ជាតិ
សមត្ថកិច្ចចុះបង្ក្រាបទីតាំងផលិតគ្រឿងញៀនរបស់ជនបរទេស នៅខេត្តព្រះសីហនុ
×![]()
ដោយ: ថ្មីៗ
ភ្នំពេញ៖ ស្នងការរងខេត្តព្រះសីហនុ បានចុះបង្ក្រាប់ទីតាំងផលិតគ្រឿងញៀនមួយកន្លែង ដោយឃាត់ខ្លួនជនបរទេស៥នាក់ ដែលបាននឹងកំពុងផលិតនិងចែកចាយគ្រឿងញៀន នៅតំបន់ទេសចរណ៍នេះ។
ស្នងការរងទទួលផែនប្រឆាំងបទល្មើសលោក ស៊ុន សុផាត បានឲ្យដឹងថា នគរបាលប្រឆាំងគ្រឿងញៀន រួមជាមួយកម្លាំងអធិការដ្ឋាននគរបាលក្រុងព្រះសីហនុ បានបើកការស៊ើបអង្កេត រកឃើញទីតាំងជនបរទេសលួចលាក់ផលិតថ្នាំញៀន និងទីតាំងលក់ចែកចាយថ្នាំញៀន នៅភូមិ២ សង្កាត់២ ក្រុងព្រះសីហនុ ដោយឃាត់ខ្លួនមុខសញ្ញាពាក់ព័ន្ធ ចំនួន៥នាក់ រឹបអូសបានវត្ថុតាងផលិតនិងថ្នាំញៀនជាច្រើនទៀត ។
វត្ថុតាងដែលសមត្ថកិច្ចរឹបអូសបានរួមមាន ៖ ឧបករណ៍សម្រាប់ផលិតគ្រឿងញៀន១កំផ្លេ, ម្សៅក្រាមពណ៌ស សម្រាប់ផ្សំធ្វើថ្នាំញៀន ចំនួន ៤២២គ្រាប់ ទម្ងន់ ១៩៥ក្រាម, ថ្នាំគ្រាប់ពណ៌បៃតង ចំនួន ៥៤គ្រាប់ ទម្ងន់ ២៨ក្រាម, ថ្នាំគ្រាប់ពណ៌ផ្កាឈូក ចំនួន២៩៥ក្រាម, ម្សៅពណ៌បៃតងចំនួន១ប្រអប់ ទម្ងន់ ៩៩ក្រាម, ម្សៅពណ៌ផ្កាឈូកចំនួន១ប្រអប់ ទម្ងន់ ៥២ក្រាម, ម្សៅពណ៌ផ្កាឈូក (រាងដូចពណ៌កំបោរ) ១ប្រអប់ ទម្ងន់៣៧៦ ក្រាម , ម្សៅម៉ាក Microcystalline Cellulose ទម្ងន់១៧៧ក្រាម, ម្សៅម៉ាក Magnessieu Magneseum មួយចំនួនទៀត ។
សមត្ថកិច្ចចាប់ខ្លួនជនសង្ស័យចំនួន៣នាក់ ដែលជាម្ចាស់ទីតាំងផលិតគ្រឿងញៀននេះ ដោយទី១-ឈ្មោះ Melnyk Volodymyr ភេទប្រុស អាយុ២៧ឆ្នាំសញ្ជាតិ អ៊ុយក្រែន ។ ២-ឈ្មោះ Lenya Vlkoval ភេទស្រី អាយុ២៦ឆ្នាំ សញ្ជាតិឆេក ។ ៣-ឈ្មោះ Sirkia Hannah ភេទស្រី អាយុ២៨ឆ្នាំ សញ្ជាតិហ្វាំងឡង់ (ទាំង៣នាក់នេះមិនមានលិខិតឆ្លងដែនជាប់នឹងខ្លួន ) ។
ចំណែកអ្នកចែកចាយពីរនាក់ទៀត មានឈ្មោះ Grafma Mikhail ភេទប្រុស អាយុ៥២ឆ្នាំ សញ្ជាតិអាមេរិកកាំង និងឈ្មោះ Mukhametianova Elmira ភេទស្រី អាយុ២៧ឆ្នាំ សញ្ជាតិរុស្សី (ទាំងពីរនាក់នេះមានលិខិតឆ្លងដែន)។ សមត្ថកិច្ចរឹបអូសភស្តុតាងរួមមាន៖ ជញ្ជីងសម្រាប់ថ្លឹងគ្រឿង ញៀន៣គ្រឿង ថ្នាំឈ្មោះ Trauma ប្រភេទគ្រាប់ពណ៌ស ២៦ បំពង់, ម្សៅពណ៌សសង្ស័យសាធាតុញៀន ៣កញ្ចប់ធំ និង ៣កញ្ចប់តូច , សឺរាំងចាក់ចំនួន៤ ជាដើម។
