ពីនេះ ពីនោះ
សម្តេច ជួន ណាត ណែនាំពីការសេពគប់មិត្ត
× សារព័ត៌មានថ្មីៗ សូមយកនូវកំណាព្យរបស់សម្តេចព្រះសង្ឃរាជ ជួន ណាត ដែលព្រះអង្គបាននិពន្ធឡើង ដើម្បីអប់រំដល់ប្រជាជនខ្មែរ ជាពិសេសបព្វជិត។ សូមអានកំណាព្យខាងក្រោម៖
គប់ពាលរែងរាលទៅរកខុស គប់ប្រាជ្ញប្រុងរែងបានត្រូវ
គប់មិត្តអបល័ក្ខណ៍រែងអាស្រូវ ខុសត្រូវកើតពីការសេពគប់។
គួរជ្រើសរើសរកជនប្រុសស្រី តើមានធម៌អ្វីជាប្រភព
បើឃើញច្បាស់ហើយគួរសេពគប់ ឬត្រូវតែឈប់កុំរវល់។
បើតាមឱវាទព្រះសម្ពុទ្ធ វិសុទ្ធទ្រង់ធម៌និរមល
គួរជ្រាបថាបើឃើញបុគ្គល យល់ខុសពុំគួរសេពគប់ឡើយ។
សូវនៅម្នាក់ឯងប្រសើរជាង គួរជៀសគួរវាងជនតោះតើយ
មិនកាន់តាមធម៌ជាកោះត្រើយ ព្រងើយកន្តើយដោយយល់ថាខ្លួនត្រូវ។
© រក្សាសិទ្ធិដោយ thmeythmey.com