អន្តរជាតិ
អតីតប្រមុខUN ព្រមានមជ្ឈដ្ឋានទូទៅឲ្យប្រើពាក្យ«ប្រល័យពូជសាសន៍»លើរឿងរ៉ូហ៊ីងយ៉ាឲ្យប្រុងប្រយ័តុ្នបន្តិច
លោក កូហ្វី អាណាន់ (ខាងឆ្វេង) និងលោកស្រី អ៊ុងសាន ស៊ូជី (ខាងស្តាំ)
×![]()
ដោយ: ថ្មីៗ
អតីតអគ្គលេខាធិការអង្គការសហប្រជាជាតិ និងជាអ្នកប្រឹក្សាលើតំបន់វិវាទជាតិសាសន៍មីយ៉ាន់ម៉ា លោក កូហ្វី អាណាន់ (Kofi Annan) ព្រមានទៅកាន់មជ្ឈដ្ឋានទូទៅឲ្យប្រើប្រាស់«ពាក្យប្រល័យពូជសាសន៍»ក្នុងបរិបទវិបត្តិជនជាតិភាគតិចរ៉ូហ៊ីងយ៉ាឲ្យបានត្រឹមត្រូវ និងសមស្រប។ លោក អះអាងថា ការពណ៌នាពីស្ថានភាពនៅទីនោះ គួរតែប្រើប្រាស់វក្យសព្ទឲ្យបានប្រុងប្រយ័ត្នបន្តិច។
ឆ្លើយនឹងសំណួរនាសន្និសីទសារព័ត៌មានក្នុងក្រុងរ៉ងហ្គូន ថ្ងៃទី០៦ ខែធ្នូម្សិលមិញនេះ ដែលសួរថាតើ កងកម្លាំងរដ្ឋាភិបាលមីយ៉ាន់ម៉ា ពិតជាបានប្រព្រឹត្ត«អំពើប្រល័យពូជសាសន៍»ប្រឆាំងនឹងជនជាតិភាគតិចម៉ូស្លីមរ៉ូហ៊ីងយ៉ានៅរដ្ឋ Rakhine ឬយ៉ាងណា លោក កូហ្វី អាណាន់ បានសង្កត់ធ្ងន់ថា« ប្រល័យពូជសាសន៍ គឺជាបទល្មើសមួយធ្ងន់ធ្ងរ ដែលទាមទារឲ្យមានការពិនិត្យផ្នែកច្បាប់ និងការសម្រេចពីប្រព័ន្ធតុលាការ។ លោក បន្ថែមទៀតថា ការអះអាងបែបនេះ មិនមែន«ចេះតែនិយាយបានតាមតែចិត្តឡើយ»។ នេះបើយោងតាមប្រភពព័ត៌មានមីយ៉ាន់ម៉ាដែលផ្សាយជាភាសាអង់គ្លេស The Irrawaddy។
សន្និសីទសារព័ត៌មាននេះ ត្រូវបានធ្វើឡើងក្រោយពីលោក កូហ្វី អាណាន់ ដែលលោកស្រីប្រឹក្សារដ្ឋអ៊ុងសាន ស៊ូជី តែងតាំងជាអ្នកប្រឹក្សាក្នុងតំបន់វិវាទរូបនេះ បានបញ្ចប់ទស្សនកិច្ចរយៈពេលបីថ្ងៃនៅរដ្ឋមានវិវាទនៃការប៉ះទង្គិចគ្នានារយៈពេលចុងក្រោយនេះ ដោយលោក ក៏បានជួបជជែកជាមួយនឹងលោកប្រធានាធិបតី ធិន ច លោកស្រីទីប្រឹក្សារដ្ឋអ៊ុងសាន ស៊ូជី និងមេបញ្ជាកងទ័ពលោក មិន អ៊ុងឡាំង។ នេះបើយោងតាមប្រភពព័ត៌មានដដែលនោះ ដែលបានបន្ថែមទៀតថា លោក អាណាន់ ក៏បានលើកឲ្យរដ្ឋាភិបាលបន្ធូរបន្ថយការរឹតត្បិតប្រព័ន្ធផ្សព្ចផ្សាយ ដើម្បីធ្វើឲ្យមជ្ឈដ្ឋានទូទៅអាចយល់ពីស្ថានភាពពិតប្រាកដនោះ។
