ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
ចិនលក់សំបុត្រទេសចរណ៍ចូលទស្សនាវេទិកាប្រជុំអាស៊ីBOAO
07, Dec 2016 ,
10:30 am
រូបភាព
×
ដោយ:
ហៃណាន, ចិន៖ រដ្ឋាភិបាលចិនបានអនុញ្ញាតឲ្យភ្ញៀវទេសចរចូលទស្សនាកន្លែងរៀបចំកិច្ចប្រជុំមេដឹកនាំអាស៊ី និងចិន ឬវេទិកាអាស៊ី ប៊ួអៅ (BOAO)ក្នុងទីក្រុងប៊ួអៅ ខេត្តហៃណាន។
ភ្ញៀវទេសចរជាតិ និងអន្តរជាតិត្រូវចំណាយថវិកាចំនួន ៨០យ័ន ស្មើនឹងជាង ១០ដុល្លារអាមេរិកក្នុងមួយនាក់ ដើម្បីចូលទស្សនាវេទិកាប្រជុំរបស់ប្រមុខរដ្ឋ និងប្រមុខរដ្ឋាភិបាលអាស៊ី-ចិនជាង ២០ប្រទេស តាំងពីឆ្នាំ ២០១៤មក។
កញ្ញា សៀវ ហ័រ មគ្គុទេ្ទសក៏ទេសចរប្រចាំតំបន់ BOAO បានប្រាប់សារព័ត៌មានថ្មីៗថា ភ្ញៀវទេសចរចាប់អារម្មណ៍ពីវេទិកានេះ ព្រោះពួកគេចង់ស្វែងយល់ពីការរៀបចំកិច្ចប្រជុំរបស់មេដឹកនាំដោយផ្ទាល់។ នារីវ័យជាង ២០ឆ្នាំ រូបនេះ បានបន្តប្រាប់អំឡុងពេល
សេវាកម្មទេសចរណ៍ផ្តើមដំណើរកម្សាន្តលើកោះហៃណាន
ថា ភ្ញៀវទេសចរភាគច្រើន ជាជនជាតិចិនជាមធ្យមជាង ២ពាន់នាក់ក្នុងមួយថ្ងៃៗដែលចូលទស្សនាវេទិកានេះ។
លើសពីនេះ ទេសចរមិនត្រឹមតែទិញសំបុត្រដើរទស្សនាបន្ទប់ប្រជុំនោះទេ ពួកគេអាចចំណាយលុយឈរថតរូបលើវេទិកាថ្នាក់ដឹកនាំអាស៊ីចិនដែលមានការរៀបចំទុកជាមុន។
ក្រៅពីនេះ ពួកគេអាចទិញវត្ថុអនុវស្សាវរីយប្រពៃណីដែលចិនជួលឲ្យពលរដ្ឋមូលដ្ឋានតាមស្តង់ទំនិញនានា ដូចជា ចិញ្ចៀន ផ្លិត កងដៃ និងសំលៀកបំពាក់ជាដើមរួមទាំងភ្លក់រសជាតិម្ហូបអាហារចិនផងដែរ។
បន្ទាប់ពីការទស្សនាបរិវេណវេទិកាប៊ូអៅដែលគ្របដណ្តប់ដោយសួនរុក្ខាដ៏ត្រជាក់ស្រស់បំព្រងនារដូវត្រជាក់រួច ភ្ញៀវទេសចរអាចទិញសំបុត្រទូក ៥០យ័ន ប្រមាណ ៦ដុល្លារអាមេរិកទៀតជិះទស្សនាដងទន្លេវ័នឈាន (Wangaun River) ដែលហូរប្រសព្វគ្នានឹងទន្លេម្រាមប្រាំ និងសមុទ្រចិនខាងត្បូងរយៈពេលជាង ១០នាទី។ លុះដល់ត្រើយម្ខាងដែលស្ថិតទល់មុខនឹងវេទិកាអាស៊ី ប៊ូអៅ អ្នកទេសចរអាចកម្សាន្តលើឆ្នេរខ្សាច់បណ្តោយមាត់សមុទ្រចិនខាងត្បូង ទិញវត្ថុអនុស្សាវរីយ ភ្លក់អាហារសមុទ្រ និងស្នាក់នៅក្នុងសណ្ឋាគារក៏បាន។
បើតាមកញ្ញា សៀវ ហ័រ ពលរដ្ឋដែលកំពុងរស់នៅក្នុងទីក្រុងប៊ូអៅបានទទួលអត្ថប្រយោជន៍ពីការលក់ទំនិញ វត្ថុអនុស្សាវរីយ និងសេវាកម្មដល់ភ្ញៀវទេសចរចិនជាច្រើន។«មុនពេលរដ្ឋាភិបាលរៀបចំតំបន់នេះ ពលរដ្ឋភាគច្រើនប្រកបរបរនេសាទទឹកសាប និងនេសាទសមុទ្រ និងកសិកម្មបន្ទាប់បន្សំសម្រាប់ផ្គត់ផ្គង់ពលរដ្ឋភាគខាងជើងតែប៉ុណ្ណោះ»។ មគ្គទេសក៏ទេសចរប្រចាំតំបន់ខាងលើបញ្ជាក់តាមការបកប្រែរួច មុនបន្ថែមថា តំបន់នេះបើកទទួលភ្ញៀវពីម៉ោង ៨ព្រឹក ដល់ម៉ោង ៦ល្ងាច ជារៀងរាល់ថ្ងៃ លើកលែងថ្ងៃមានខ្យល់ព្យុះខ្លាំង។
រដ្ឋាភិបាលចិនមិនត្រឹមរៀបចំវិនិយោគតំបន់ទេសចរទីក្រុង Boaoតែមួយឡើយ។ តាមនារីមានសម្បុរដូចសំឡីកប្បាស រាងស្តើងខ្ពស់ សៀវ ហ័រទីក្រុងភាគខាងកើតខេត្តហៃណាន ប៊ូអៅនេះ គ្រាន់តែជាគោលដៅទេសចរចិនទី១០ ប៉ុណ្ណោះ ចំណោមតំបន់ទេសចរវប្បធម៌ ប្រពៃណី ធម្មជាតិ និងកែច្នៃទាំងរបស់រដ្ឋ និងឯកជនតូចធំមិនក្រោម ១០០កន្លែង ក្នុងកោះហៃណាន។
ទីក្រុងប៊ួអៅ មានផ្ទៃដីទំហំជាង ៣០គីឡូម៉ែត្រក្រឡា ភាគខាងត្បូងតំបន់ហៃខូវ (Haikou) ដែលជាទីរួមខេត្តហៃណានចម្ងាយជាង ១០០គីឡួម៉ែត្រ៕
ទស្សនាឆ្នេរសមុទ្រចិនខាងត្បូង
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ហៃណាន
ចិន
BOAO
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
18 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
អត្ថបទពេញនិយមបន្ថែម