អន្តរជាតិ
លោកស្រី ស៊ូជី ទទូចឲ្យសហគមន៍អន្តរជាតិយោគយល់ពីបញ្ហា«ជនជាតិភាគតិចរ៉ូហ៊ីងយ៉ា» ព្រោះ...
លោកស្រី អ៊ុងសាន ស៊ូជី
×![]()
ដោយ: ថ្មីៗ
មេដឹកនាំ de facto មីយ៉ាន់ម៉ា លោកស្រី អ៊ុងសាន ស៊ូជី បានទទូចឲ្យសហគមន៍អន្តរជាតិ កុំមើលឃើញតែចំណុចអវិជ្ជមាន និងបំប៉ោងបញ្ហា«រ៉ូហ៊ីងយ៉ា» ឲ្យកាន់តែធំនោះ។ លោកស្រី អះអាងថា រដ្ឋបាលរបស់លោកស្រី បាននិងកំពុងតែគ្រប់គ្រង និងព្យាយាមធ្វើឲ្យស្ថានភាពនៃបញ្ហានេះរក្សានៅភាពស្ងប់ស្ងាត់។
«ខ្ញុំ នឹងស្វាគមន៍ ប្រសិនបើ សហគមន៍អន្តរជាតិ នឹងជួយយើងដើម្បីរក្សាសន្តិភាព និងស្ថិរភាព និងធ្វើឲ្យដំណើរការនៃការកសាងទំនាក់ទំនងរវាងសហគមន៍ទាំងពីរកាន់តែល្អប្រសើរ(ក្រុមជនជាតិម៉ូស្លីមរ៉ូហ៊ីងយ៉ា និងក្រុមភាគច្រើនពុទ្ធសាសនិក) ជំនួសដោយការតែងតែការអំពាវនាវ និងការសម្តែងការខកចិត្តពីបញ្ហាជាដើមនោះ»។ នេះ គឺជាការអះអាងរបស់លោកស្រី អ៊ុងសាន ស៊ូជី ក្នុងកិច្ចសម្ភាសន៍ជាមួយនឹងទូរទស្សន៍សិង្ហបុរី Channel News Asia ក្នុងពេលលោកស្រី បំពេញទស្សនកិច្ចផ្លូវការទៅកាន់សិង្ហបុរីនៅសបា្តហ៍មុនកន្លងទៅ។
ក្នុងកិច្ចសម្ភាសន៍ដដែលនោះ លោកស្រី ស៊ូជី ដែលជាម្ចាស់ពានរង្វាន់ណូប៊ែលសន្តិភាពផងដែរនោះ ក៏បានទទូចទៅកាន់សហគមន៍អន្តរជាតិឲ្យមានការយោគយល់ជុំវិញវិបត្តិជនជាតិភាគតិចរ៉ូហ៊ីងយ៉ា ដោយលោកស្រី ពន្យល់ថា វាជាបញ្ហារសើប និងផុយស្រួយមួយ ហើយទំនាក់ទំនងរវាងសហគមន៍ទាំងពីរ មិនដែលមានលក្ខណៈល្អប្រសើរជាមួយគ្នាម្តងណាឡើយ។
យ៉ាងណាក៏ដោយ ទីប្រឹក្សារដ្ឋរូបនេះ ក៏បានបញ្ជាក់ទៀតយ៉ាងដូច្នេះថា៖«វា មិនមានប្រយោជន៍អ្វីឡើយ ប្រសិនបើគ្រប់គ្នា ផ្តោតទៅលើចំណុចអវិជ្ជមាននៃស្ថានភាព បើទោះបីជាមានការវាយប្រហារទៅលើកងកម្លាំងរដ្ឋាភិបាលដែលបានចាប់ផ្តើមពីថ្ងៃទី០៩ ខែតុលានោះ»។ លោកស្រី លើកឡើងបែបនេះដើម្បីឆ្លើយតបទៅតបនឹងការលើកឡើងរបស់មន្ត្រីអង្គការសហប្រជាជាតិទទទួលបានជនភៀសខ្លួន បានចោទយោធា បានធ្វើទុកបុកម្នេញទៅលើជនជាតិភាគតិចរ៉ូហ៊ីងយ៉ា ដោយមានទាំងការសម្លាប់ ចាប់រំលោភ ដុចផ្ទះសម្បែង និងបង្ខំឲ្យចាកចេញពី ប្រទេសផងដែរនោះដែលបានចាប់ផ្តើមពីខែតុលាកន្លងទៅនោះ។
