កីឡាជាតិ
ជាតិ
ម្ចាស់ផ្ទះកម្ពុជារំពឹងឈ្នះមេដាយច្រើនពីព្រឹត្តិការណ៍ប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍
×![]()
កីឡាការិនីចំបាប់ និ សំណាង និងលោក Casey Barnett អនុប្រធានសហព័ន្ធកីឡាចំបាប់កម្ពុជា រំពឹងថា កម្ពុជានឹងទទួលបានលទ្ធផលល្អក្នុងនាមជាម្ចាស់ផ្ទះរៀបចំព្រឹត្តិការណ៍ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០១៦ (Southeast Asian Wrestling Championship 2016)។ ព្រឹត្តិការណ៍នេះ មានប្រទេស៦ និងអត្តពលិកចំនួន៥៩នាក់ចូលរួម ដោយកម្ពុជាចាត់ទុកវៀតណាម ជាឧបសគ្គដ៏ធំរបស់ខ្លួនក្នុងការប្រជែងយកមេដាយ។
ម្ចាស់មេដាយមាសស៊ីហ្គេមឆ្នាំ២០១៣ និ សំណាង រំពឹងថា កម្ពុជានឹងទទួលបានមេដាយច្រើនក្នុងនាមជាម្ចាស់ផ្ទះព្រឹត្តិការណ៍ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០១៦ ប៉ុន្តែវៀតណាមនឹងក្លាយជាឧបសគ្គយ៉ាងធំ។ ក្នុងចំណោមប្រទេសទាំង៥ដែលចូលរួម កីឡាការិនីកម្ពុជា និ សំណាង ហាក់ដូចជាមានព្រួយបារម្ភខ្លាំងចំពោះប្រទេសវៀតណាម ព្រោះប្រទេសនេះសម្បូរកីឡាករល្អៗ និងមានមាឌធំ។
ក្នុងបទសម្ភាសជាមួយសារព័ត៌មានក្នុងថ្ងៃបើកការប្រកួតនៅថ្ងៃទី៥ ខែធ្នូ កីឡាការិនី និ សំណាង បានរៀបរាប់យ៉ាងដូច្នេះថា៖«ខ្ញុំគិតថា ប្រទេសដែលជាឧបសគ្គសម្រាប់ខ្ញុំគឺប្រទេសវៀតណាម ព្រោះកីឡាករនៃប្រទេសនេះខុសគីឡូគ្នាពីខ្ញុំឆ្ងាយ ហើយមាឌគេក៏ធំដែរ ដូចខ្ញុំបានបញ្ជាក់អម្បាញ់មិញអ៊ីចឹងថា ខ្ញុំទម្ងន់៥០គីឡូក្រាម ហើយខ្ញុំប្រកួត៥៥គីឡូក្រាម។ ប្រសិនបើខ្ញុំគីឡូ៥០សម្រក២គីឡូមកប្រកួត៤៨គីឡូក្រាមក៏បានដែរ ប៉ុន្តែខ្ញុំទុកឲ្យក្មេងៗប្រកួត ព្រោះកម្ពុជាអាចដាក់កីឡាករបានពីរនាក់ក្នុង១វិញ្ញាសា»។
ទោះបីជាយ៉ាងនេះក្តី ដោយផ្អែកលើបទពិសោធន៍ការប្រកួត និងការខិតខំហ្វឹកហាត់ត្រៀមអស់រយៈពេលជាច្រើនខែកន្លងមក ម្ចាស់មេដាយសំរឹទ្ធកម្រិតអាស៊ីរូបនេះ បានដាក់ក្តីរំពឹងរហូត៨០ភាគរយសម្រាប់ការស្វែងរកមេដាយពីព្រឹត្តិការណ៍នេះជូនជាតិកម្ពុជា។«ខ្ញុំសង្ឃឹម៨០ភាគរយ ព្រោះខ្ញុំរំពឹងលើបទពិសោធន៍នៃការប្រកួត និងការហ្វឹកហាត់ដែលគ្រូកូរ៉េបានផ្តល់ឲ្យពួកយើងតាំងពីយូរមកហើយ»។ នេះជាសម្តីរបស់កីឡាការិនី និ សំណាង។
ជាមួយគ្នានេះ លោក Casey Barnett អនុប្រធានសហព័ន្ធកីឡាចំបាប់កម្ពុជាមានការព្រួយបារម្ភមិនខុសគ្នាពីកីឡាការិនី និ សំណាង នោះឡើយដោយលោកបានចាត់ទុកប្រទេសវៀតណាម និងថៃ ជាប្រទេសឧបសគ្គសម្រាប់កម្ពុជាក្នុងការស្វែងរកមេដាយពីព្រឹត្តិការណ៍នេះ។ ការព្រួយបារម្ភនេះ ដោយសារលោកយល់ឃើញថា ប្រទេសវៀតណាម និងថៃ ជាប្រទេសដែលពោរពេញទៅដោយបទពិសោធន៍ និងសម្បូរធនធានកីឡាករដែលមានសមត្ថភាព។
