អន្តរជាតិ
កាន់តំណែងថ្ងៃដំបូង លោក Guterres សន្យាប្រែក្លាយឆ្នាំ២០១៧ ជាឆ្នាំសម្រាប់សន្តិភាព
អគ្គលេខាធិការអង្គការសហប្រជាជាតិ លោក Antonio Guterres (រូបភាព UN)
×![]()
ដោយ: តន ចាន់រិទ្ធារ៉ា
អគ្គលេខាធិការអង្គការសហប្រជាជាតិ Antonio Guterres បានចូលកាន់តំណែងហើយនៅថ្ងៃទី១ ខែមករា ឆ្នាំ២០១៧ ។ លោក Guterres ស្នងតំណែងបន្តពីលោក បាន គីមូន ដែលត្រូវចប់អាណត្តិ ហើយលោកត្រូវដោះស្រាយបញ្ហាប្រឈមជាច្រើនដូចជាជម្លោះនៅស៊ីរី, ស៊ូដង់ខាងត្បូង និងកម្មវិធីនុយក្លេអ៊ែររបស់កូរ៉េខាងជើងជាដើម។ ប៉ុន្តែលោកសន្យាប្រែក្លាយឆ្នាំ២០១៧ ជាឆ្នាំសម្រាប់សន្តិភាព។
នៅថ្ងៃដំបូងក្នុងជាអគ្គលេខាធិការទី៩ របស់អង្គការសហប្រជាជាតិ លោក Antonio Guterres បានប្រកាសពីកាងារអាទិភាពរបស់លោក គឺធ្វើឲ្យឆ្នាំ២០១៧ ជាឆ្នាំសម្រាប់សន្តិភាព។ លោកបានស្នើទៅកាន់មនុស្សគ្រប់គ្នាចូលរួមជាមួយលោក ដោយទុកភាពខុសគ្នាដាក់មួយឡែកសិន ដើម្បីសម្រេចគោលដៅរួមគ្នាមួយនេះ។
នៅក្នុងសារអបអរឆ្នាំថ្មីនៅថ្ងៃទី១ ខែមករា អគ្គលេខាធិការអង្គការសហប្រជាជាតិថ្មីរូបនេះ និយាយថា៖ «សន្តិភាព ជាគោលដៅ និងជាអ្នកចង្អុលផ្លូវរបស់យើង។ ដូចនេះ យើងនាំគ្នាបង្កើតសន្តិភាពនៅថ្ងៃនេះ និងនៅរៀងរាល់ថ្ងៃ»។ ដោយលើកឡើងពីគុណវិបត្តិនៃសង្គ្រាម និងជម្លោះជុំវិញពិភពលោក លោក Guterres បានបន្តថា គ្មាននរណាឈ្នះឡើយ គឺគ្រប់គ្នាសុទ្ធតែចាញ់។
ស្របគ្នានឹងការសន្យានេះ ជម្លោះជាច្រើនកំពុងកើតឡើងនៅលើពិភពលោក។ លោក Guterres ដែលជាអតីតនាយករដ្ខមន្ត្រីព័រទុយហ្កាល់ដែរនេះ ត្រូវដោះស្រាយជាច្រើនដូចជា ជម្លោះបង្ហូរឈាមនៅស៊ីរី វិបត្តិនៅស៊ូដង់ខាងត្បូង ដែលកំពុងប៉ះពាល់ជីវិតប្រជាជនរាប់លាននាក់។ ម្យ៉ាងទៀត គម្រោងសាកល្បងនុយក្លេអ៊ែររបស់កូរ៉េខាងជើង និងជម្លោះនៅសមុទ្រចិនខាងត្បូង សុទ្ធតែជារឿងគំរាមសន្តិភាពពិភពលោកទាំងអស់។
ក្នុងសារដដែលខាងលើ លោក Guterres ដែលស្នងតំណែងពីលោក បាន គីមូន គូសបញ្ជាក់ថា ពួកយើងខិតខំដើម្បីភាពថ្លៃថ្នូរ ក្ដីសង្ឃឹម ការរីកចម្រើន និងសុខដុមរមនីយកម្មរបស់មនុស្សជាតិ។ ហើយដើម្បីសម្រេចបានគោលដៅទាំងអស់នេះ គឺពឹងផ្អែកលើសន្តិភាព ប៉ុន្តែសន្តិភាព គឺអាស្រ័យលើមនុស្សគ្រប់គ្នា។ ដូចនេះ មនុស្សទាំងអស់គ្នា ទាំងជនស៊ីវិល ទាំងមេដឹកនាំ ត្រូវជម្នះឧបសគ្គ ដើម្បីសម្រេចគោលដៅនេះ។
