អន្តរជាតិ
អាបេ គោរពវិញ្ញាណក្ខន្ធអ្នកស្លាប់នៅ Pearl Harbor ដើម្បីជំរុញឲ្យពិភពលោកទប់ស្កាត់សង្គ្រាម
×![]()
នាយរដ្ឋមន្ត្រីជប៉ុនលោក ស៊ីនហ្សូ អាបេ នឹងបំពេញទស្សនកិច្ចនៅរដ្ឋហាវ៉ៃ ហើយលោកនឹងទៅគោរពវិញ្ញាណក្ខន្ធជនរងគ្រោះអ្នកដែលស្លាប់នៅកំពង់ផែ Pearl Harbor ផងដែរ។ លោក អាបេ ក្លាយជានាយករដ្ឋមន្ត្រីជប៉ុនដំបូងបំផុតដែលទៅទស្សនកិច្ចនៅ Pearl Harbor ក្នុងរយៈពេល ៧៥ ឆ្នាំ ក្រោយកងទ័ពជប៉ុនលួចវាយប្រហារលើមូលដ្ឋានទ័ពជើងទឹកអាមេរិកនេះ។ វាជាការ ឆ្លើយតបសកម្មភាពលោក បារ៉ាក់ អូបាម៉ា ដែលបានអញ្ជើញទៅគោរពវិញ្ញាណក្ខន្ធអ្នកស្លាប់នៅទីក្រុង ហ៊ីរ៉ូស៊ីម៉ាកាលពីខែឧសភាកន្លងទៅនេះ។
សូមស្តាប់ការបកស្រាយរបស់លោក សៅ ផលនិស្ស័យ៖
នាយករដ្ឋមន្ត្រីជប៉ុនលោក ស៊ីនហ្សូ អាបេ នឹងអញ្ជើញទៅទស្សនកិច្ចរដ្ឋហាវ៉ៃ សហរដ្ឋអាមេរិកនៅចុងខែធ្នូខាងមុខនេះ។ អ្វីដែលនឹងក្លាយជាព្រឹត្តិការណ៍ប្រវត្តិសាស្ត្រ នាយករដ្ឋមន្ត្រីជប៉ុនរូបនេះរួមជាមួយប្រធានាធិបតីអាមេរិកលោក បារ៉ាក់ អូបាម៉ា នឹងអញ្ជើញទៅគោរពវិញ្ញាណក្ខន្ធជនរងគ្រោះជាជនជាតិអាមេរិកដែលបានស្លាប់ក្នុងព្រឹត្តិការណ៍វាយប្រហារដោយកងទ័ពជប៉ុននាថ្ងៃ ៧ ខែធ្នូ ឆ្នាំ ១៩៤១ មុនសង្គ្រាមលោកលើកទី២ចាប់ផ្តើម។
ទស្សនកិច្ចរបស់លោកកើតឡើងក្នុងរយៈពេល ៧៥ ឆ្នាំ ក្រោយការវាយប្រហារដ៏គួរឲ្យភ្ងាក់ផ្អើលនេះ ហើយលោកក៏នឹងក្លាយជាមេដឹកនាំជប៉ុនទី ១ ដែលទៅគោរពវិញ្ញាណក្ខន្ធអ្នកស្លាប់ទាំងនោះដែរ។ យោងតាមការប្រកាសរបស់សេតវិមានអាមេរិក លោក បារ៉ាក់ អូបាម៉ា និងជួបជាមួយលោក ស៊ីនហ្សូ អាបេ នៅថ្ងៃ ២៧ ខែធ្នូ ហើយអ្នកទាំងពីរនឹងបន្តដំណើរទៅកន្លែងរម្លឹកវិញ្ញណក្ខន្ធអ្នកស្លាប់ USS Arizona។
១. លោក អាបេ នឹងមិនសុំអភ័យទោសចំពោះការវាយប្រហារនេះឡើយ
គេដឹងច្បាស់ថា ការអញ្ជើញទៅគោរពវិញ្ញាណក្ខន្ធនៅ Pearl Harbor របស់លោក ស៊ីហ្សូ អាបេ ជាការឆ្លើយតបនឹងសកម្មភាពរបស់លោក បារ៉ាក់ អូបាម៉ា ដែលបានអញ្ជើញទៅគោរពវិញ្ញណក្ខន្ធប្រជាជនជប៉ុនដែលស្លាប់នៅទីក្រុងហ៊ីរ៉ូស៊ីម៉ាដោយសារការទម្លាក់គ្រាប់បែកបរមាណូរបស់ អាមេរិកដែរ។
