កីឡាជាតិ
ជាតិ
ចំបាប់ជើងឯកអាស៊ាន៖ ឆាយ ច័ន្ទរស្មី ត្រៀមដណ្តើមមាសជាមួយកីឡាការិនីវៀតណាម
× ម្ចាស់ផ្ទះកម្ពុជាមានមេដាយប្រាក់១ និងសំរឹទ្ធមួយចំនួនក្នុងដៃពីការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០១៦(Southeast Asian Wrestling Championship 2016) ក្រោយពីធ្វើការប្រកួតអស់រយៈពេលមួយព្រឹកនៅថ្ងៃទី៦ ខែធ្នូ លើទីលានអគារដំបូលទូកក្នុងពហុកីឡដ្ឋានជាតិ ខណៈការប្រកួតនឹងបន្តនៅរសៀលនេះ។
កីឡាការិនីចំបាប់ ឆាយ ច័ន្ទរស្មី បានកក់មេដាយប្រាក់មួយគ្រឿងជូនម្ចាស់ផ្ទះកម្ពុជាពីព្រឹត្តិការណ៍ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០១៦លើប្រភេទទម្ងន់៥៥គីឡូក្រាម បន្ទាប់ពីបានឈ្នះពីរប្រកួតក្នុងចំណោម៣ប្រកួតលើកីឡាការិនីកម្ពុជា និងកីឡាការិនីថៃ។ កីឡាការិនីកម្ពុជារូបនេះត្រូវប្រជែងយកមេដាយមាសជាមួយកីឡាការិនីវៀតណាមក្នុងជុំទី៣ ដែលជាជុំផ្តាច់ព្រ័ត្រនាល្ងាចនេះ។
ក្រោយពីធ្វើការប្រកួតអស់រយៈពេលមួយព្រឹកនៅលើទីលានអគារដំបូលទូកក្នុងពហុកីឡដ្ឋានជាតិនៅថ្ងៃទី៦ ខែធ្នូ កម្ពុជាក៏បានមេដាយសំរឹទ្ធមួយចំនួនផងដែរជូនកម្ពុជា។ ប៉ុន្តែក្នុងចំណោម៦ប្រទេសដែលចូលរួមព្រឹត្តិការណ៍នេះ វៀតណាមកំពុងនាំមុខគេលើចំនួនមេដាយ ខណៈការប្រកួតនឹងបន្តនាល្ងាចនេះ៕
© រក្សាសិទ្ធិដោយ thmeythmey.com