លោក Casey Barnett បានរៀបរាប់យ៉ាងដូច្នេះថា៖«ឧបសគ្គគឺប្រទេសវៀតណាម និងប្រទេសថៃ ព្រោះប្រទេសទាំងពីរនោះមានចំនួនកីឡាករច្រើន និងបទពិសោធន៍ច្រើន វៀតណាមមានកីឡាករពីរនាក់ដែលបានចូលរួមប្រកួតកីឡាអូឡាំពិកនៅប្រទេសប្រេស៊ីល។ អ៊ីចឹងមានន័យថា គេមានសមត្ថភាពខ្ពស់ ដូច្នេះឧបសគ្គសម្រាប់កម្ពុជាមានវៀតណាម បន្ទាប់មកប្រទេសថៃ»។
ដោយផ្អែកលើបទពិសោធន៍នៃការប្រកួតកីឡាជាតិលើកទី១ និងការហ្វឹកហាត់នាពេលកន្លងមកបានធ្វើឲ្យអនុប្រធានសហព័ន្ធរូបនេះមានក្តីរំពឹងខ្ពស់ក្នុងស្វែងរកមេដាយក្នុងនាមជាម្ចាស់ផ្ទះ។ ម្យ៉ាងទៀត លោកគិតថា កីឡាចំបាប់ជាក្បាច់គុនប្រពៃណីដែលមានដើមកំណើតនៅកម្ពុជាដ៏យូរលង់ណាស់មកហើយ។ លើសពីនេះកីឡាករដែលដាក់ឲ្យចូលរួមសុទ្ធសឹងជាកីឡាករដែលមានសមត្ថភាព និងបានឆ្លងកាត់ការប្រកួតតេស្តិ៍ចម្រាញ់អស់រយៈពេលជាច្រើនខែមកហើយ។
គួរបញ្ជាក់ថា សម្រាប់ការប្រកួតជើងឯកអាស៊ានឆ្នាំ២០១៦ កម្ពុជាបានដាក់កីឡាករឲ្យចូលរួមចំនួន២៥នាក់(ស្រី១០នាក់), វៀតណាមចំនួន១៦នាក់(ស្រី៦នាក់), ថៃចំនួន៨នាក់(ស្រី២នាក់), ឡាវចំនួន៤នាក់(ស្រី១នាក់), ម៉ាឡេស៊ី៤នាក់ និងសិង្ហបុរីចំនួន២នាក់។ ការប្រកួតចាប់ផ្តើមនាថ្ងៃទី៦ ខែធ្នូនេះ នៅអគារដំបូលទូកក្នុងពហុកីឡដ្ឋានជាតិ៕
ម្ចាស់មេដាយមាសស៊ីហ្គេមឆ្នាំ២០១៣ និ សំណាង រំពឹងថា កម្ពុជានឹងទទួលបានមេដាយច្រើនក្នុងនាមជាម្ចាស់ផ្ទះព្រឹត្តិការណ៍ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០១៦ ប៉ុន្តែវៀតណាមនឹងក្លាយជាឧបសគ្គយ៉ាងធំ។ ក្នុងចំណោមប្រទេសទាំង៥ដែលចូលរួម កីឡាការិនីកម្ពុជា និ សំណាង ហាក់ដូចជាមានព្រួយបារម្ភខ្លាំងចំពោះប្រទេសវៀតណាម ព្រោះប្រទេសនេះសម្បូរកីឡាករល្អៗ និងមានមាឌធំ។
ក្នុងបទសម្ភាសជាមួយសារព័ត៌មានក្នុងថ្ងៃបើកការប្រកួតនៅថ្ងៃទី៥ ខែធ្នូ កីឡាការិនី និ សំណាង បានរៀបរាប់យ៉ាងដូច្នេះថា៖«ខ្ញុំគិតថា ប្រទេសដែលជាឧបសគ្គសម្រាប់ខ្ញុំគឺប្រទេសវៀតណាម ព្រោះកីឡាករនៃប្រទេសនេះខុសគីឡូគ្នាពីខ្ញុំឆ្ងាយ ហើយមាឌគេក៏ធំដែរ ដូចខ្ញុំបានបញ្ជាក់អម្បាញ់មិញអ៊ីចឹងថា ខ្ញុំទម្ងន់៥០គីឡូក្រាម ហើយខ្ញុំប្រកួត៥៥គីឡូក្រាម។ ប្រសិនបើខ្ញុំគីឡូ៥០សម្រក២គីឡូមកប្រកួត៤៨គីឡូក្រាមក៏បានដែរ ប៉ុន្តែខ្ញុំទុកឲ្យក្មេងៗប្រកួត ព្រោះកម្ពុជាអាចដាក់កីឡាករបានពីរនាក់ក្នុង១វិញ្ញាសា»។