កាលពីខែឧសភា លោក បារ៉ាក់ អូបាម៉ា ក្លាយជាប្រធានាធិបតីអាមេរិកដំបូងបំផុតដែលអញ្ជើញទៅគោរពវិញ្ញាណក្ខន្ធប្រជាជនជប៉ុនដែលបានស្លាប់បាត់បង់ជីវិតនៅហ៊ីរ៉ូស៊ីម៉ា។ ប៉ុន្តែអ្វីដែលគួរឲ្យកត់សម្គាល់ លោកមិនបានសុំអភ័យទោសចំពោះការទម្លាក់គ្រាប់បែកនេះឡើយ។ លោក អូបាម៉ា បានឆ្លៀតផ្ញើសារទៅកាន់មេដឹកនាំឯទៀតជាពិសេសប្រទេសដែលមានអាវុធនុយក្លេអ៊ែរទប់ស្កាត់កុំឲ្យមានការសាយភាយ ឬឈានដល់ការប្រើប្រាស់អាវុធប្រល័យលោកនេះជាថ្មីទៀត។ ប្រជាជនជប៉ុនសង្ឃឹមថា បណ្តាមេដឹកនាំពិភពលោកផ្សេងទៀតនឹងធ្វើតាមលោក បារ៉ាក់ អូបាម៉ា ហើយជប៉ុនក៏ប្តេជ្ញាបន្តតួនាទីជាតស៊ូមតិជំរុញឲ្យមានការធ្វើឲ្យពិភពលោកក្លាយជាពិភពដែលគ្មានអាវុធនុយក្លេអ៊ែរថែមទៀតផង។
ដោយសារលោក បារ៉ាក់ អូបាម៉ា មិនសុំអភ័យទោសចំពោះការទម្លាក់គ្រាប់បែកបរមាណូនៅទីក្រុងជប៉ុន លោក ស៊ីនហ្សូ អាបេ ក៏នឹងមិនសុំអភ័យទោសចំពោះការវាយប្រហាររបស់កងទ័ពជប៉ុននៅមូលដ្ឋានទ័ពអាមេរិកនេះឡើយ ថ្វីបើលោកបើលោកទៅគោរពវិញ្ញណក្ខន្ធអ្នកស្លាប់ក្តី។
២.អាបេ ជំរុញឲ្យពិភពលោកថែរក្សាសន្តិភាពនិងទប់ស្កាត់កុំឲ្យសង្គ្រាមកើតជាថ្មី
តាមពិតទៅ លោក ស៊ីនហ្សូ អាបេ ក៏ឆ្លៀតយកឱកាសនៃការគោរពវិញ្ញាណក្ខន្ធដើម្បីជំរុញឲ្យពិភពលោកថែរក្សាសន្តិភាព និងទប់ស្កាត់ឲ្យបានសោកនាដកម្មដ៏គួរឲ្យខ្លោចផ្សាដែលកើតឡើងដោយសារសង្គ្រាមនេះដែរ។ លោកបានបញ្ជាក់ប្រាប់អ្នកសារព័ត៌មាននៅថ្ងៃចន្ទទី ៥ ធ្នូថា៖ «ខ្ញុំទៅគោរពវិញ្ញណក្ខន្ធអ្នកស្លាប់ ហើយចង់បង្ហាញទៅកាន់ពិភពលោកថា សង្គ្រាមដែលគួរឲ្យភ័យខ្លាចនេះមិនត្រូវកើតឡើងម្តងទៀតឡើយ»។
ជប៉ុនដឹងច្បាស់ពីសោកនាដកម្មក្នុងសម័យសង្គ្រាមលោកលើកទីពីរ ព្រោះប្រជាជនជប៉ុនរាប់ម៉ឺននាក់ត្រូវស្លាប់ដោយសារការទម្លាក់គ្រាប់បែកបរមាណូរបស់អាមេរិកលើទីក្រុងធំៗពីររបស់ខ្លួននោះ។ វាជារឿងដែលជប៉ុនចាំមិនភ្លេច ហើយវាក៏ជារឿងខ្លោចផ្សាបំផុតដែរក្នុងប្រវត្តិសាស្ត្រ។
