អន្តរជាតិ
×![]()
កងទ័ពរដ្ឋាភិបាលស៊ីរីមានប្រៀបកាន់តែខ្លាំងលើក្រុមឧទ្ទាម ក្នុងសមរភូមិចុងក្រោយ Aleppo ។ ទ័ពរដ្ឋាភិបាលក្រមការគាំទ្រពីសម្ព័ន្ធមិត្តរុស្ស៊ី,អ៊ីរ៉ង់ និងហេស្បូឡា បន្តវាយលុកចូលដណ្តើមទីក្រុងនេះ ខណៈក្រុមឧទ្ទាមដកថយ និងព្រមបន្ទន់ជំហរដង្ហោយឲ្យមានការចុះបទឈប់បាញ់មួយដើម្បីផ្អាកការប្រយុទ្ធ។ឃើញស្ថានការណ៍មិនស្រូល លោកខាងលិចប្រញាប់ប្រញាលថ្កោលទោសរុស្ស៊ី និងស៊ីរី និងទារឲ្យមានការបញ្ឈប់ការប្រយុទ្ធនេះសិន។ Aleppo ជាសមរភូមិប្រទាញប្រទង់បំផុតមួយក្នុងសង្គ្រាមស៊ីវិលស៊ីរីចាប់ពីឆ្នាំ ២០១២មក។ ហើយបើកងទ័ពរដ្ឋាភិបាលអាសាដ ដណ្តើមកាន់កាប់ទីក្រុងនេះបានមែន វាមានន័យថា «សង្គ្រាមស៊ីវិលនេះកាន់តែជិតចប់មែនទែនហើយ» ហើយរដ្ឋាភិបាលអាសាដ និងរុស្ស៊ីនេះជាអ្នកឈ្នះ។ នេះជាអ្វីដែលលោកខាងលិចមិនចង់ឃើញ។
សូមស្តាប់ការបកស្រាយរបស់លោក សៅ ផលនិស្ស័យ៖
បណ្តាប្រទេសលោកខាងលិចចំនួនប្រាំមួយមានអាមេរិក កាណាដា អាល្លឺម៉ង់ អង់គ្លេស អ៊ីតាលី និងបារាំង បានរួមគ្នាចេញសេចក្តីថ្លែងការណ៍ថ្កោលទោសស៊ីរី និងរុស្ស៊ីជុំវិញបញ្ហាវិបត្តិមនុស្សជាតិដែលកើតឡើងនៅក្រុង Aleppo ។ ពួកគេទាមទារឲ្យរុស្ស៊ីនិងអ៊ីរ៉ង់ដាក់សម្ពាធលើរដ្ឋាភិបាលក្រុងដាម៉ាសដើម្បីអនុញ្ញាតឲ្យមានការបង្កើតបទឈប់បាញ់មួយនៅទីក្រុង Aleppo។
វាមិនមែនជារឿងធម្មតាទេដែល បណ្តាប្រទេសទាំងនេះចេញសេចក្តីថ្លែងការណ៍ថ្កោលទោសផង ហើយគេក៏ឆ្លៀតទាមទារឲ្យមានការអនុវត្តបទឈប់បាញ់ផងនោះ។ នេះក៏ដោយសារក្រុមឧទ្ទាមដែលគេគាំទ្រនោះកំពុងស្លន់ស្លោរជិតបាក់ទ័ពទៅហើយនោះ។ ក្រុមឧទ្ទាមដែលច្បាំងប្រឆាំងរដ្ឋាភិបាលស៊ីរីតាំងពីឆ្នាំ ២០១២ និងបានកាន់កាប់ទឹកដីច្រើនផ្នែកទូទាំងប្រទេសស៊ីរីនោះកំពុងចាញ់ប្រៀបកងទ័ពរដ្ឋាភិបាល ហើយពួកគេបាត់បង់សមរភូមិដ៏សំខាន់ទីក្រុង Aleppo ហើយ។
ដូច្នេះហើយ បើក្រុមប្រទេសទាំងនេះមិនចេញមុខទេ ក្រុមទាហានរដ្ឋាភិបាលឯណោះនឹងក្លាយជាអ្នកទទួលជ័យជម្នះយ៉ាងងាយ។ បើមានការបង្កើតបទឈប់បាញ់ វាមានន័យថា ក្រុមឧទ្ទាមមានពេលវេលាសម្រាប់ប្រមូលផ្តុំកម្លាំង ហើយវាក៏ជាពេលដែលបណ្តាលោកខាងលិចរកវិធីសាស្ត្រជួយក្រុមនេះទៀតដែរ។