អ្នកប្រឹក្សារូបនោះ បានបញ្ជាក់ថា មានជារឿង និងពាក្យចចាមអារាមជាច្រើន ដែលមជ្ឈដ្ឋានទូទៅមិនបានដឹងថាអ្វីពិតប្រាកដ ដ្បិត ប្រព័ន្ធផ្សព្វផ្សាយមិនអាចមានលទ្ធភាពទៅដល់កន្លែងកើតហេតុ ហើយលោក ថែមទាំងសង្កត់ធ្ងន់ថា មានតែតម្លាភាពនោះទេ ដែលឧបករណ៍ដែលមានឥទ្ធិពលដើម្បីលុបបំបាត់នូវរឿងចចាមអារាមទាំងនោះ។
សូមរម្លឹកផងដែរថា ក្នុងកិច្ចសម្ភាសន៍ជាមួយនឹងBBC នៅថ្ងៃទី២៤ ខែវិច្ឆិកា ប្រធានឧត្តមស្នងការអង្គការសហប្រជាជាតិទទួលបន្ទុកការិយាល័យជនភៀសខ្លួន លោក John McKissick បានអះអាងថា ទាហាន និងប៉ូលិសតម្រួតព្រំដែនមីយ៉ាន់ម៉ា បានចូលរួមអនុវត្ត«ទណ្ឌកម្មជាសមូហភាពទៅលើជនជាតិភាគតិចរ៉ូហ៊ីងយ៉ា» ចាប់តាំងពីថ្ងៃទី០៩ ខែតុលាមក។
ប្រធានការិយាល័យជនភៀសខ្លួនរូបនោះ បានបញ្ជាក់ថា កងកម្លាំងសន្តិសុខមីយ៉ាន់ម៉ា បានបាញ់សម្លាប់បុរស និងសម្លាប់ក្មេង រំលោភស្ត្រី ដុត និងលួចផ្ទះរបស់ជនជាតិទាំងនោះ និងកាន់តែធ្ងន់ធ្ងរនោះ បង្ខំប្រជាជនទាំងនោះឲ្យឆ្លងកាត់តាមទន្លេទៅកាន់ប្រទេស បង់ក្លាដែស ដែលជាប្រទេសជិតខាងរបស់មីយ៉ាន់ម៉ា។ លោក បានបន្ថែមទៀតថា នេះគឺជាដ៏រឿងលំបាកមួយសម្រាប់រដ្ឋាភិបាលបង់ក្លាដែស ដ្បិត បើមិនទទួលជនភៀសខ្លួនទាំងនោះ ពួកគេ គ្មានជម្រើសអ្វីក្រៅពីស្លាប់ និងរងការធ្វើទុកបុកម្នេញប៉ុណ្ណោះ តែចំហព្រំដែន នោះ វា ក្លាយជាការលើកទឹកចិត្តដល់ក្រុមយោធាទាំងនោះ ប្រព្រឹត្តសកម្មភាព។
ក្នុងកិច្ចសម្ភាសន៍ជាមួយនឹងទូរទស្សន៍សិង្ហបុរីនាពេលថ្មីៗនេះ លោកស្រីទីប្រឹក្សារដ្ឋអ៊ុងសាន ស៊ូជី ក៏បានផ្ញើសារខ្លាំងទៅកាន់មជ្ឈដ្ឋានអន្តរជាតិផងដែរ។ លោកស្រី បានបញ្ជាក់យ៉ាងដូច្នេះថា៖« ខ្ញុំ នឹងស្វាគមន៍ ប្រសិនបើ សហគមន៍អន្តរជាតិ នឹងជួយយើងដើម្បីរក្សាសន្តិភាព និងស្ថិរភាព និងធ្វើឲ្យដំណើរការនៃការកសាងទំនាក់ទំនងរវាងសហគមន៍ទាំងពីរកាន់តែល្អប្រសើរ(ក្រុមជនជាតិម៉ូស្លីមរ៉ូហ៊ីងយ៉ា និងក្រុមភាគច្រើនពុទ្ធសាសនិក) ជំនួសដោយការតែងតែការអំពាវនាវ និងការសម្តែងការខកចិត្តពីបញ្ហាជាដើមនោះ»៕
