ជាតិ
សង្គមជាតិ
ក្រសួងដែនដីបិទផ្សាយស្ថិតិពលរដ្ឋរស់នៅ«អាគារប៊ូឌីង ស»ដើម្បីទុកពេលតវ៉ា
×![]()
ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់នឹងបិទផ្សាយស្ថិតិពលរដ្ឋជាង ៤រយគ្រួសាររស់នៅក្នុងអគារសហកម្មសិទ្ធិ «ប៊ូឌីង ស» នៅថ្ងៃស្អែកនេះ ដើម្បីទុកឱកាសឲ្យពលរដ្ឋតវ៉ានឹងការចុះស្រង់ស្ថិតិរបស់ក្រសួង កន្លងទៅ។ នេះបើតាមលោក ជា សុផារ៉ា រដ្ឋមន្ត្រីក្រសួងរៀបចំដែនដី។ ក្រសួងរៀបចំដែនដី និងក្រុមហ៊ុនជប៉ុន Arakawa គ្រោងអភិវឌ្ឍនៅទីតាំងអគារប៊ូឌីង ក្នុងទឹកប្រាក់ពី ៧០លានដុល្លារទៅ ៨០លានដុល្លារ។
លោក ជា សុផារ៉ា រដ្ឋមន្ត្រីក្រសួងរៀបចំដែនដីបានឲ្យសារព័ត៌មានថ្មីៗថា ពលរដ្ឋដែលកំពុងរស់នៅអគារប៊ូឌីង អាចតវ៉ាជំទាស់នឹងស្ថិតិដែលក្រុមការងារក្រសួងដែនដីបានរៀបចំ រួចរាល់ ក្នុងគោលដៅផ្ដល់វិញ្ញាបនបត្រសម្គាល់ដល់ម្ចាស់ចំណែកឯកជននៃអាគារសហកម្មសិទ្ធិនេះ។«យើងនឹងរៀបចំបិទផ្សាយស្ថិតិពលរដ្ឋដែលមានឯកសារត្រឹមត្រូវ នៅថ្ងៃស្អែក(ថ្ងៃទី ២២ ខែធ្នូ) ឬថ្ងៃខានស្អែក ដើម្បីឲ្យពលរដ្ឋរស់នៅអគារប៊ូឌីង តវ៉ា មុនពេលក្រសួងរៀបចំផែនការអភិវឌ្ឍបន្តទៀត»។ រដ្ឋមន្ត្រីក្រសួងរៀបចំដែនដី ប្រាប់សារព័ត៌មានថ្មីៗ តាមទូរសព្ទ នៅរសៀលនេះ ក្រោយក្រសួងបញ្ចប់ការចុះស្រង់ស្ថិតិពលរដ្ឋ កាលពីថ្ងៃទី៣ ធ្នូ កន្លងទៅ។
លោក ជាសុផារ៉ាធ្លាប់បញ្ជាក់ប្រាប់ពលរដ្ឋក្នុងពិធីជួបជជែកស្ដីពីការអភិវឌ្ឍអគារប៊ូឌីងកាលពីថ្ងៃទី០៨វិច្ឆិកាថា ក្រសួងនិងក្រុមហ៊ុនជប៉ុន Arakawa គ្រោងអភិវឌ្ឍទីតាំងអគារប៊ូឌីងនៅនឹងកន្លែង ក្នុងទឹកប្រាក់ពី៧០លានដុល្លារ ទៅ ៨០លានដុល្លារ។បើគ្មានការប្រែប្រួលនោះទេការសាងសង់អគារថ្មី ត្រូវការរយៈពេលសាងសង់ជាង ៣ឆ្នាំ ហើយនឹងចាប់ផ្ដើមនៅដើមឆ្នាំ២០១៧ខាងមុខ។
គម្រោងនេះមានការសាងសង់ទីតាំងស្នាក់នៅបណ្ដោះអាសន្ន និងការសង់អគារថ្មីកម្ពស់ ២១ជាន់ ដោយរួមមានទីតាំងចំណត ៣ជាន់, កន្លែងលក់ដូរ១ជាន់កន្លែងស្នាក់នៅ៥ជាន់ ហើយចាប់ពីជាន់ទី៩ឡើងទៅនឹងក្លាយជាកម្មសិទ្ធិវិនិយោគរបស់ក្រុមហ៊ុន Arakawa ។
បើតាមលោក ជា សុផារ៉ា នៅពេលសាងសង់នោះក្រសួងនឹងរៀបចំកន្លែងផ្សេងទៀតសម្រាប់ឲ្យពលរដ្ឋស្នាក់នៅបណ្ដោះអាសន្នដែលមានទីតាំងស្ថិតនៅក្នុងសង្កាត់ទឹកថ្លា រាជធានីភ្នំពេញ ទម្រាំគម្រោងសាងសង់អគារប៊ូឌីងថ្មីបញ្ចប់។ប៉ុន្តែសម្រាប់ពលរដ្ឋដែលមិនយល់ស្របនឹងគម្រោងវិនិយោគនេះពួកគេអាចមានជម្រើសយកទឹកប្រាក់ប្រមាណ ៦ម៉ឺនដុល្លារសម្រាប់មួយគ្រួសារ។