ខណៈដែលមាត់ដៀលជេររុស្ស៊ីនិងស៊ីរី ប្រមុខការទូតក្រុងវ៉ាស៊ីនតោន ចនឃែរី ស្កាត់ទៅជួបសមភាគីរុស្ស៊ីលោក Sergei Lavrov នៅទីក្រុង Hamburg ប្រទេសអាល្លឺម៉ង់ដើម្បីជជែកពិភាក្សាគ្នាពីស្ថានការណ៍សង្គ្រាមស៊ីវិលស៊ីរីនិងទីក្រុង Aleppo ។ ប៉ុន្តែគួរឲ្យសោកស្តាយ ភាគីទាំងពីររកចំណុចឯកភាពគ្នាមិនឃើញ និងគ្មានសម្រេចបានកិច្ចព្រមព្រៀងដុំកំភួនអ្វីឡើយ ក្រោយចំណាយពេលជជែកគ្នាអស់មួយម៉ោង។
១.ក្រុមឧទ្ទាមដង្ហោយរកបទឈប់បាញ់បន្ទាន់ ពេលទ័ពអាសាដដណ្តើម Aleppo បានទាំងស្រុង
ថ្ងៃពុធម្សិលមិញនេះ ក្រុមឧទ្ទាមបានបង្ហាញឲ្យឃើញពីចំណុចខ្សោយរបស់ខ្លួនទៅហើយក្នុងការបន្តធ្វើសង្គ្រាម ដោយបានស្នើសុំឲ្យភ្នាក់ងាររបស់អង្គការសហប្រជាជាតិជំរុញឲ្យភាគីលោក បាសា អាល់អាសាដ ព្រមបង្កើតបទឈប់បាញ់។
ការដាច់ចិត្តបន្ទន់ជំហរស្នើសុំឲ្យមានការផ្អាកការប្រយុទ្ធនេះ កើតឡើងក្រោយទាហានរដ្ឋាភិបាលលោក បាសា អាល់អាសាដ ដោយមានការជួយគាំទ្រពីសម្ព័ន្ធមិត្តរុស្ស៊ី អ៊ីរ៉ង់ និងក្រុមប្រដាប់អាវុធឥស្លាមនិយមនិកាយស៊ីអ៊ីត ដណ្តើមបានមកវិញនូវទឹកដីប្រហែលជាបីភាគបួននៅក្រុង Aleppo ដែលក្រុមឧទ្ទាមបានកាប់កាប់យូរហើយមកនោះ។ ហើយវាក៏កើតឡើងក្រោយសេចក្តីព្រាងដំណោះស្រាយរបស់អង្គការសហប្រជាជាតិពាក់ព័ន្ធការផ្តល់ជំនួយនិងការជម្លៀសផ្នែកវេជ្ជសាស្ត្រសម្រាប់តំបន់ Aleppo ត្រូវបានសមាជិកអចិន្ត្រៃយ៍នៃក្រុមប្រឹក្សាសន្តិសុខពីរ ចិន និងរុស្ស៊ីជំទាស់។
យ៉ាងណាក៏ដោយ ក្រុមឧទ្ទាមមិនបានបង្ហាញថា ខ្លួនព្រមលើកទង់ជ័យសចុះចាញ់ឡើយ។ យោងតាមសារព័ត៌មាន The Independent មេដឹកនាំក្រុមឧទ្ទាមមួយក្រុមលោក Abdel-Salam Abdel-Razek បានចេញសេចក្តីប្រកាសព័ត៌មានមួយថា «ការផ្អាកការប្រយុទ្ធសម្រាប់បម្រើប្រយោជន៍មនុស្សធម៌នេះនឹងផ្តល់ឱកាសឲ្យភាគីចរចាពីអនាគតនៃទីក្រុង Aleppo ហើយក្រុមឧទ្ទាមទាំងអស់ចង់ឲ្យភ្នាក់ងារអង្គការសហប្រជាជាតិចូលអង្កេតការណ៍។
២. អនាគតក្រុមក្រុមឧទ្ទាមមិនច្បាស់លាស់
ស្ថានភាពក្រុមឧទ្ទាម ស៊ីរីបច្ចុប្បន្នធ្វើឲ្យ រដ្ឋបាលលោក បារ៉ាក់ អូបាម៉ា បារម្ភជាងគេបំផុតដោយសារខ្លួននៅសល់ពេលមិនដល់មួយខែកន្លះផង ដើម្បីដោះស្រាយបញ្ហាគ្រប់យ៉ាង។
