កីឡាជាតិ
ជាតិ
ITF កម្ពុជាឈ្នះមេដាយមាស៩ ក្នុងថ្ងៃប្រកួតបើកឆាកជើងឯកអាស៊ីអាគ្នេយ៍លើកទី១
×![]()
ក្នុងចំណោម១៣ប្រភេទវិញ្ញាសាផ្នែកមេគុនដែលបានដាក់ឲ្យប្រកួតប្រជែងក្នុងព្រឹត្តិការណ៍ការប្រកួតកីឡាតេក្វាន់ដូអាយធីអែហ្វ(ITF)ជ្រើសរើសជើងឯកអាស៊ីអាគ្នេយ៍ឆ្នាំ២០១៦ ក្នុងថ្ងៃប្រកួតបើកឆាកនៅវិមានពហុកីឡដ្ឋានជាតិកាលពីព្រឹកថ្ងៃទី១២ ខែធ្នូ ក្រុមអត្តពលិកម្ចាស់ផ្ទះកម្ពុជាបានឈ្នះមេដាយមាសចំនួន៩ ប្រាក់៣ និងសំរឹទ្ធ១។
ក្រុមអត្តពលិកកីឡាតេក្វាន់ដូអាយធីអែហ្វកម្ពុជាបានឈ្នះមេដាយមាស៩ ប្រាក់៣ និងសំរឹទ្ធ១ ក្នុងថ្ងៃប្រកួតបើកឆាកកីឡាតេក្វាន់ដូអាយធីអែហ្វ(ITF)ជ្រើសរើសជើងឯកអាស៊ីអាគ្នេយ៍ឆ្នាំ២០១៦ ដែលកម្ពុជាធ្វើជាម្ចាស់ផ្ទះ នៅវិមានពហុកីឡដ្ឋានជាតិកាលពីព្រឹកថ្ងៃទី១២ ខែធ្នូ។ មេដាយមាសទាំង៩របស់កម្ពុជាបានឈ្នះលើវិញ្ញាសាសម្តែងមេគុនឯកត្តជនចំនួន៧ និងសម្តែងមេគុនជាក្រុមចំនួន២។
ជាមួយគ្នានេះកីឡាករ ប៉ាល់ ជីវ័ន្ត ដែលបានឈ្នះមេដាយមាស២ម្នាក់ឯងបានបញ្ជាក់ថា មេដាយដែលកម្ពុជាទទួលបានក្នុងថ្ងៃប្រកួតបើកឆាក គឺបានមកពីការខិតខំប្រឹងប្រែងហ្វឹកហាត់របស់កីឡាករកីឡាការិនីតេក្វាន់ដូអាយធីអែហ្វ(ITF)កម្ពុជា មិនមែនបានដោយសំណាងឬភាគីចូលរួមខ្សោយនោះឡើយ។ កីឡាកររូបនេះរំពឹងថា រូបគេនឹងអាចឈ្នះមេដាយមាសបន្ថែមទៀតសម្រាប់ការប្រកួតថ្ងៃទី២ ជាពិសេសរំពឹងលើវិញ្ញាសាសម្តែងប្រយុទ្ធ១ទល់នឹង៣ ខណៈរូបគេនៅសល់៣ប្រភេទវិញ្ញាសាទៀត។
ទន្ទឹមនឹងនេះ តាមរយៈការឈ្នះមេដាយមាសចំនួន៩ក្នុងបើកឆាកលោក បួន ហ៊ីងសុធីយ៉ា អគ្គលេខាធិការសហព័ន្ធកីឡាតេក្វាន់ដូ ITF កម្ពុជាជឿជាក់ថា កម្ពុជានឹងទទួលបានមេដាយមាសច្រើនទៀតសម្រាប់ការប្រកួតថ្ងៃជាបន្តបន្ទាប់។ ការរំពឹងបែបនេះដោយសារលោកគិតថា កម្ពុជាបានហ្វឹកហាត់ និងត្រៀមខ្លួនបានយ៉ាងល្អសម្រាប់ការប្រកួតមួយនេះ។
សម្រាប់ការប្រកួតក្នុងថ្ងៃបើកឆាកនេះដែរ ក្រុមអត្តពលិកមកពីប្រទេសម៉ាឡេស៊ី បានឈ្នះមេដាយមាស៣ ប្រាក់៤ និងសំរឹទ្ធ៦ រីឯសិង្ហបុរី មេដាយមាស១ ប្រាក់២ និងសំរឹទ្ធ២ ខណៈវៀតណាមមេដាយប្រាក់៣ និងសំរឹទ្ធ៤ ចំណែកប្រទេសថៃទទួលបានមេដាយប្រាក់១ និងសំរឹទ្ធ៣។ គួរបញ្ជាក់ថា ការប្រកួតជើងឯកអាស៊ីអាគ្នេយ៍ដែលកម្ពុជាធ្វើជាម្ចាស់ផ្ទះនៅសល់២៤វិញ្ញាសាទៀតដែលត្រូវប្រកួតប្រជែងបន្តទៀត៕