តាមច្បាប់សញ្ជាតិមីយ៉ាន់ម៉ា មានតែជនជាតិ១៣៥ ដែលត្រូវបានទទួលស្គាល់ថាជាប្រជាជនស្របច្បាប់មីយ៉ាន់ម៉ា តែ មិនមានជនជាតិរ៉ូហ៊ីងយ៉ានៅក្នុងនោះឡើយ។ បើទោះបីជាជនជាតិភាគតិចរ៉ូហ៊ីងយ៉ា បានចូលទៅតាំងលំនៅភាគច្រើននៅក្នុងរដ្ឋ Rakhine ភាគខាងជើងនៃមីយ៉ាន់ម៉ារហូតដល់បង្កើតជាកូនតដល់ចៅហើយក៏ដោយចុះ ពួកគេ នៅតែត្រូវបានចាត់ទុកជាជនភៀសខ្លួនមកពីបង់ក្លាដែសប៉ុណ្ណោះសម្រាប់ប្រជាជនមីយ៉ាន់ម៉ាទូទៅ។ ប្រជាជនភាគតិចឥស្លាមរ៉ូហ៊ីងយ៉ាងរស់នៅដោយគ្មានសញ្ជាតិ ហើយត្រូវបានគេរំលោភបំពាននិងធ្វើទុក្ខបុកម្នេញដូចសត្វធាតុ។ គ្មានឡើយសិទ្ធិជាមូលដ្ឋាន កុំថាឡើយមានសិទ្ធិសាសនានិងជំនឿនោះ។ នេះក៏ដោយសារ ចាប់តាំងពីជម្លោះ សាសនាកើតឡើងឆ្នាំ ២០១២ មក ពួកគេក្លាយជាគោលដៅនៃការវាយប្រហាររបស់បណ្តាសង្ឃជ្រុលនិយមនិងប្រជាជនកាន់សាសនាព្រះពុទ្ធដែលជ្រុលនិយមមួយចំនួនផង៕
«ខ្ញុំ នឹងស្វាគមន៍ ប្រសិនបើ សហគមន៍អន្តរជាតិ នឹងជួយយើងដើម្បីរក្សាសន្តិភាព និងស្ថិរភាព និងធ្វើឲ្យដំណើរការនៃការកសាងទំនាក់ទំនងរវាងសហគមន៍ទាំងពីរកាន់តែល្អប្រសើរ(ក្រុមជនជាតិម៉ូស្លីមរ៉ូហ៊ីងយ៉ា និងក្រុមភាគច្រើនពុទ្ធសាសនិក) ជំនួសដោយការតែងតែការអំពាវនាវ និងការសម្តែងការខកចិត្តពីបញ្ហាជាដើមនោះ»។ នេះ គឺជាការអះអាងរបស់លោកស្រី អ៊ុងសាន ស៊ូជី ក្នុងកិច្ចសម្ភាសន៍ជាមួយនឹងទូរទស្សន៍សិង្ហបុរី Channel News Asia ក្នុងពេលលោកស្រី បំពេញទស្សនកិច្ចផ្លូវការទៅកាន់សិង្ហបុរីនៅសបា្តហ៍មុនកន្លងទៅ។
