ជាតិ
សង្គមជាតិ
ករណីប៉ូលិសប៉ោយប៉ែត៖ សម្តេច ស ខេង ថា អយ្យការខេត្តបន្ទាយមានជ័យធ្វើការត្រឹមត្រូវ
×![]()
ដោយ: ថ្មីៗ
ភ្នំពេញ៖ សម្តេច ស ខេង រដ្ឋមន្ត្រីក្រសួងមហាផ្ទៃ បានបញ្ជាក់ថា ព្រះរាជអាជ្ញាអមអយ្យការសាលាដំបូងខេត្តបន្ទាយមានជ័យធ្វើការត្រឹមត្រូវ។ អយ្យការអមសាលាដំបូងខេត្តបន្ទាយមានជ័យ កាលថ្ងៃទី២៧ ខែធ្នូកន្លងទៅនេះបានចេញសេចក្តីថ្លែងការណ៍បញ្ជាក់ថា ប៉ូលិសប៉ោយប៉ែតឈ្មោះ ឈាន ពិសិដ្ឋ ពិតជាត្រូវឡានបុកមែន ។
សម្តេច ស ខេង បានបញ្ជាក់បន្ថែមមួយថ្ងៃក្រោយអយ្យការអមសាលាដំបូងខេត្តបន្ទាយមានជ័យចេញសេចក្តីថ្លែងការណ៍ពិនិត្យឃើញថា ករណីប៉ូលិសឈ្មោះ ឈាន ពិសិដ្ឋ មានមុខងារជានាយរងបុស្តិ៍ច្រកទ្វារព្រំដែនអន្តរជាតិប៉ោយប៉ែត ពិតជាត្រូវរថយន្តរបស់ ឈ្មោះឌិន ពុទ្ធី ជាប្រធានសមាគមន៍សេដ្ឋកិច្ចក្រៅប្រព័ន្ធ បុករហូតដល់សន្លប់ពិតមែន។
សម្តេច ស ខេង បានឆ្លៀតឱកាសថ្លែងក្នុងពិធីបិទសន្និបាតបូកសរុបលទ្ធការងារប្រចាំ២០១៦ និងលើកទិសដៅបន្តឆ្នាំ២០១៧ របស់សាលាខេត្តសៀមរាប បញ្ជាក់តបនឹងសំណើតំណាងរាស្ត្រគណបក្សសង្គ្រោះជាតិ លោក អេង ឆៃអ៊ាង ដែលស្នើឡើងកាលពីថ្ងៃទី២៦ ខែធ្នូ នាវិមានរដ្ឋសភា ឲ្យបើកការស៊ើបអង្កេតករណីប៉ូលិសជួបគ្រោះថ្នាក់ចរាចរណ៍ នៅប៉ោយប៉ែត ។
សម្តេចថ្លែងកាលថ្ងៃទី២៨ ខែធ្នូ ពីខេត្តសៀមរាបដូច្នេះថា៖«ខ្ញុំសូមបញ្ជាក់ថា អ្វីដែលព្រះរាជអាជ្ញាសាលាដំបូងខេត្តបន្ទាយមានជ័យ បានធ្វើនោះ គឺត្រឹមត្រូវហើយ។ វាមានព្រឹត្តិការណ៍នោះពិតមែន ប៉ុន្តែអ្នកនិយាយនោះ វារឿងនយោបាយ គណបក្សនយោបាយចេញមុខអន្តរាគមន៍»។
សំឡេងសម្តេច ស ខេង៖
មួយថ្ងៃក្រោយពីសម្ដេចឧបនាយករដ្ឋមន្ត្រី ស ខេង បញ្ជាក់ ក្រសួងមហាផ្ទៃបានចេញសេចក្ដីប្រកាសព័ត៌មាន ចុះថ្ងៃទី២៩ ធ្នូនេះ បន្ថែមថា ម្ចាស់រថយន្តឈ្មោះ ឌិន ពុទ្ធី មានចេតនាបើករថយន្តបុកលោក ឈាន ពិសិដ្ឋ មន្ត្រីប៉ូលីសនាយរងប៉ុស្តិ៍រៀបចំសណ្ដាប់ធ្នាប់នៅប៉ោយប៉ែត ។