ជារឿងច្បាស់លាស់មួយគឺ រដ្ឋបាលថ្មីរបស់ដូណាល់ ត្រាំ នឹងឈប់គាំទ្រក្រុមឧទ្ទាមព្រោះលោកជឿជាក់ថា វាជាគ្រោះថ្នាក់ធំមួយ។ តាំងពីដើមមក លោកបានសន្យាថាលោកនឹងបញ្ឈប់ការផ្គត់ផ្គង់ជំនួយយោធាដល់ក្រុមឧទ្ទាម ហើយលោកសហការជាមួយរុស្ស៊ីផងដែរដើម្បីដោះស្រាយបញ្ហាស៊ីរី និងប្រឆាំងភេរវកម្ម។ ប៉ុន្តែវាជាគ្រោះថ្នាក់សម្រាប់គ្រប់ឧទ្ទាមដែលអាមេរិកខំប្រឹងគាំទ្ររាប់ឆ្នាំមកនេះ។
រដ្ឋបាលលោក អូបាម៉ា មិនចង់ឲ្យចង់មិនឲ្យក្រុមឧទ្ទាមចាញ់ទេ តែមិនមែនមានន័យថា លោកមិនចង់ឲ្យសង្គ្រាមចប់ឡើយ។ លោកចង់ឲ្យក្រុមឧទ្ទាមមានប្រៀបដើម្បីដាក់សម្ពាធលើក្រុងដាម៉ាស និងបង្ខំឲ្យអាសាដ ចុះចេញពីតំណែងបើកផ្លូវឲ្យមានសម័យអន្តរកាលនយោបាយមួយ។ បើក្រុមឧទ្ទាមបាត់បង់ ក្រុង Aleppo មានន័យថា ក្រុមឧទ្ទាមស្ទើរតែអស់ច្រកបន្តប្រយុទ្ធប្រឆាំងរដ្ឋាភិបាលទៀតដែរ ហើយវាក៏ឆ្លុះបញ្ចាំងឲ្យឃើញថា អាសាដ ដែលអាមេរិកចង់បណ្តេញនោះនឹងនៅកាន់តំណែងទៀត បើសង្គ្រាមចប់មែននោះ។
៣.ក្រុង Aleppo សមរភូមិចុងក្រោយ ?
តាមពិតទៅ ក្រុង Aleppo ជាសមរភូមិប្រយុទ្ធដ៏ប្រទាញប្រទង់បំផុតមួយ ដោយគ្មានភាគីណាមួយមានប្រៀបអាចដណ្តើមយកទីក្រុងនេះបានឡើយ។ ហើយជនស៊ីវិលបន្តស្លាប់រាល់ថ្ងៃនេះដោយសារការប្រយុទ្ធ និងការទម្លាក់គ្រាប់បែករបស់ភាគីទាំងពីរ។ ខាងក្រុមឧទ្ទាមនិងក្រុមសិទ្ធិមនុស្សចោទថា រុស្ស៊ីនិងខាងរដ្ឋាភិបាលក្រុងដាម៉ាសបានប្រព្រឹត្តបទឧក្រិដ្ឋកម្មសង្គម និងបំពារបំពានសិទ្ធិមនុស្សធ្ងន់ធ្ងរដោយបន្តសម្លាប់រង្គាលជនស៊ីវិលនៅទីក្រុងនេះ។ ប៉ុន្តែខាងរដ្ឋាភិបាលនិងរុស្ស៊ីតបវិញថា ក្រុមឧទ្ទាមកំពុងយកជនស៊ីវិលជាខែលដើម្បីការពារខ្លួនផងនិងយកលេសដើម្បីបន្តប្រយុទ្ធផង។
ដូច្នេះហើយ ពេលដែលទ័ព អាសាដ ដណ្តើមបានក្រុង Aleppo បាន បង្ហាញឲ្យឃើញច្បាស់ពីបរាជ័យដ៏ធំធេងរបស់ក្រុមឧទ្ទាម ហើយវាក៏ជាសញ្ញាមួយបង្ហាញថា ភ្លើងសង្គ្រាមដែលអូសបន្លាយមកអស់រាប់ឆ្នាំមកនេះ ជិតដល់ពេលចប់ដែរ។ អ្វីដែលសំខាន់វាជាជ័យជម្នះមួយរបស់រដ្ឋាភិបាលក្រុងដាម៉ាស។