ទោះបីជាយ៉ាងនេះក្តី ដោយផ្អែកលើបទពិសោធន៍ការប្រកួត និងការខិតខំហ្វឹកហាត់ត្រៀមអស់រយៈពេលជាច្រើនខែកន្លងមក ម្ចាស់មេដាយសំរឹទ្ធកម្រិតអាស៊ីរូបនេះ បានដាក់ក្តីរំពឹងរហូត៨០ភាគរយសម្រាប់ការស្វែងរកមេដាយពីព្រឹត្តិការណ៍នេះជូនជាតិកម្ពុជា។«ខ្ញុំសង្ឃឹម៨០ភាគរយ ព្រោះខ្ញុំរំពឹងលើបទពិសោធន៍នៃការប្រកួត និងការហ្វឹកហាត់ដែលគ្រូកូរ៉េបានផ្តល់ឲ្យពួកយើងតាំងពីយូរមកហើយ»។ នេះជាសម្តីរបស់កីឡាការិនី និ សំណាង។
ជាមួយគ្នានេះ លោក Casey Barnett អនុប្រធានសហព័ន្ធកីឡាចំបាប់កម្ពុជាមានការព្រួយបារម្ភមិនខុសគ្នាពីកីឡាការិនី និ សំណាង នោះឡើយដោយលោកបានចាត់ទុកប្រទេសវៀតណាម និងថៃ ជាប្រទេសឧបសគ្គសម្រាប់កម្ពុជាក្នុងការស្វែងរកមេដាយពីព្រឹត្តិការណ៍នេះ។ ការព្រួយបារម្ភនេះ ដោយសារលោកយល់ឃើញថា ប្រទេសវៀតណាម និងថៃ ជាប្រទេសដែលពោរពេញទៅដោយបទពិសោធន៍ និងសម្បូរធនធានកីឡាករដែលមានសមត្ថភាព។
លោក Casey Barnett បានរៀបរាប់យ៉ាងដូច្នេះថា៖«ឧបសគ្គគឺប្រទេសវៀតណាម និងប្រទេសថៃ ព្រោះប្រទេសទាំងពីរនោះមានចំនួនកីឡាករច្រើន និងបទពិសោធន៍ច្រើន វៀតណាមមានកីឡាករពីរនាក់ដែលបានចូលរួមប្រកួតកីឡាអូឡាំពិកនៅប្រទេសប្រេស៊ីល។ អ៊ីចឹងមានន័យថា គេមានសមត្ថភាពខ្ពស់ ដូច្នេះឧបសគ្គសម្រាប់កម្ពុជាមានវៀតណាម បន្ទាប់មកប្រទេសថៃ»។
ដោយផ្អែកលើបទពិសោធន៍នៃការប្រកួតកីឡាជាតិលើកទី១ និងការហ្វឹកហាត់នាពេលកន្លងមកបានធ្វើឲ្យអនុប្រធានសហព័ន្ធរូបនេះមានក្តីរំពឹងខ្ពស់ក្នុងស្វែងរកមេដាយក្នុងនាមជាម្ចាស់ផ្ទះ។ ម្យ៉ាងទៀត លោកគិតថា កីឡាចំបាប់ជាក្បាច់គុនប្រពៃណីដែលមានដើមកំណើតនៅកម្ពុជាដ៏យូរលង់ណាស់មកហើយ។ លើសពីនេះកីឡាករដែលដាក់ឲ្យចូលរួមសុទ្ធសឹងជាកីឡាករដែលមានសមត្ថភាព និងបានឆ្លងកាត់ការប្រកួតតេស្តិ៍ចម្រាញ់អស់រយៈពេលជាច្រើនខែមកហើយ។
គួរបញ្ជាក់ថា សម្រាប់ការប្រកួតជើងឯកអាស៊ានឆ្នាំ២០១៦ កម្ពុជាបានដាក់កីឡាករឲ្យចូលរួមចំនួន២៥នាក់(ស្រី១០នាក់), វៀតណាមចំនួន១៦នាក់(ស្រី៦នាក់), ថៃចំនួន៨នាក់(ស្រី២នាក់), ឡាវចំនួន៤នាក់(ស្រី១នាក់), ម៉ាឡេស៊ី៤នាក់ និងសិង្ហបុរីចំនួន២នាក់។ ការប្រកួតចាប់ផ្តើមនាថ្ងៃទី៦ ខែធ្នូនេះ នៅអគារដំបូលទូកក្នុងពហុកីឡដ្ឋានជាតិ៕
Tag:
ចំបាប់
និ សំណាង
Casey Banett
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
31 នាទី
