពសប្បាយរីករាយដោយការអំណោយផលពីអាកាសធាតុ ជាពិសេសទទួលបានការកោតសរសើរពីអត្តពលិកជាតិ និងអន្តរជាតិព្រមទាំងភ្ញៀវទេសចរណ៍ដែលមកទស្សនានៅទីនោះថែមទៀតផង។ ក្នុងចំណោមអត្តពលិកដែលចូលរួមព្រឹត្តិការណ៍នេះ ភាគច្រើនជាអ្នករត់បែបលក្ខណកម្សាន្ត ចំណែកកីឡាករអាជីពមានចំនួនតិចតួចប៉ុណ្ណោះ។
លោក សែម ផល្លា បានបរិយាយយ៉ាងដូច្នេះថា៖«ឆ្នាំនេះជាឆ្នាំលើកទី២១ គឺយើងទទួលបានជោគជ័យដ៏ធំធេងមិនដែលមាន បើប្រៀបធៀបទៅនឹងឆ្នាំ២០១៥យើងឃើញថាចំនួននេះកើនឡើងជាង១ពាន់នាក់ ហើយការរៀបចំយើងឃើញថា កីឡាករកីឡាការិនីយើង ក៏ដូចជាភ្ញៀវទេសចរណ៍មានទឹកចិត្តគាំទ្រ និងសម្តែងអារម្មណ៍សប្បាយរីករាយដែលបានចូលរួមក្នុងព្រឹត្តិការណ៍នេះ យើងសង្កេតឃើញថា អ្នករត់ភាគច្រើនជាអ្នករត់ដើម្បីកម្សាន្តសប្បាយ និងសុខភាព ចំណែកអ្នករត់អាជីពមានចំនួនតិចតួច»។
បើយោងតាមប្រធានគណៈកម្មការរៀបចំការប្រកួតព្រឹត្តិការណ៍ពាក់កណ្តាលម៉ារ៉ាតុនអង្គរ ប្រសិនបើមិនមានការបិទបញ្ជីឈ្មោះមុនថ្ងៃកំណត់ទេនោះ ចំនួនអត្តពលិកនិងមានអាចកើនឡើងជាង១ម៉ឹននាក់នៅឆ្នាំ២០១៦នេះ។ លោក សែម ផល្លា បានប្រាប់ពីមូលហេតុនៃការបិទបញ្ជីនេះថា ដោយសារឃើញពីសន្ទុះនៃការចុះឈ្មោះមានការកើនឡើងខ្ពស់លើសពីការរំពឹងទុក។ ម្យ៉ាងទៀត ដោយសារមិនបានត្រៀមសម្ភារឲ្យបានគ្រប់គ្រាន់ក្នុងការផ្គត់ផ្គង់ដល់អត្តពលិក ហើយលោករំពឹងថា ឆ្នាំក្រោយនឹងទទួលបានអត្តពលិកចូលរួមជាង១ម៉ឹននាក់។
ការកើនឡើងរបស់អត្តពលិកនិងភ្ញៀវទេសចរណ៍ វាជាចំណុចវិជ្ជមានមួយដែលអាចឆ្លុះបញ្ចាំងឲ្យឃើញថា វិស័យកីឡាបែបទេសចរណ៍ជាផលិតផលមួយដ៏សំខាន់ក្នុងការទាក់ទាញភ្ញៀវទេសចរណ៍ជាតិ និងអន្តរជាតិឲ្យមកចូលរួមទស្សនាតំបន់ទេសចរណ៍ប្រវត្តិសាស្ត្រនៅកម្ពុជា។ ជាពិសេសព្រឹត្តិការណ៍ម៉ារ៉ាតុនអង្គរ ចូលរួមចំណែកក្នុងការបង្កើនប្រាក់ចំណូលដល់ប្រជាពលរដ្ឋកម្ពុជា ជាសិសេសប្រជាពលរដ្ឋខេត្តសៀមរាប។
«ការកើនឡើងនេះក៏ជាលទ្ធផលល្អមួយសម្រាប់ប្រជាជនខេត្តសៀមរាប ពីព្រោះការកើនឡើងភ្ញៀវនៅតំបន់សៀមរាបរបស់យើង វាបានជួយលើកកម្ពស់ជីវភាពរបស់ប្រជាពលរដ្ឋខេត្តសៀមរាប ហើយក៏ជាការលើកកម្ពស់នូវកិត្យានុភាព នូវកេរិ៍ឈ្មោះរបស់កម្ពុជាប្រកបដោយសន្តិភាព និងស្ថេរភាពផងដែរ»។ នេះជាប្រសាសន៍របស់លោក សែម ផល្លារ ប្រធានគណៈកម្មាការរៀបចំការប្រកួតពាក់កណ្តាល់ម៉ារ៉ាតុនអង្គរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ពាក់កណ្តាលម៉ារ៉ាតុនអង្គរ២០១៦
លោក សែម ផល្លា
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
23 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម