ពីនេះ ពីនោះ
ព័ត៍មានសុខភាព
កូនចេះដើរតេសតាស៖ ចង់ឲ្យដៃគេកាន់តែរឹងមាំ ឪពុកម្តាយគួរតែធ្វើប៉ុន្មានចំណុចនេះ
×![]()
ដោយ: ថ្មីៗ
កុមារតូចៗដែលមានអាយុចាប់ពី ១ ទៅ២ឆ្នាំ គឺជាដំណាក់កាលដែលពួកគេចាប់ផ្តើមពង្រឹងសាច់ដុំនៅប្រអប់ដៃ ហើយក៏ចេះប្រើដៃរបស់ពួកគេតាមរបៀបថ្មីៗជាច្រើនផងដែរ។ វាពិតជារឿងមួយគួរឲ្យស្រឡាញ់ណាស់ នៅពេលពួកគេចេះប្រើប្រអប់ដៃធ្វើអ្វីៗផ្សេងក្រៅពីគេអាចធ្វើបានកាលពីពេលមុនៗ។
ដើម្បីជួយដល់កូនតូចៗរបស់អ្នកកាន់តែមានភាពរឹងមាំនៅប្រអប់ដៃ ឪពុកម្តាយអាចជាចំណែកមួយក្នុងការចូលរួមជួយពួកគេកាន់តែរីកចម្រើនបាន តាមរយៈវិធីសាស្ត្រដូចខាងក្រោមនេះ៖
បង្ហាញកូនរបស់អ្នកពីរបៀបប្រើដៃក្នុងការបត់ក្រដាសដែលងាយធ្វើ និងងាយយល់
ឲ្យពួកគេលេងរបស់លេងដែល ប្រើដុំបួនជ្រុងដាក់ចូលក្នុងប្រហោងបួនជ្រុង ឬទំពួកដែលមានរាងបួនជ្រុង
ជួយឲ្យកូនចេះលេងរបស់ដែលអាចដាក់គលើគ្នា ធ្វើជាប៉ម
ចូរបង្រៀនកូនឲ្យចេះបំបែករបស់លេងចេញពីគ្នា ហើយឲ្យពួកគេរៀបចូលគ្នាឡើងវិញ
ចូរឲ្យកូនលេងដីឥដ្ឋ (សម្រាប់ក្មេងលេង) ដើម្បីបង្កើតជារូបរាងផ្សេងៗដែលពួកគេចង់ធ្វើ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