និយាយពីជ័យជម្នះរបស់ទ័ពស៊ីរី នៅ Aleppo គេមិនភ្លេចពីគុណស្រ័យរបស់ក្រុងមូស្គូឡើយ។ ក្រោយរុស្ស៊ីចូលអន្តរាគមន៍ក្នុងជម្លោះស៊ីរីនៅខែកញ្ញាឆ្នាំ ២០១៥ កងទ័ពអាសាដពឹងលើអំណាចទ័ពអាកាសរុស្ស៊ីទាំងស្រុងពេលដែលគេប្រយុទ្ធប្រឆាំងក្រុមឧទ្ទាម។ ហើយការអន្តរាគមន៍នេះបានធ្វើឲ្យរបបដឹកនាំស៊ីរី អាចប្រមូលផ្តុំកម្លាំង និងពង្រឹងអំណាចរបស់ខ្លួនបានវិញផងដែរ៕
សូមស្តាប់ការបកស្រាយរបស់លោក សៅ ផលនិស្ស័យ៖
បណ្តាប្រទេសលោកខាងលិចចំនួនប្រាំមួយមានអាមេរិក កាណាដា អាល្លឺម៉ង់ អង់គ្លេស អ៊ីតាលី និងបារាំង បានរួមគ្នាចេញសេចក្តីថ្លែងការណ៍ថ្កោលទោសស៊ីរី និងរុស្ស៊ីជុំវិញបញ្ហាវិបត្តិមនុស្សជាតិដែលកើតឡើងនៅក្រុង Aleppo ។ ពួកគេទាមទារឲ្យរុស្ស៊ីនិងអ៊ីរ៉ង់ដាក់សម្ពាធលើរដ្ឋាភិបាលក្រុងដាម៉ាសដើម្បីអនុញ្ញាតឲ្យមានការបង្កើតបទឈប់បាញ់មួយនៅទីក្រុង Aleppo។
វាមិនមែនជារឿងធម្មតាទេដែល បណ្តាប្រទេសទាំងនេះចេញសេចក្តីថ្លែងការណ៍ថ្កោលទោសផង ហើយគេក៏ឆ្លៀតទាមទារឲ្យមានការអនុវត្តបទឈប់បាញ់ផងនោះ។ នេះក៏ដោយសារក្រុមឧទ្ទាមដែលគេគាំទ្រនោះកំពុងស្លន់ស្លោរជិតបាក់ទ័ពទៅហើយនោះ។ ក្រុមឧទ្ទាមដែលច្បាំងប្រឆាំងរដ្ឋាភិបាលស៊ីរីតាំងពីឆ្នាំ ២០១២ និងបានកាន់កាប់ទឹកដីច្រើនផ្នែកទូទាំងប្រទេសស៊ីរីនោះកំពុងចាញ់ប្រៀបកងទ័ពរដ្ឋាភិបាល ហើយពួកគេបាត់បង់សមរភូមិដ៏សំខាន់ទីក្រុង Aleppo ហើយ។
ដូច្នេះហើយ បើក្រុមប្រទេសទាំងនេះមិនចេញមុខទេ ក្រុមទាហានរដ្ឋាភិបាលឯណោះនឹងក្លាយជាអ្នកទទួលជ័យជម្នះយ៉ាងងាយ។ បើមានការបង្កើតបទឈប់បាញ់ វាមានន័យថា ក្រុមឧទ្ទាមមានពេលវេលាសម្រាប់ប្រមូលផ្តុំកម្លាំង ហើយវាក៏ជាពេលដែលបណ្តាលោកខាងលិចរកវិធីសាស្ត្រជួយក្រុមនេះទៀតដែរ។
ខណៈដែលមាត់ដៀលជេររុស្ស៊ីនិងស៊ីរី ប្រមុខការទូតក្រុងវ៉ាស៊ីនតោន ចនឃែរី ស្កាត់ទៅជួបសមភាគីរុស្ស៊ីលោក Sergei Lavrov នៅទីក្រុង Hamburg ប្រទេសអាល្លឺម៉ង់ដើម្បីជជែកពិភាក្សាគ្នាពីស្ថានការណ៍សង្គ្រាមស៊ីវិលស៊ីរីនិងទីក្រុង Aleppo ។ ប៉ុន្តែគួរឲ្យសោកស្តាយ ភាគីទាំងពីររកចំណុចឯកភាពគ្នាមិនឃើញ និងគ្មានសម្រេចបានកិច្ចព្រមព្រៀងដុំកំភួនអ្វីឡើយ ក្រោយចំណាយពេលជជែកគ្នាអស់មួយម៉ោង។