ក្រុមអត្តពលិកកីឡាតេក្វាន់ដូអាយធីអែហ្វកម្ពុជាបានឈ្នះមេដាយមាស៩ ប្រាក់៣ និងសំរឹទ្ធ១ ក្នុងថ្ងៃប្រកួតបើកឆាកកីឡាតេក្វាន់ដូអាយធីអែហ្វ(ITF)ជ្រើសរើសជើងឯកអាស៊ីអាគ្នេយ៍ឆ្នាំ២០១៦ ដែលកម្ពុជាធ្វើជាម្ចាស់ផ្ទះ នៅវិមានពហុកីឡដ្ឋានជាតិកាលពីព្រឹកថ្ងៃទី១២ ខែធ្នូ។ មេដាយមាសទាំង៩របស់កម្ពុជាបានឈ្នះលើវិញ្ញាសាសម្តែងមេគុនឯកត្តជនចំនួន៧ និងសម្តែងមេគុនជាក្រុមចំនួន២។
ជាមួយគ្នានេះកីឡាករ ប៉ាល់ ជីវ័ន្ត ដែលបានឈ្នះមេដាយមាស២ម្នាក់ឯងបានបញ្ជាក់ថា មេដាយដែលកម្ពុជាទទួលបានក្នុងថ្ងៃប្រកួតបើកឆាក គឺបានមកពីការខិតខំប្រឹងប្រែងហ្វឹកហាត់របស់កីឡាករកីឡាការិនីតេក្វាន់ដូអាយធីអែហ្វ(ITF)កម្ពុជា មិនមែនបានដោយសំណាងឬភាគីចូលរួមខ្សោយនោះឡើយ។ កីឡាកររូបនេះរំពឹងថា រូបគេនឹងអាចឈ្នះមេដាយមាសបន្ថែមទៀតសម្រាប់ការប្រកួតថ្ងៃទី២ ជាពិសេសរំពឹងលើវិញ្ញាសាសម្តែងប្រយុទ្ធ១ទល់នឹង៣ ខណៈរូបគេនៅសល់៣ប្រភេទវិញ្ញាសាទៀត។
ទន្ទឹមនឹងនេះ តាមរយៈការឈ្នះមេដាយមាសចំនួន៩ក្នុងបើកឆាកលោក បួន ហ៊ីងសុធីយ៉ា អគ្គលេខាធិការសហព័ន្ធកីឡាតេក្វាន់ដូ ITF កម្ពុជាជឿជាក់ថា កម្ពុជានឹងទទួលបានមេដាយមាសច្រើនទៀតសម្រាប់ការប្រកួតថ្ងៃជាបន្តបន្ទាប់។ ការរំពឹងបែបនេះដោយសារលោកគិតថា កម្ពុជាបានហ្វឹកហាត់ និងត្រៀមខ្លួនបានយ៉ាងល្អសម្រាប់ការប្រកួតមួយនេះ។
សម្រាប់ការប្រកួតក្នុងថ្ងៃបើកឆាកនេះដែរ ក្រុមអត្តពលិកមកពីប្រទេសម៉ាឡេស៊ី បានឈ្នះមេដាយមាស៣ ប្រាក់៤ និងសំរឹទ្ធ៦ រីឯសិង្ហបុរី មេដាយមាស១ ប្រាក់២ និងសំរឹទ្ធ២ ខណៈវៀតណាមមេដាយប្រាក់៣ និងសំរឹទ្ធ៤ ចំណែកប្រទេសថៃទទួលបានមេដាយប្រាក់១ និងសំរឹទ្ធ៣។ គួរបញ្ជាក់ថា ការប្រកួតជើងឯកអាស៊ីអាគ្នេយ៍ដែលកម្ពុជាធ្វើជាម្ចាស់ផ្ទះនៅសល់២៤វិញ្ញាសាទៀតដែលត្រូវប្រកួតប្រជែងបន្តទៀត៕
Tag:
តេក្វាន់ដូ ITF
ប៉ាល់ ជីវ័ន្ត
ITF ជើងឯកអាស៊ីអាគ្នេយ៍
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ម៉ោង