បើតាមលោក ស៊ុន សុផាត ជនសង្ស័យ Grafman Mikhail ជនជាតិអាមេរិកាំង គឺជាម្ចាស់ទីតាំងទាំងពីរកន្លែង និង មេខ្លោងផលិតថ្នាំញៀនដ៏ធំផងដែរ ៕
ស្នងការរងទទួលផែនប្រឆាំងបទល្មើសលោក ស៊ុន សុផាត បានឲ្យដឹងថា នគរបាលប្រឆាំងគ្រឿងញៀន រួមជាមួយកម្លាំងអធិការដ្ឋាននគរបាលក្រុងព្រះសីហនុ បានបើកការស៊ើបអង្កេត រកឃើញទីតាំងជនបរទេសលួចលាក់ផលិតថ្នាំញៀន និងទីតាំងលក់ចែកចាយថ្នាំញៀន នៅភូមិ២ សង្កាត់២ ក្រុងព្រះសីហនុ ដោយឃាត់ខ្លួនមុខសញ្ញាពាក់ព័ន្ធ ចំនួន៥នាក់ រឹបអូសបានវត្ថុតាងផលិតនិងថ្នាំញៀនជាច្រើនទៀត ។
វត្ថុតាងដែលសមត្ថកិច្ចរឹបអូសបានរួមមាន ៖ ឧបករណ៍សម្រាប់ផលិតគ្រឿងញៀន១កំផ្លេ, ម្សៅក្រាមពណ៌ស សម្រាប់ផ្សំធ្វើថ្នាំញៀន ចំនួន ៤២២គ្រាប់ ទម្ងន់ ១៩៥ក្រាម, ថ្នាំគ្រាប់ពណ៌បៃតង ចំនួន ៥៤គ្រាប់ ទម្ងន់ ២៨ក្រាម, ថ្នាំគ្រាប់ពណ៌ផ្កាឈូក ចំនួន២៩៥ក្រាម, ម្សៅពណ៌បៃតងចំនួន១ប្រអប់ ទម្ងន់ ៩៩ក្រាម, ម្សៅពណ៌ផ្កាឈូកចំនួន១ប្រអប់ ទម្ងន់ ៥២ក្រាម, ម្សៅពណ៌ផ្កាឈូក (រាងដូចពណ៌កំបោរ) ១ប្រអប់ ទម្ងន់៣៧៦ ក្រាម , ម្សៅម៉ាក Microcystalline Cellulose ទម្ងន់១៧៧ក្រាម, ម្សៅម៉ាក Magnessieu Magneseum មួយចំនួនទៀត ។
សមត្ថកិច្ចចាប់ខ្លួនជនសង្ស័យចំនួន៣នាក់ ដែលជាម្ចាស់ទីតាំងផលិតគ្រឿងញៀននេះ ដោយទី១-ឈ្មោះ Melnyk Volodymyr ភេទប្រុស អាយុ២៧ឆ្នាំសញ្ជាតិ អ៊ុយក្រែន ។ ២-ឈ្មោះ Lenya Vlkoval ភេទស្រី អាយុ២៦ឆ្នាំ សញ្ជាតិឆេក ។ ៣-ឈ្មោះ Sirkia Hannah ភេទស្រី អាយុ២៨ឆ្នាំ សញ្ជាតិហ្វាំងឡង់ (ទាំង៣នាក់នេះមិនមានលិខិតឆ្លងដែនជាប់នឹងខ្លួន ) ។
ចំណែកអ្នកចែកចាយពីរនាក់ទៀត មានឈ្មោះ Grafma Mikhail ភេទប្រុស អាយុ៥២ឆ្នាំ សញ្ជាតិអាមេរិកកាំង និងឈ្មោះ Mukhametianova Elmira ភេទស្រី អាយុ២៧ឆ្នាំ សញ្ជាតិរុស្សី (ទាំងពីរនាក់នេះមានលិខិតឆ្លងដែន)។ សមត្ថកិច្ចរឹបអូសភស្តុតាងរួមមាន៖ ជញ្ជីងសម្រាប់ថ្លឹងគ្រឿង ញៀន៣គ្រឿង ថ្នាំឈ្មោះ Trauma ប្រភេទគ្រាប់ពណ៌ស ២៦ បំពង់, ម្សៅពណ៌សសង្ស័យសាធាតុញៀន ៣កញ្ចប់ធំ និង ៣កញ្ចប់តូច , សឺរាំងចាក់ចំនួន៤ ជាដើម។
បើតាមលោក ស៊ុន សុផាត ជនសង្ស័យ Grafman Mikhail ជនជាតិអាមេរិកាំង គឺជាម្ចាស់ទីតាំងទាំងពីរកន្លែង និង មេខ្លោងផលិតថ្នាំញៀនដ៏ធំផងដែរ ៕
Tag:
សមត្ថកិច្ច
គ្រឿងញៀន
© រក្សាសិទ្ធិដោយ thmeythmey.com