១.ក្រុមឧទ្ទាមដង្ហោយរកបទឈប់បាញ់បន្ទាន់ ពេលទ័ពអាសាដដណ្តើម Aleppo បានទាំងស្រុង
ថ្ងៃពុធម្សិលមិញនេះ ក្រុមឧទ្ទាមបានបង្ហាញឲ្យឃើញពីចំណុចខ្សោយរបស់ខ្លួនទៅហើយក្នុងការបន្តធ្វើសង្គ្រាម ដោយបានស្នើសុំឲ្យភ្នាក់ងាររបស់អង្គការសហប្រជាជាតិជំរុញឲ្យភាគីលោក បាសា អាល់អាសាដ ព្រមបង្កើតបទឈប់បាញ់។
ការដាច់ចិត្តបន្ទន់ជំហរស្នើសុំឲ្យមានការផ្អាកការប្រយុទ្ធនេះ កើតឡើងក្រោយទាហានរដ្ឋាភិបាលលោក បាសា អាល់អាសាដ ដោយមានការជួយគាំទ្រពីសម្ព័ន្ធមិត្តរុស្ស៊ី អ៊ីរ៉ង់ និងក្រុមប្រដាប់អាវុធឥស្លាមនិយមនិកាយស៊ីអ៊ីត ដណ្តើមបានមកវិញនូវទឹកដីប្រហែលជាបីភាគបួននៅក្រុង Aleppo ដែលក្រុមឧទ្ទាមបានកាប់កាប់យូរហើយមកនោះ។ ហើយវាក៏កើតឡើងក្រោយសេចក្តីព្រាងដំណោះស្រាយរបស់អង្គការសហប្រជាជាតិពាក់ព័ន្ធការផ្តល់ជំនួយនិងការជម្លៀសផ្នែកវេជ្ជសាស្ត្រសម្រាប់តំបន់ Aleppo ត្រូវបានសមាជិកអចិន្ត្រៃយ៍នៃក្រុមប្រឹក្សាសន្តិសុខពីរ ចិន និងរុស្ស៊ីជំទាស់។
យ៉ាងណាក៏ដោយ ក្រុមឧទ្ទាមមិនបានបង្ហាញថា ខ្លួនព្រមលើកទង់ជ័យសចុះចាញ់ឡើយ។ យោងតាមសារព័ត៌មាន The Independent មេដឹកនាំក្រុមឧទ្ទាមមួយក្រុមលោក Abdel-Salam Abdel-Razek បានចេញសេចក្តីប្រកាសព័ត៌មានមួយថា «ការផ្អាកការប្រយុទ្ធសម្រាប់បម្រើប្រយោជន៍មនុស្សធម៌នេះនឹងផ្តល់ឱកាសឲ្យភាគីចរចាពីអនាគតនៃទីក្រុង Aleppo ហើយក្រុមឧទ្ទាមទាំងអស់ចង់ឲ្យភ្នាក់ងារអង្គការសហប្រជាជាតិចូលអង្កេតការណ៍។
២. អនាគតក្រុមក្រុមឧទ្ទាមមិនច្បាស់លាស់
ស្ថានភាពក្រុមឧទ្ទាម ស៊ីរីបច្ចុប្បន្នធ្វើឲ្យ រដ្ឋបាលលោក បារ៉ាក់ អូបាម៉ា បារម្ភជាងគេបំផុតដោយសារខ្លួននៅសល់ពេលមិនដល់មួយខែកន្លះផង ដើម្បីដោះស្រាយបញ្ហាគ្រប់យ៉ាង។
ជារឿងច្បាស់លាស់មួយគឺ រដ្ឋបាលថ្មីរបស់ដូណាល់ ត្រាំ នឹងឈប់គាំទ្រក្រុមឧទ្ទាមព្រោះលោកជឿជាក់ថា វាជាគ្រោះថ្នាក់ធំមួយ។ តាំងពីដើមមក លោកបានសន្យាថាលោកនឹងបញ្ឈប់ការផ្គត់ផ្គង់ជំនួយយោធាដល់ក្រុមឧទ្ទាម ហើយលោកសហការជាមួយរុស្ស៊ីផងដែរដើម្បីដោះស្រាយបញ្ហាស៊ីរី និងប្រឆាំងភេរវកម្ម។ ប៉ុន្តែវាជាគ្រោះថ្នាក់សម្រាប់គ្រប់ឧទ្ទាមដែលអាមេរិកខំប្រឹងគាំទ្ររាប់ឆ្នាំមកនេះ។
