ពីនេះ ពីនោះ
លក់ផ្ទះ, ផ្ទះលក់, ផ្ទះសម្រាប់លក់៖ តើមានន័យខុសគ្នាដូចម្តេច?
× បីពាក្យនេះ ត្រូវបានគេឃើញច្រើននៅពេលដែលអចលនទ្រព្យមាន ឬគ្មានហាងឆេង។ បើមើលមួយភ្លែត គេហាក់បីដូចជាមានអារម្មណ៍ថា អត្ថន័យរបស់វាមិនខុសគ្នាទេ។ តែបើគេពិនិត្យឲ្យស៊ីជម្រៅបន្តិច អត្ថន័យរបស់វាអាចខុសគ្នា។
លក់ផ្ទះ គឺជាកន្សោមកិរិយាស័ព្ទ ដែលមានន័យថា ទង្វើនៃការលក់ផ្ទះដើម្បីបានប្រាក់ត្រឡប់មកវិញ។
ផ្ទះលក់ (Sold house ជាភាសាអង់គ្លេស ឬជាភាសាបារាំង Maison vendue) មានន័យថា ផ្ទះហ្នឹងត្រូវបានគេលក់រួចហើយ។
ផ្ទះសម្រាប់លក់ គឺជាពាក្យដែលត្រឹមត្រូវបំផុតដែលមានន័យថា ដំណឹងប្រកាសដាក់លក់ផ្ទះ។ ពាក្យ«ផ្ទះសម្រាប់លក់» គឺជាពាក្យដែលត្រឹមត្រូវ គួរត្រូវសរសេរ នៅពេលដែលនរណាម្នាក់ចង់លក់ផ្ទះសម្បែង៕
© រក្សាសិទ្ធិដោយ thmeythmey.com