ឆ្លើយនឹងសំណួរនាសន្និសីទសារព័ត៌មានក្នុងក្រុងរ៉ងហ្គូន ថ្ងៃទី០៦ ខែធ្នូម្សិលមិញនេះ ដែលសួរថាតើ កងកម្លាំងរដ្ឋាភិបាលមីយ៉ាន់ម៉ា ពិតជាបានប្រព្រឹត្ត«អំពើប្រល័យពូជសាសន៍»ប្រឆាំងនឹងជនជាតិភាគតិចម៉ូស្លីមរ៉ូហ៊ីងយ៉ានៅរដ្ឋ Rakhine ឬយ៉ាងណា លោក កូហ្វី អាណាន់ បានសង្កត់ធ្ងន់ថា« ប្រល័យពូជសាសន៍ គឺជាបទល្មើសមួយធ្ងន់ធ្ងរ ដែលទាមទារឲ្យមានការពិនិត្យផ្នែកច្បាប់ និងការសម្រេចពីប្រព័ន្ធតុលាការ។ លោក បន្ថែមទៀតថា ការអះអាងបែបនេះ មិនមែន«ចេះតែនិយាយបានតាមតែចិត្តឡើយ»។ នេះបើយោងតាមប្រភពព័ត៌មានមីយ៉ាន់ម៉ាដែលផ្សាយជាភាសាអង់គ្លេស The Irrawaddy។
សន្និសីទសារព័ត៌មាននេះ ត្រូវបានធ្វើឡើងក្រោយពីលោក កូហ្វី អាណាន់ ដែលលោកស្រីប្រឹក្សារដ្ឋអ៊ុងសាន ស៊ូជី តែងតាំងជាអ្នកប្រឹក្សាក្នុងតំបន់វិវាទរូបនេះ បានបញ្ចប់ទស្សនកិច្ចរយៈពេលបីថ្ងៃនៅរដ្ឋមានវិវាទនៃការប៉ះទង្គិចគ្នានារយៈពេលចុងក្រោយនេះ ដោយលោក ក៏បានជួបជជែកជាមួយនឹងលោកប្រធានាធិបតី ធិន ច លោកស្រីទីប្រឹក្សារដ្ឋអ៊ុងសាន ស៊ូជី និងមេបញ្ជាកងទ័ពលោក មិន អ៊ុងឡាំង។ នេះបើយោងតាមប្រភពព័ត៌មានដដែលនោះ ដែលបានបន្ថែមទៀតថា លោក អាណាន់ ក៏បានលើកឲ្យរដ្ឋាភិបាលបន្ធូរបន្ថយការរឹតត្បិតប្រព័ន្ធផ្សព្ចផ្សាយ ដើម្បីធ្វើឲ្យមជ្ឈដ្ឋានទូទៅអាចយល់ពីស្ថានភាពពិតប្រាកដនោះ។
អ្នកប្រឹក្សារូបនោះ បានបញ្ជាក់ថា មានជារឿង និងពាក្យចចាមអារាមជាច្រើន ដែលមជ្ឈដ្ឋានទូទៅមិនបានដឹងថាអ្វីពិតប្រាកដ ដ្បិត ប្រព័ន្ធផ្សព្វផ្សាយមិនអាចមានលទ្ធភាពទៅដល់កន្លែងកើតហេតុ ហើយលោក ថែមទាំងសង្កត់ធ្ងន់ថា មានតែតម្លាភាពនោះទេ ដែលឧបករណ៍ដែលមានឥទ្ធិពលដើម្បីលុបបំបាត់នូវរឿងចចាមអារាមទាំងនោះ។