ចំពោះករណីប៉ូលីសខាងលើនេះ កំពុងត្រូវមហាជនចាប់អារម្មណ៍យ៉ាងខ្លាំង។ មហាជនមួយចំនួន បានចំអក(Troll) តាមហ្វេសប៊ុក ដែលពួកគេចាត់ទុកករណីគ្រោះថ្នាក់ចរាចរណ៍នេះ គឺជាទង្វើសម្ដែងរបស់ប៉ូលីស ដើម្បីទម្លាក់កំហុសទៅលើម្ចាស់រថយន្ត។ ហើយខ្លះទៀត ក៏បានយកគ្រោះថ្នាក់ចរាចរណ៍នោះ មកធ្វើត្រាប់ចំអក ដោយសម្ដែងជាដើរប៉ះរថយន្ត ម៉ូតូ និងកង់ ដែលចតទុកចោលនៅស្ងៀម ហើយដួលសន្លប់ដូចករណីប៉ូលីសខាងលើនេះ។
ប៉ុន្តែក្រោយគ្រោះថ្នាក់ចរាចរណ៍នេះមន្ត្រីប៉ូលីសខាងលើ ក៏បានបញ្ជូនទៅមន្ទីពេទ្យ ដោយមានស្នាមជាំជាប់ភ្លៅ និងដាក់រណបបំពងករ ហើយក៏មានលិខិតបញ្ជាក់វេជ្ជបញ្ជាពីគ្រូពេទ្យផងដែរ។ តែយ៉ាងណាតំណាងរាស្ត្រគណបក្សសង្គ្រោះជាតិ លោក អេង ឆៃអ៊ាង បានបង្ហោះរូបភាពមន្ត្រីប៉ូលីសខាងលើ ដោយអមជាមួយសំណេរលើហ្វេសប៊ុកខ្លួនយ៉ាងដូច្នេះថា៖« រឿងបែបនេះ គេសម្តែងនៅលើឆាកនៃរោងល្ខោន គេមិនសម្តែងនៅផ្លូវថ្នល់ទេ»។
តែយ៉ាងណា តំណាងអយ្យការអមសាលាដំបូងខេត្តបន្ទាយមានជ័យ បានបើកការស៊ើបអង្កេតលើឈ្មោះ ឌិន ពុទ្ធិ ពីបទអំពើហិង្សាដោយចេតនាមានស្ថានទម្ងន់ទោស តាមមាត្រា២១៨នៃក្រមព្រហ្មទណ្ឌ និងបញ្ជូនទៅចៅក្រមស៊ើបសួរបន្តនីតិវិធីរួចហើយ៕
សម្តេច ស ខេង បានបញ្ជាក់បន្ថែមមួយថ្ងៃក្រោយអយ្យការអមសាលាដំបូងខេត្តបន្ទាយមានជ័យចេញសេចក្តីថ្លែងការណ៍ពិនិត្យឃើញថា ករណីប៉ូលិសឈ្មោះ ឈាន ពិសិដ្ឋ មានមុខងារជានាយរងបុស្តិ៍ច្រកទ្វារព្រំដែនអន្តរជាតិប៉ោយប៉ែត ពិតជាត្រូវរថយន្តរបស់ ឈ្មោះឌិន ពុទ្ធី ជាប្រធានសមាគមន៍សេដ្ឋកិច្ចក្រៅប្រព័ន្ធ បុករហូតដល់សន្លប់ពិតមែន។
សម្តេច ស ខេង បានឆ្លៀតឱកាសថ្លែងក្នុងពិធីបិទសន្និបាតបូកសរុបលទ្ធការងារប្រចាំ២០១៦ និងលើកទិសដៅបន្តឆ្នាំ២០១៧ របស់សាលាខេត្តសៀមរាប បញ្ជាក់តបនឹងសំណើតំណាងរាស្ត្រគណបក្សសង្គ្រោះជាតិ លោក អេង ឆៃអ៊ាង ដែលស្នើឡើងកាលពីថ្ងៃទី២៦ ខែធ្នូ នាវិមានរដ្ឋសភា ឲ្យបើកការស៊ើបអង្កេតករណីប៉ូលិសជួបគ្រោះថ្នាក់ចរាចរណ៍ នៅប៉ោយប៉ែត ។