រដ្ឋបាលលោក អូបាម៉ា មិនចង់ឲ្យចង់មិនឲ្យក្រុមឧទ្ទាមចាញ់ទេ តែមិនមែនមានន័យថា លោកមិនចង់ឲ្យសង្គ្រាមចប់ឡើយ។ លោកចង់ឲ្យក្រុមឧទ្ទាមមានប្រៀបដើម្បីដាក់សម្ពាធលើក្រុងដាម៉ាស និងបង្ខំឲ្យអាសាដ ចុះចេញពីតំណែងបើកផ្លូវឲ្យមានសម័យអន្តរកាលនយោបាយមួយ។ បើក្រុមឧទ្ទាមបាត់បង់ ក្រុង Aleppo មានន័យថា ក្រុមឧទ្ទាមស្ទើរតែអស់ច្រកបន្តប្រយុទ្ធប្រឆាំងរដ្ឋាភិបាលទៀតដែរ ហើយវាក៏ឆ្លុះបញ្ចាំងឲ្យឃើញថា អាសាដ ដែលអាមេរិកចង់បណ្តេញនោះនឹងនៅកាន់តំណែងទៀត បើសង្គ្រាមចប់មែននោះ។
៣.ក្រុង Aleppo សមរភូមិចុងក្រោយ ?
តាមពិតទៅ ក្រុង Aleppo ជាសមរភូមិប្រយុទ្ធដ៏ប្រទាញប្រទង់បំផុតមួយ ដោយគ្មានភាគីណាមួយមានប្រៀបអាចដណ្តើមយកទីក្រុងនេះបានឡើយ។ ហើយជនស៊ីវិលបន្តស្លាប់រាល់ថ្ងៃនេះដោយសារការប្រយុទ្ធ និងការទម្លាក់គ្រាប់បែករបស់ភាគីទាំងពីរ។ ខាងក្រុមឧទ្ទាមនិងក្រុមសិទ្ធិមនុស្សចោទថា រុស្ស៊ីនិងខាងរដ្ឋាភិបាលក្រុងដាម៉ាសបានប្រព្រឹត្តបទឧក្រិដ្ឋកម្មសង្គម និងបំពារបំពានសិទ្ធិមនុស្សធ្ងន់ធ្ងរដោយបន្តសម្លាប់រង្គាលជនស៊ីវិលនៅទីក្រុងនេះ។ ប៉ុន្តែខាងរដ្ឋាភិបាលនិងរុស្ស៊ីតបវិញថា ក្រុមឧទ្ទាមកំពុងយកជនស៊ីវិលជាខែលដើម្បីការពារខ្លួនផងនិងយកលេសដើម្បីបន្តប្រយុទ្ធផង។
ដូច្នេះហើយ ពេលដែលទ័ព អាសាដ ដណ្តើមបានក្រុង Aleppo បាន បង្ហាញឲ្យឃើញច្បាស់ពីបរាជ័យដ៏ធំធេងរបស់ក្រុមឧទ្ទាម ហើយវាក៏ជាសញ្ញាមួយបង្ហាញថា ភ្លើងសង្គ្រាមដែលអូសបន្លាយមកអស់រាប់ឆ្នាំមកនេះ ជិតដល់ពេលចប់ដែរ។ អ្វីដែលសំខាន់វាជាជ័យជម្នះមួយរបស់រដ្ឋាភិបាលក្រុងដាម៉ាស។
និយាយពីជ័យជម្នះរបស់ទ័ពស៊ីរី នៅ Aleppo គេមិនភ្លេចពីគុណស្រ័យរបស់ក្រុងមូស្គូឡើយ។ ក្រោយរុស្ស៊ីចូលអន្តរាគមន៍ក្នុងជម្លោះស៊ីរីនៅខែកញ្ញាឆ្នាំ ២០១៥ កងទ័ពអាសាដពឹងលើអំណាចទ័ពអាកាសរុស្ស៊ីទាំងស្រុងពេលដែលគេប្រយុទ្ធប្រឆាំងក្រុមឧទ្ទាម។ ហើយការអន្តរាគមន៍នេះបានធ្វើឲ្យរបបដឹកនាំស៊ីរី អាចប្រមូលផ្តុំកម្លាំង និងពង្រឹងអំណាចរបស់ខ្លួនបានវិញផងដែរ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
19 ម៉ោង