សូមរម្លឹកផងដែរថា ក្នុងកិច្ចសម្ភាសន៍ជាមួយនឹងBBC នៅថ្ងៃទី២៤ ខែវិច្ឆិកា ប្រធានឧត្តមស្នងការអង្គការសហប្រជាជាតិទទួលបន្ទុកការិយាល័យជនភៀសខ្លួន លោក John McKissick បានអះអាងថា ទាហាន និងប៉ូលិសតម្រួតព្រំដែនមីយ៉ាន់ម៉ា បានចូលរួមអនុវត្ត«ទណ្ឌកម្មជាសមូហភាពទៅលើជនជាតិភាគតិចរ៉ូហ៊ីងយ៉ា» ចាប់តាំងពីថ្ងៃទី០៩ ខែតុលាមក។
ប្រធានការិយាល័យជនភៀសខ្លួនរូបនោះ បានបញ្ជាក់ថា កងកម្លាំងសន្តិសុខមីយ៉ាន់ម៉ា បានបាញ់សម្លាប់បុរស និងសម្លាប់ក្មេង រំលោភស្ត្រី ដុត និងលួចផ្ទះរបស់ជនជាតិទាំងនោះ និងកាន់តែធ្ងន់ធ្ងរនោះ បង្ខំប្រជាជនទាំងនោះឲ្យឆ្លងកាត់តាមទន្លេទៅកាន់ប្រទេស បង់ក្លាដែស ដែលជាប្រទេសជិតខាងរបស់មីយ៉ាន់ម៉ា។ លោក បានបន្ថែមទៀតថា នេះគឺជាដ៏រឿងលំបាកមួយសម្រាប់រដ្ឋាភិបាលបង់ក្លាដែស ដ្បិត បើមិនទទួលជនភៀសខ្លួនទាំងនោះ ពួកគេ គ្មានជម្រើសអ្វីក្រៅពីស្លាប់ និងរងការធ្វើទុកបុកម្នេញប៉ុណ្ណោះ តែចំហព្រំដែន នោះ វា ក្លាយជាការលើកទឹកចិត្តដល់ក្រុមយោធាទាំងនោះ ប្រព្រឹត្តសកម្មភាព។
ក្នុងកិច្ចសម្ភាសន៍ជាមួយនឹងទូរទស្សន៍សិង្ហបុរីនាពេលថ្មីៗនេះ លោកស្រីទីប្រឹក្សារដ្ឋអ៊ុងសាន ស៊ូជី ក៏បានផ្ញើសារខ្លាំងទៅកាន់មជ្ឈដ្ឋានអន្តរជាតិផងដែរ។ លោកស្រី បានបញ្ជាក់យ៉ាងដូច្នេះថា៖« ខ្ញុំ នឹងស្វាគមន៍ ប្រសិនបើ សហគមន៍អន្តរជាតិ នឹងជួយយើងដើម្បីរក្សាសន្តិភាព និងស្ថិរភាព និងធ្វើឲ្យដំណើរការនៃការកសាងទំនាក់ទំនងរវាងសហគមន៍ទាំងពីរកាន់តែល្អប្រសើរ(ក្រុមជនជាតិម៉ូស្លីមរ៉ូហ៊ីងយ៉ា និងក្រុមភាគច្រើនពុទ្ធសាសនិក) ជំនួសដោយការតែងតែការអំពាវនាវ និងការសម្តែងការខកចិត្តពីបញ្ហាជាដើមនោះ»៕
Tag:
មីយ៉ាន់ម៉ា
Kofi Annan
រ៉ូហ៊ីងយ៉ា
អាស៊ាន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
18 ម៉ោង