ម្យ៉ាងទៀត លោក អាបេ ក៏ចង់ប្រើប្រាស់ដំណើរទស្សនកិច្ចរបស់លោកដើម្បីផ្សះផ្សាជាមួយអាមេរិក និងពង្រឹងសម្ព័ន្ធភាពដែលមានស្រាប់នោះឲ្យកាន់តែរឹងមាំថែមទៀតផង។ អ្វីដែលគេមិនអាចប្រកែកបាននោះគឺ ការគោរពវិញ្ញាណក្ខន្ធទៅវិញទៅមកនេះឆ្លុះបញ្ចាំឲ្យឃើញពីការផ្សះផ្សាទំនាក់ទំនងដោយប្តូរពីសត្រូវទៅជាសម្ព័ន្ធមិត្ត រួមសាមគ្គីគ្នាដើម្បីប្រយោជន៍រួម និងតម្លៃរួមគ្នាផងដែរ។ យ៉ាងណាមិញ នាយករដ្ឋមន្ត្រីជប៉ុនរូបនេះប្រហែលជាត្រៀមលក្ខណៈស្របពេលដែលទំនាក់ទំនងនេះអាចនឹងប្រែប្រួលក្រោយប្រធានាធិបតីអាមេរិកថ្មីចូលកាន់តំណែងនៅដើមឆ្នាំក្រោយ។
គេដឹងច្បាស់ថា ជប៉ុននៅភ័យនិងបារម្ភដែរក្រោយ លោក ដូណាល់ ត្រាំ ជាប់ឆ្នោតជាប្រធានាធិបតីអាមេរិកថ្មី។ នេះក៏ដោយសារគ្រប់យ៉ាងស្ថិតក្នុងស្ថានភាពមិនច្បាស់លាស់សូម្បីតែសម្ព័ន្ធភាពដែលមានរាប់ទសវត្សរ៍មកហើយក្តី។ កាលពីដើមឆ្នាំនេះ លោក ដូណាល់ ត្រាំ បានប្រកាស ទារថ្លៃ ការពារពីប្រទេសសម្ព័ន្ធមិត្តអាមេរិកជប៉ុននិងកូរ៉េខាងត្បូង ហើយលោកថែមទាំងគំរាមដកទ័ពចេញពីប្រទេសទាំងពីរនេះទៀតផងដែរ។ ប៉ុន្តែក្រោយដឹងថាលោក ដូណាល់ ត្រាំ ជាប់ឆ្នោតភ្លាម លោក ស៊ីនហ្សូ អាបេ ប្រញាប់ប្រញាល់ធ្វើដំណើរទៅអាមេរិកទៅស្កាត់ជួបលោក ត្រាំ ដើម្បីបង្ហាញពីគោលជំហររបស់ជប៉ុននិងការត្រៀមលក្ខណៈធ្វើការជាមួយគ្នានៅពេលអនាគតថែមទៀត៕
សូមស្តាប់ការបកស្រាយរបស់លោក សៅ ផលនិស្ស័យ៖
នាយករដ្ឋមន្ត្រីជប៉ុនលោក ស៊ីនហ្សូ អាបេ នឹងអញ្ជើញទៅទស្សនកិច្ចរដ្ឋហាវ៉ៃ សហរដ្ឋអាមេរិកនៅចុងខែធ្នូខាងមុខនេះ។ អ្វីដែលនឹងក្លាយជាព្រឹត្តិការណ៍ប្រវត្តិសាស្ត្រ នាយករដ្ឋមន្ត្រីជប៉ុនរូបនេះរួមជាមួយប្រធានាធិបតីអាមេរិកលោក បារ៉ាក់ អូបាម៉ា នឹងអញ្ជើញទៅគោរពវិញ្ញាណក្ខន្ធជនរងគ្រោះជាជនជាតិអាមេរិកដែលបានស្លាប់ក្នុងព្រឹត្តិការណ៍វាយប្រហារដោយកងទ័ពជប៉ុននាថ្ងៃ ៧ ខែធ្នូ ឆ្នាំ ១៩៤១ មុនសង្គ្រាមលោកលើកទី២ចាប់ផ្តើម។