អគារប៊ូឌីញ ត្រូវបានស្ថាបនាក្នុងឆ្នាំ១៩៦៣ ដែលស្ថិតក្នុងសង្កាត់ទន្លេបាសាក់ ខណ្ឌចំការមន៕
លោក ជា សុផារ៉ា រដ្ឋមន្ត្រីក្រសួងរៀបចំដែនដីបានឲ្យសារព័ត៌មានថ្មីៗថា ពលរដ្ឋដែលកំពុងរស់នៅអគារប៊ូឌីង អាចតវ៉ាជំទាស់នឹងស្ថិតិដែលក្រុមការងារក្រសួងដែនដីបានរៀបចំ រួចរាល់ ក្នុងគោលដៅផ្ដល់វិញ្ញាបនបត្រសម្គាល់ដល់ម្ចាស់ចំណែកឯកជននៃអាគារសហកម្មសិទ្ធិនេះ។«យើងនឹងរៀបចំបិទផ្សាយស្ថិតិពលរដ្ឋដែលមានឯកសារត្រឹមត្រូវ នៅថ្ងៃស្អែក(ថ្ងៃទី ២២ ខែធ្នូ) ឬថ្ងៃខានស្អែក ដើម្បីឲ្យពលរដ្ឋរស់នៅអគារប៊ូឌីង តវ៉ា មុនពេលក្រសួងរៀបចំផែនការអភិវឌ្ឍបន្តទៀត»។ រដ្ឋមន្ត្រីក្រសួងរៀបចំដែនដី ប្រាប់សារព័ត៌មានថ្មីៗ តាមទូរសព្ទ នៅរសៀលនេះ ក្រោយក្រសួងបញ្ចប់ការចុះស្រង់ស្ថិតិពលរដ្ឋ កាលពីថ្ងៃទី៣ ធ្នូ កន្លងទៅ។
លោក ជាសុផារ៉ាធ្លាប់បញ្ជាក់ប្រាប់ពលរដ្ឋក្នុងពិធីជួបជជែកស្ដីពីការអភិវឌ្ឍអគារប៊ូឌីងកាលពីថ្ងៃទី០៨វិច្ឆិកាថា ក្រសួងនិងក្រុមហ៊ុនជប៉ុន Arakawa គ្រោងអភិវឌ្ឍទីតាំងអគារប៊ូឌីងនៅនឹងកន្លែង ក្នុងទឹកប្រាក់ពី៧០លានដុល្លារ ទៅ ៨០លានដុល្លារ។បើគ្មានការប្រែប្រួលនោះទេការសាងសង់អគារថ្មី ត្រូវការរយៈពេលសាងសង់ជាង ៣ឆ្នាំ ហើយនឹងចាប់ផ្ដើមនៅដើមឆ្នាំ២០១៧ខាងមុខ។
គម្រោងនេះមានការសាងសង់ទីតាំងស្នាក់នៅបណ្ដោះអាសន្ន និងការសង់អគារថ្មីកម្ពស់ ២១ជាន់ ដោយរួមមានទីតាំងចំណត ៣ជាន់, កន្លែងលក់ដូរ១ជាន់កន្លែងស្នាក់នៅ៥ជាន់ ហើយចាប់ពីជាន់ទី៩ឡើងទៅនឹងក្លាយជាកម្មសិទ្ធិវិនិយោគរបស់ក្រុមហ៊ុន Arakawa ។
បើតាមលោក ជា សុផារ៉ា នៅពេលសាងសង់នោះក្រសួងនឹងរៀបចំកន្លែងផ្សេងទៀតសម្រាប់ឲ្យពលរដ្ឋស្នាក់នៅបណ្ដោះអាសន្នដែលមានទីតាំងស្ថិតនៅក្នុងសង្កាត់ទឹកថ្លា រាជធានីភ្នំពេញ ទម្រាំគម្រោងសាងសង់អគារប៊ូឌីងថ្មីបញ្ចប់។ប៉ុន្តែសម្រាប់ពលរដ្ឋដែលមិនយល់ស្របនឹងគម្រោងវិនិយោគនេះពួកគេអាចមានជម្រើសយកទឹកប្រាក់ប្រមាណ ៦ម៉ឺនដុល្លារសម្រាប់មួយគ្រួសារ។
អគារប៊ូឌីញ ត្រូវបានស្ថាបនាក្នុងឆ្នាំ១៩៦៣ ដែលស្ថិតក្នុងសង្កាត់ទន្លេបាសាក់ ខណ្ឌចំការមន៕
Tag:
ជា សុផារ៉ា
ប៊ូឌីង
© រក្សាសិទ្ធិដោយ thmeythmey.com
