អន្តរជាតិ
យ៉ាងហោច ១៨នាក់ស្លាប់ព្រោះគ្រោះរញ្ជួយដីកម្រិត ៦,៥រ៉ិចទ័រ នៅកោះស៊ូម៉ាត្រា រូបភាព៖ គណនី Twitter azwirnazar
× មនុស្សយ៉ាងហោចណាស់ ១៨ នាក់ស្លាប់ដោយសារការបាក់អាគារក្រោយការរញ្ជួយដីកម្រិត ៦,៥រ៉ិចទ័រនៅខេត្តអាឆេ (Aceh) លើកោះស៊ូម៉ាត្រានៅថ្ងៃពុធទី ៧ធ្នូនេះ។ ហើយចំនួនអ្នកស្លាប់អាចនឹងកើនឡើងច្រើនទៀត។
ខេត្តអាឆេ បានរងការវាយប្រហារដោយសារគ្រោះមហន្តរាយរញ្ជួយដីកម្រិត ៦,៥រ៉ិចទ័រ ហើយមុស្សយ៉ាងហោចណាស់ ១៨នាក់បានស្លាប់ដោយអាគារបាក់រលំសង្កត់។ នេះយោងតាមទីភ្នាក់ងារព័ត៌មាន AFP ។
«មនុស្ស១៨នាក់ស្លាប់គិតត្រឹមពេលនេះ បើតាមទិន្នន័យដែលផ្តល់មកដោយមន្ទីរពេទ្យ។ អ្នកស្លាប់ខ្លះជាក្មេងតូច»។ នេះបើតាមការបញ្ជាក់ថា អភិបាលរងស្រុក Pidie Jay ដែលជាកន្លែងរងគ្រោះខ្លាំងជាងគេដោយសារគ្រោះមហន្តរាយនេះ។
ចំណែកទីភ្នាក់ងារជាតិគ្រប់គ្រងគ្រោះមហន្តរាយបានអះអាងថា គ្រោះរញ្ជួយដីនេះពិតជាខ្លាំង ហើយអាគារជាច្រើនបាក់រលំក្រោយរញ្ជួយដីកើតឡើង។ មនុស្សជាច្រើនភ័យស្លន់ស្លោរខ្លាំងនិងរត់ចេញពីផ្ទះសម្បែងទៅរកកន្លែងមានសុវត្ថិភាព។
© រក្សាសិទ្ធិដោយ thmeythmey.com