ក្នុងកិច្ចសម្ភាសន៍ដដែលនោះ លោកស្រី ស៊ូជី ដែលជាម្ចាស់ពានរង្វាន់ណូប៊ែលសន្តិភាពផងដែរនោះ ក៏បានទទូចទៅកាន់សហគមន៍អន្តរជាតិឲ្យមានការយោគយល់ជុំវិញវិបត្តិជនជាតិភាគតិចរ៉ូហ៊ីងយ៉ា ដោយលោកស្រី ពន្យល់ថា វាជាបញ្ហារសើប និងផុយស្រួយមួយ ហើយទំនាក់ទំនងរវាងសហគមន៍ទាំងពីរ មិនដែលមានលក្ខណៈល្អប្រសើរជាមួយគ្នាម្តងណាឡើយ។
យ៉ាងណាក៏ដោយ ទីប្រឹក្សារដ្ឋរូបនេះ ក៏បានបញ្ជាក់ទៀតយ៉ាងដូច្នេះថា៖«វា មិនមានប្រយោជន៍អ្វីឡើយ ប្រសិនបើគ្រប់គ្នា ផ្តោតទៅលើចំណុចអវិជ្ជមាននៃស្ថានភាព បើទោះបីជាមានការវាយប្រហារទៅលើកងកម្លាំងរដ្ឋាភិបាលដែលបានចាប់ផ្តើមពីថ្ងៃទី០៩ ខែតុលានោះ»។ លោកស្រី លើកឡើងបែបនេះដើម្បីឆ្លើយតបទៅតបនឹងការលើកឡើងរបស់មន្ត្រីអង្គការសហប្រជាជាតិទទទួលបានជនភៀសខ្លួន បានចោទយោធា បានធ្វើទុកបុកម្នេញទៅលើជនជាតិភាគតិចរ៉ូហ៊ីងយ៉ា ដោយមានទាំងការសម្លាប់ ចាប់រំលោភ ដុចផ្ទះសម្បែង និងបង្ខំឲ្យចាកចេញពី ប្រទេសផងដែរនោះដែលបានចាប់ផ្តើមពីខែតុលាកន្លងទៅនោះ។
តាមច្បាប់សញ្ជាតិមីយ៉ាន់ម៉ា មានតែជនជាតិ១៣៥ ដែលត្រូវបានទទួលស្គាល់ថាជាប្រជាជនស្របច្បាប់មីយ៉ាន់ម៉ា តែ មិនមានជនជាតិរ៉ូហ៊ីងយ៉ានៅក្នុងនោះឡើយ។ បើទោះបីជាជនជាតិភាគតិចរ៉ូហ៊ីងយ៉ា បានចូលទៅតាំងលំនៅភាគច្រើននៅក្នុងរដ្ឋ Rakhine ភាគខាងជើងនៃមីយ៉ាន់ម៉ារហូតដល់បង្កើតជាកូនតដល់ចៅហើយក៏ដោយចុះ ពួកគេ នៅតែត្រូវបានចាត់ទុកជាជនភៀសខ្លួនមកពីបង់ក្លាដែសប៉ុណ្ណោះសម្រាប់ប្រជាជនមីយ៉ាន់ម៉ាទូទៅ។ ប្រជាជនភាគតិចឥស្លាមរ៉ូហ៊ីងយ៉ាងរស់នៅដោយគ្មានសញ្ជាតិ ហើយត្រូវបានគេរំលោភបំពាននិងធ្វើទុក្ខបុកម្នេញដូចសត្វធាតុ។ គ្មានឡើយសិទ្ធិជាមូលដ្ឋាន កុំថាឡើយមានសិទ្ធិសាសនានិងជំនឿនោះ។ នេះក៏ដោយសារ ចាប់តាំងពីជម្លោះ សាសនាកើតឡើងឆ្នាំ ២០១២ មក ពួកគេក្លាយជាគោលដៅនៃការវាយប្រហាររបស់បណ្តាសង្ឃជ្រុលនិយមនិងប្រជាជនកាន់សាសនាព្រះពុទ្ធដែលជ្រុលនិយមមួយចំនួនផង៕
Tag:
មីយ៉ាន់ម៉ា
រ៉ូហ៊ីងយ៉ា
អាស៊ាន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
16 ម៉ោង
