កញ្ញា រ៉ាវី សុភារ័ត្ន ចែករំលែកទស្សនៈក្នុងការរៀបចំអនាគតឲ្យប្រសើរដល់យុវជន

បទយកការណ៍ / បទសម្ភាសន៍

កញ្ញា រ៉ាវី សុភារ័ត្ន ចែករំលែកទស្សនៈក្នុងការរៀបចំអនាគតឲ្យប្រសើរដល់យុវជន

20, Dec 2016 , 10:46 am

រូបភាព

រ៉ាវី សុភារ័ត្ន ពេលទទួលរង្វាន់ពីEU

ដោយ: ខន ចំប៉ា

កញ្ញា រ៉ាវី សុភារ័ត្ន គឺជានិស្សិតឆ្នាំទី២ នៃសាកលវិទ្យាល័យភូមិន្ទភ្នំពេញ ជំនាញប្រព័ន្ធផ្សព្វផ្សាយ និងសារគមនាគមន៍ និងជាជ័យលាភីលេខ១ លើប្រធានបទ តើយុវជនគួរធ្វើអ្វីខ្លះ ដើម្បីកែប្រែអនាគតមានភាពល្អប្រសើរ? ដែលរៀបចំដោយសហភាពអឺរ៉ុបប្រចាំកម្ពុជាEU។

នៅក្នុងបទសម្ភាសន៍ជាមួយសារព័ត៌មានថ្មីៗនិស្សិតឆ្នាំទី២រូបនេះ យល់ថាយុវជនភាគច្រើន មិនសូវដឹងថាតើនៅថ្ងៃអនាគតពួកគេចង់ធ្វើអ្វីនោះទេ ដូច្នេះទើប សុភារ័ត្ន ចង់ចែករំលែកទស្សនៈដែលនាងយល់ឃើញ និងពិសោធន៍ផ្ទាល់ខ្លួន ក្នុងការរៀបចំជំហ៊ានដែលឈានទៅរកអនាគតមួយដែលល្អប្រសើរ។ កញ្ញា បានបញ្ជាក់ដូច្នេះថា៖«បើសិនជាយើងពូកែអ្វីមួយច្បាស់លាស់ ហើយយើងរៀនមុខវិជ្ជាហ្នឹង ហើយយើងធ្វើការហ្នឹងទៀត នោះយើងនឹងរីករាយពេញមួយជីវិត។ អ៊ីចឹងយើងត្រូវតាមក្តីស្រមៃរបស់យើង ស្វែងរកក្តីស្រមៃពិតប្រាកដឲ្យបាន»។

ដើម្បីជ្រាបលម្អិត សូមអញ្ជើញស្តាប់បទសម្ភាសន៍រវាងកញ្ញា ខន ចំប៉ា និងកញ្ញា រ៉ាវី សុភារ័ត្ន ដូចតទៅ៖

កញ្ញា រ៉ាវី សុភារ័ត្ន គឺជាជ័យលាភីមួយរូបក្នុងចំណោម៩រូប ដែលទទួលបានរង្វាន់ពីEU នៅថ្ងៃទី១៩ ខែធ្នូ តាមរយៈការប្រកួតនិពន្ធអត្ថបទ លើប្រធានបទ៣ផ្សេងគ្នា ទាក់ទងនឹងអាស៊ាន បញ្ហាបរិស្ថាន និងការរៀបចំគម្រោងការអនាគតរបស់យុវជន៕