ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
ចិនអភិរក្សតំបន់ជាតិពន្ធខ្លួនជាកន្លែងទេសចរណ៍ប្រវត្តិសាស្ត្រ
08, Dec 2016 ,
8:39 am
រូបភាព
×
ដោយ:
ភ្នំពេញ៖ រដ្ឋាភិបាលចិនបានរៀបចំតំបន់ជាតិពន្ធ (Ethnic) ដើមខ្លួន គឺ លី និង ម៉េវ ជាតំបន់ ទេសចរណ៍ ប្រវត្តិសាស្ត្រក្នុងខេត្តហៃណាន ខាងត្បូងប្រទេសចិន។
ភ្ញៀវទេសចរជនជាតិចិនភាគច្រើន រស់នៅខេត្តភាគខាងជើងចិនបានបណ្តាក់កន្ទុយគ្នាទិញសំបុត្រចូលទស្សនាភូមិជាតិពន្ធនៅភាគខាងត្បូងដែលមានពលរដ្ឋអាយុវែងលើសពី ១០០ឆ្នាំជាង ២ពាន់នាក់ ចាប់ពីម៉ោង ៨ព្រឹក ដល់ម៉ោង ៥រសៀល ជារៀងរាល់ថ្ងៃ។
លោក A Hai មគ្គទេសក៏ទេសចរប្រចាំកោះហៃណាន បានឲ្យដឹងថា រដ្ឋាភិបាលចិនបានសហការជាមួយវិស័យឯកជនចិន អភិវឌ្ឍន៍សហគមន៍ជាតិពន្ធនេះជាង ១០ឆ្នាំរហូតមក ក្នុងគោលបំណងឲ្យជនជាតិចិនស្គាល់ពីជាតិពន្ធខ្លួនកំពុងរស់នៅកាន់តែច្បាស់។
ចិនបានរៀបចំឲ្យភ្ញៀវទេសចរអាចស្វែងយល់ និងទស្សនាក្នុងតំបន់ប្រវត្តិសាស្ត្រនានា ក្នុងនោះ រួមមាន ការទស្សនាផ្ទះបុរាណចិន វប្បធម៌ប្រពៃណី ជីវភាពរស់នៅ ការទស្សនាពិព័រណ៍ទំនិញ ការតម្បាញសំលៀកបំពាក់ក្រណាត់ សម្ភារៈប្រើប្រាស់ផលិតអំពីប្រាក់ និងវត្ថុអនុស្សាវរីយផ្សេងទៀត រួមទាំង ម្ហូបអាហារប្រចាំតំបន់ជាតិពន្ធចិនផង។
លើសពីនេះ ចិនបានរៀបចំផ្លូវបែបចាស់បុរាណអមសួនច្បារធម្មជាតិដ៏ស្រស់បំព្រង សម្រួលឲ្យភ្ញៀវទេសចរដើរទស្សនាផ្ទាំងគំនូរភ្ជាប់ជាមួយអក្សរចិន និងអង់គ្លេសដែលប្រាប់អំពីប្រវត្តិជាតិពន្ធចិន នៅតាមជញ្ជាំងផ្ទះនីមួយៗ ប្រកបដោយក្បូរក្បាច់រចនាសិល្បៈចិន។
ភ្ញៀវទេសចរម្នាក់ ត្រូវចំណាយថវិកាជាង ៨០យ័ន ស្មើនឹងជាង ១០ដុល្លារអាមេរិក ទិញសំបុត្រចូលដើរទស្សនាក្នុងសហគមន៍។ ក្រៅពីទស្សនាសហគមន៍ ពួកគេអាចទិញវត្ថុអនុស្សាវរីយ ថតរូប និងភ្លក់រសជាតិម្ហូបអាហារចិនផងដែរ។
ពលរដ្ឋមូលដ្ឋានកសិករភាគច្រើន បានទទួលចំណូលពីវិស័យទេសចរណ៍គ្មានផ្សែងរបស់ចិន។ បើតាមមគ្គទេសក៏ទេសចរដែលមានបទពិសោធន៍ជាង ៨ឆ្នាំនៅហៃណាន ភ្ញៀវទេសចរចិនជាង ៨ពាន់នាក់ក្នុងមួយថ្ងៃៗ បានចូលទស្សនាសហគមន៍ដែលជាតំបន់ទេសចរណ៍ចំណាត់ថ្នាក់ទី៥ ចំណោមតំបន់ទេសចរណ៍នានាជាង ១០០កន្លែង ក្នុងខេត្តដែនកោះខាងត្បូងប្រទេសចិន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ហៃណាន
ចិន
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
20 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
អត្ថបទពេញនិយមបន្ថែម