ទស្សនកិច្ចរបស់លោកកើតឡើងក្នុងរយៈពេល ៧៥ ឆ្នាំ ក្រោយការវាយប្រហារដ៏គួរឲ្យភ្ងាក់ផ្អើលនេះ ហើយលោកក៏នឹងក្លាយជាមេដឹកនាំជប៉ុនទី ១ ដែលទៅគោរពវិញ្ញាណក្ខន្ធអ្នកស្លាប់ទាំងនោះដែរ។ យោងតាមការប្រកាសរបស់សេតវិមានអាមេរិក លោក បារ៉ាក់ អូបាម៉ា និងជួបជាមួយលោក ស៊ីនហ្សូ អាបេ នៅថ្ងៃ ២៧ ខែធ្នូ ហើយអ្នកទាំងពីរនឹងបន្តដំណើរទៅកន្លែងរម្លឹកវិញ្ញណក្ខន្ធអ្នកស្លាប់ USS Arizona។
១. លោក អាបេ នឹងមិនសុំអភ័យទោសចំពោះការវាយប្រហារនេះឡើយ
គេដឹងច្បាស់ថា ការអញ្ជើញទៅគោរពវិញ្ញាណក្ខន្ធនៅ Pearl Harbor របស់លោក ស៊ីហ្សូ អាបេ ជាការឆ្លើយតបនឹងសកម្មភាពរបស់លោក បារ៉ាក់ អូបាម៉ា ដែលបានអញ្ជើញទៅគោរពវិញ្ញណក្ខន្ធប្រជាជនជប៉ុនដែលស្លាប់នៅទីក្រុងហ៊ីរ៉ូស៊ីម៉ាដោយសារការទម្លាក់គ្រាប់បែកបរមាណូរបស់ អាមេរិកដែរ។
កាលពីខែឧសភា លោក បារ៉ាក់ អូបាម៉ា ក្លាយជាប្រធានាធិបតីអាមេរិកដំបូងបំផុតដែលអញ្ជើញទៅគោរពវិញ្ញាណក្ខន្ធប្រជាជនជប៉ុនដែលបានស្លាប់បាត់បង់ជីវិតនៅហ៊ីរ៉ូស៊ីម៉ា។ ប៉ុន្តែអ្វីដែលគួរឲ្យកត់សម្គាល់ លោកមិនបានសុំអភ័យទោសចំពោះការទម្លាក់គ្រាប់បែកនេះឡើយ។ លោក អូបាម៉ា បានឆ្លៀតផ្ញើសារទៅកាន់មេដឹកនាំឯទៀតជាពិសេសប្រទេសដែលមានអាវុធនុយក្លេអ៊ែរទប់ស្កាត់កុំឲ្យមានការសាយភាយ ឬឈានដល់ការប្រើប្រាស់អាវុធប្រល័យលោកនេះជាថ្មីទៀត។ ប្រជាជនជប៉ុនសង្ឃឹមថា បណ្តាមេដឹកនាំពិភពលោកផ្សេងទៀតនឹងធ្វើតាមលោក បារ៉ាក់ អូបាម៉ា ហើយជប៉ុនក៏ប្តេជ្ញាបន្តតួនាទីជាតស៊ូមតិជំរុញឲ្យមានការធ្វើឲ្យពិភពលោកក្លាយជាពិភពដែលគ្មានអាវុធនុយក្លេអ៊ែរថែមទៀតផង។
ដោយសារលោក បារ៉ាក់ អូបាម៉ា មិនសុំអភ័យទោសចំពោះការទម្លាក់គ្រាប់បែកបរមាណូនៅទីក្រុងជប៉ុន លោក ស៊ីនហ្សូ អាបេ ក៏នឹងមិនសុំអភ័យទោសចំពោះការវាយប្រហាររបស់កងទ័ពជប៉ុននៅមូលដ្ឋានទ័ពអាមេរិកនេះឡើយ ថ្វីបើលោកបើលោកទៅគោរពវិញ្ញណក្ខន្ធអ្នកស្លាប់ក្តី។
២.អាបេ ជំរុញឲ្យពិភពលោកថែរក្សាសន្តិភាពនិងទប់ស្កាត់កុំឲ្យសង្គ្រាមកើតជាថ្មី