សម្តេចថ្លែងកាលថ្ងៃទី២៨ ខែធ្នូ ពីខេត្តសៀមរាបដូច្នេះថា៖«ខ្ញុំសូមបញ្ជាក់ថា អ្វីដែលព្រះរាជអាជ្ញាសាលាដំបូងខេត្តបន្ទាយមានជ័យ បានធ្វើនោះ គឺត្រឹមត្រូវហើយ។ វាមានព្រឹត្តិការណ៍នោះពិតមែន ប៉ុន្តែអ្នកនិយាយនោះ វារឿងនយោបាយ គណបក្សនយោបាយចេញមុខអន្តរាគមន៍»។
សំឡេងសម្តេច ស ខេង៖
មួយថ្ងៃក្រោយពីសម្ដេចឧបនាយករដ្ឋមន្ត្រី ស ខេង បញ្ជាក់ ក្រសួងមហាផ្ទៃបានចេញសេចក្ដីប្រកាសព័ត៌មាន ចុះថ្ងៃទី២៩ ធ្នូនេះ បន្ថែមថា ម្ចាស់រថយន្តឈ្មោះ ឌិន ពុទ្ធី មានចេតនាបើករថយន្តបុកលោក ឈាន ពិសិដ្ឋ មន្ត្រីប៉ូលីសនាយរងប៉ុស្តិ៍រៀបចំសណ្ដាប់ធ្នាប់នៅប៉ោយប៉ែត ។
ចំពោះករណីប៉ូលីសខាងលើនេះ កំពុងត្រូវមហាជនចាប់អារម្មណ៍យ៉ាងខ្លាំង។ មហាជនមួយចំនួន បានចំអក(Troll) តាមហ្វេសប៊ុក ដែលពួកគេចាត់ទុកករណីគ្រោះថ្នាក់ចរាចរណ៍នេះ គឺជាទង្វើសម្ដែងរបស់ប៉ូលីស ដើម្បីទម្លាក់កំហុសទៅលើម្ចាស់រថយន្ត។ ហើយខ្លះទៀត ក៏បានយកគ្រោះថ្នាក់ចរាចរណ៍នោះ មកធ្វើត្រាប់ចំអក ដោយសម្ដែងជាដើរប៉ះរថយន្ត ម៉ូតូ និងកង់ ដែលចតទុកចោលនៅស្ងៀម ហើយដួលសន្លប់ដូចករណីប៉ូលីសខាងលើនេះ។
ប៉ុន្តែក្រោយគ្រោះថ្នាក់ចរាចរណ៍នេះមន្ត្រីប៉ូលីសខាងលើ ក៏បានបញ្ជូនទៅមន្ទីពេទ្យ ដោយមានស្នាមជាំជាប់ភ្លៅ និងដាក់រណបបំពងករ ហើយក៏មានលិខិតបញ្ជាក់វេជ្ជបញ្ជាពីគ្រូពេទ្យផងដែរ។ តែយ៉ាងណាតំណាងរាស្ត្រគណបក្សសង្គ្រោះជាតិ លោក អេង ឆៃអ៊ាង បានបង្ហោះរូបភាពមន្ត្រីប៉ូលីសខាងលើ ដោយអមជាមួយសំណេរលើហ្វេសប៊ុកខ្លួនយ៉ាងដូច្នេះថា៖« រឿងបែបនេះ គេសម្តែងនៅលើឆាកនៃរោងល្ខោន គេមិនសម្តែងនៅផ្លូវថ្នល់ទេ»។
តែយ៉ាងណា តំណាងអយ្យការអមសាលាដំបូងខេត្តបន្ទាយមានជ័យ បានបើកការស៊ើបអង្កេតលើឈ្មោះ ឌិន ពុទ្ធិ ពីបទអំពើហិង្សាដោយចេតនាមានស្ថានទម្ងន់ទោស តាមមាត្រា២១៨នៃក្រមព្រហ្មទណ្ឌ និងបញ្ជូនទៅចៅក្រមស៊ើបសួរបន្តនីតិវិធីរួចហើយ៕
© រក្សាសិទ្ធិដោយ thmeythmey.com