សូមរម្លឹកថា លោក Guterres ត្រូវបានមហាសន្និបាតអង្គការសហប្រជាជាតិ គាំទ្រជាឯកចន្ឆន្ទសម្រាប់តំណែងអគ្គលេខាធិការនៅថ្ងៃទី១៣ ខែតុលា ឆ្នាំ២០១៦ ។ អាណត្តិ៥ឆ្នាំរបស់លោក នឹងចាប់ផ្ដើមពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ២០២១ ។ មុនធ្វើជាប្រមុខអង្គការសហប្រជាជាតិ លោក Guterres ក៏ធ្លាប់ធ្វើជាឧត្តមស្នងការជនភៀសខ្លួនរយៈពេលមួយទសវត្សរ៍ដែរ ដែលធ្វើឲ្យគេសង្ឃឹមថា ក្រោមអាណត្តិដឹកនាំរបស់លោក បញ្ហាជនភៀសខ្លួន នឹងប្រសើរឡើងជាងស្ថានភាពនៅពេលនេះ៕
នៅថ្ងៃដំបូងក្នុងជាអគ្គលេខាធិការទី៩ របស់អង្គការសហប្រជាជាតិ លោក Antonio Guterres បានប្រកាសពីកាងារអាទិភាពរបស់លោក គឺធ្វើឲ្យឆ្នាំ២០១៧ ជាឆ្នាំសម្រាប់សន្តិភាព។ លោកបានស្នើទៅកាន់មនុស្សគ្រប់គ្នាចូលរួមជាមួយលោក ដោយទុកភាពខុសគ្នាដាក់មួយឡែកសិន ដើម្បីសម្រេចគោលដៅរួមគ្នាមួយនេះ។
នៅក្នុងសារអបអរឆ្នាំថ្មីនៅថ្ងៃទី១ ខែមករា អគ្គលេខាធិការអង្គការសហប្រជាជាតិថ្មីរូបនេះ និយាយថា៖ «សន្តិភាព ជាគោលដៅ និងជាអ្នកចង្អុលផ្លូវរបស់យើង។ ដូចនេះ យើងនាំគ្នាបង្កើតសន្តិភាពនៅថ្ងៃនេះ និងនៅរៀងរាល់ថ្ងៃ»។ ដោយលើកឡើងពីគុណវិបត្តិនៃសង្គ្រាម និងជម្លោះជុំវិញពិភពលោក លោក Guterres បានបន្តថា គ្មាននរណាឈ្នះឡើយ គឺគ្រប់គ្នាសុទ្ធតែចាញ់។
ស្របគ្នានឹងការសន្យានេះ ជម្លោះជាច្រើនកំពុងកើតឡើងនៅលើពិភពលោក។ លោក Guterres ដែលជាអតីតនាយករដ្ខមន្ត្រីព័រទុយហ្កាល់ដែរនេះ ត្រូវដោះស្រាយជាច្រើនដូចជា ជម្លោះបង្ហូរឈាមនៅស៊ីរី វិបត្តិនៅស៊ូដង់ខាងត្បូង ដែលកំពុងប៉ះពាល់ជីវិតប្រជាជនរាប់លាននាក់។ ម្យ៉ាងទៀត គម្រោងសាកល្បងនុយក្លេអ៊ែររបស់កូរ៉េខាងជើង និងជម្លោះនៅសមុទ្រចិនខាងត្បូង សុទ្ធតែជារឿងគំរាមសន្តិភាពពិភពលោកទាំងអស់។
ក្នុងសារដដែលខាងលើ លោក Guterres ដែលស្នងតំណែងពីលោក បាន គីមូន គូសបញ្ជាក់ថា ពួកយើងខិតខំដើម្បីភាពថ្លៃថ្នូរ ក្ដីសង្ឃឹម ការរីកចម្រើន និងសុខដុមរមនីយកម្មរបស់មនុស្សជាតិ។ ហើយដើម្បីសម្រេចបានគោលដៅទាំងអស់នេះ គឺពឹងផ្អែកលើសន្តិភាព ប៉ុន្តែសន្តិភាព គឺអាស្រ័យលើមនុស្សគ្រប់គ្នា។ ដូចនេះ មនុស្សទាំងអស់គ្នា ទាំងជនស៊ីវិល ទាំងមេដឹកនាំ ត្រូវជម្នះឧបសគ្គ ដើម្បីសម្រេចគោលដៅនេះ។
សូមរម្លឹកថា លោក Guterres ត្រូវបានមហាសន្និបាតអង្គការសហប្រជាជាតិ គាំទ្រជាឯកចន្ឆន្ទសម្រាប់តំណែងអគ្គលេខាធិការនៅថ្ងៃទី១៣ ខែតុលា ឆ្នាំ២០១៦ ។ អាណត្តិ៥ឆ្នាំរបស់លោក នឹងចាប់ផ្ដើមពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ២០២១ ។ មុនធ្វើជាប្រមុខអង្គការសហប្រជាជាតិ លោក Guterres ក៏ធ្លាប់ធ្វើជាឧត្តមស្នងការជនភៀសខ្លួនរយៈពេលមួយទសវត្សរ៍ដែរ ដែលធ្វើឲ្យគេសង្ឃឹមថា ក្រោមអាណត្តិដឹកនាំរបស់លោក បញ្ហាជនភៀសខ្លួន នឹងប្រសើរឡើងជាងស្ថានភាពនៅពេលនេះ៕
Tag:
UN
Antonio Guterres
© រក្សាសិទ្ធិដោយ thmeythmey.com