តាមពិតទៅ លោក ស៊ីនហ្សូ អាបេ ក៏ឆ្លៀតយកឱកាសនៃការគោរពវិញ្ញាណក្ខន្ធដើម្បីជំរុញឲ្យពិភពលោកថែរក្សាសន្តិភាព និងទប់ស្កាត់ឲ្យបានសោកនាដកម្មដ៏គួរឲ្យខ្លោចផ្សាដែលកើតឡើងដោយសារសង្គ្រាមនេះដែរ។ លោកបានបញ្ជាក់ប្រាប់អ្នកសារព័ត៌មាននៅថ្ងៃចន្ទទី ៥ ធ្នូថា៖ «ខ្ញុំទៅគោរពវិញ្ញណក្ខន្ធអ្នកស្លាប់ ហើយចង់បង្ហាញទៅកាន់ពិភពលោកថា សង្គ្រាមដែលគួរឲ្យភ័យខ្លាចនេះមិនត្រូវកើតឡើងម្តងទៀតឡើយ»។
ជប៉ុនដឹងច្បាស់ពីសោកនាដកម្មក្នុងសម័យសង្គ្រាមលោកលើកទីពីរ ព្រោះប្រជាជនជប៉ុនរាប់ម៉ឺននាក់ត្រូវស្លាប់ដោយសារការទម្លាក់គ្រាប់បែកបរមាណូរបស់អាមេរិកលើទីក្រុងធំៗពីររបស់ខ្លួននោះ។ វាជារឿងដែលជប៉ុនចាំមិនភ្លេច ហើយវាក៏ជារឿងខ្លោចផ្សាបំផុតដែរក្នុងប្រវត្តិសាស្ត្រ។
ម្យ៉ាងទៀត លោក អាបេ ក៏ចង់ប្រើប្រាស់ដំណើរទស្សនកិច្ចរបស់លោកដើម្បីផ្សះផ្សាជាមួយអាមេរិក និងពង្រឹងសម្ព័ន្ធភាពដែលមានស្រាប់នោះឲ្យកាន់តែរឹងមាំថែមទៀតផង។ អ្វីដែលគេមិនអាចប្រកែកបាននោះគឺ ការគោរពវិញ្ញាណក្ខន្ធទៅវិញទៅមកនេះឆ្លុះបញ្ចាំឲ្យឃើញពីការផ្សះផ្សាទំនាក់ទំនងដោយប្តូរពីសត្រូវទៅជាសម្ព័ន្ធមិត្ត រួមសាមគ្គីគ្នាដើម្បីប្រយោជន៍រួម និងតម្លៃរួមគ្នាផងដែរ។ យ៉ាងណាមិញ នាយករដ្ឋមន្ត្រីជប៉ុនរូបនេះប្រហែលជាត្រៀមលក្ខណៈស្របពេលដែលទំនាក់ទំនងនេះអាចនឹងប្រែប្រួលក្រោយប្រធានាធិបតីអាមេរិកថ្មីចូលកាន់តំណែងនៅដើមឆ្នាំក្រោយ។
គេដឹងច្បាស់ថា ជប៉ុននៅភ័យនិងបារម្ភដែរក្រោយ លោក ដូណាល់ ត្រាំ ជាប់ឆ្នោតជាប្រធានាធិបតីអាមេរិកថ្មី។ នេះក៏ដោយសារគ្រប់យ៉ាងស្ថិតក្នុងស្ថានភាពមិនច្បាស់លាស់សូម្បីតែសម្ព័ន្ធភាពដែលមានរាប់ទសវត្សរ៍មកហើយក្តី។ កាលពីដើមឆ្នាំនេះ លោក ដូណាល់ ត្រាំ បានប្រកាស ទារថ្លៃ ការពារពីប្រទេសសម្ព័ន្ធមិត្តអាមេរិកជប៉ុននិងកូរ៉េខាងត្បូង ហើយលោកថែមទាំងគំរាមដកទ័ពចេញពីប្រទេសទាំងពីរនេះទៀតផងដែរ។ ប៉ុន្តែក្រោយដឹងថាលោក ដូណាល់ ត្រាំ ជាប់ឆ្នោតភ្លាម លោក ស៊ីនហ្សូ អាបេ ប្រញាប់ប្រញាល់ធ្វើដំណើរទៅអាមេរិកទៅស្កាត់ជួបលោក ត្រាំ ដើម្បីបង្ហាញពីគោលជំហររបស់ជប៉ុននិងការត្រៀមលក្ខណៈធ្វើការជាមួយគ្នានៅពេលអនាគតថែមទៀត៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
