សាលារាជធានីត្រៀមចំណាយថវិកា១០លានដុល្លារដើម្បីជួសជុលផ្លូវខូច

ជាតិ

សាលារាជធានីត្រៀមចំណាយថវិកា១០លានដុល្លារដើម្បីជួសជុលផ្លូវខូច

27, Dec 2016 , 11:23 am

រូបភាព

រូបពីហ្វេសប៊ុកមន្ទីរសាធារណការរាជធានីភ្នំពេញ

ដោយ: ថ្មីៗ

ភ្នំពេញ៖ សាលារាជធានីភ្នំពេញ គ្រោងចំណាយថវិកា១០លានដុល្លារអាមេរិក សម្រាប់ជួសជុលផ្លូវចំនួន៥៧ខ្សែ ដែលមានប្រវែងជាង៦៤គីឡូម៉ែត្រ កំពុងរងការខូចខាតខ្លាំង នៅក្នុងរាជធានីភ្នំពេញ ។ នេះបើតាមទីភ្នាក់ងារសារព័ត៌មានជាតិកម្ពុជា (AKP)។

អភិបាលរងរាជធានីភ្នំពេញលោក ឃួង ស្រេង បានបញ្ជាក់ថា ផ្លូវទាំង៥៧ខ្សែ ដែលរដ្ឋបាលរាជធានីភ្នំពេញគ្រោងស្ថាបនានៅក្នុងខណ្ឌចំនួន ៩ ដើម្បីរៀបចំប្រព័ន្ធផ្លូវនៅក្នុងទីក្រុងទាំងមូល ឲ្យភាពល្អប្រសើរឡើងវិញ។ លោក ឃួង ស្រេង ឲ្យដឹងថា គម្រោងស្ថាបនាផ្លូវខូចនេះ មានរយៈពេល៣ខែ ដែលនឹងបញ្ចប់ការស្ថាបនា នៅមុនថ្ងៃចូលឆ្នាំខ្មែរខាងមុខ៕