អន្តរជាតិ
×![]()
ដោយ: ថ្មីៗ
មេដឹកនាំ de facto និងជាទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី បានផ្ញើសារវិជ្ជមានទៅកាន់ប្រជាជាតិមីយ៉ាន់ម៉ាសម្រាប់ឆ្នាំថ្មី ដោយលោកស្រី សន្យាថា នឹងកសាងសន្តិភាពរបស់ប្រទេសឲ្យយូរអង្វែងនៅក្នុងឆ្នាំ២០១៧។ មេដឹកនាំស្ត្រីទីមួយរបស់មីយ៉ាន់ម៉ារូបនេះ ក៏បានអំពាវនាវឲ្យប្រជាជាតិទាំងមូលចូលរួមផ្តល់ទំនុកចិត្ត និងសាមគ្គីដើម្បីកសាងសន្តិភាពរដ្ឋអាស៊ីអាគ្នេយ៍ដែលមិនធ្លាប់ស្គាល់ឡើយសន្តិភាពពេញលេញមួយនេះ។ 
ជារឿងដែលមិនអាចប្រកែកបាននោះទេថា ទោះក្រោយក្បាលម៉ាស៊ីនថ្មីដែលដឹកនាំដោយរដ្ឋាស៊ីវីលមីយ៉ាន់ម៉ាដែលមានលោកស្រី អ៊ុងសាន ស៊ូជីជាប្រមុខ មីយ៉ាន់ម៉ា មិនទាន់មានការផ្សះផ្សារជាតិ និងសន្តិសុខសង្គមនៅឡើយនោះទេ។ ក៏ប៉ុន្តែ នេះ ក៏មិនអាចបន្ទោសអតីតអ្នកទោសនយោបាយ និងម្ចាស់ពានរង្វាន់សន្តិភាពរូបនេះបានឡើយ ដ្បិត តាំងពីមីយ៉ាន់ម៉ា ទទួលបានឯករាជ្យមក ប្រទេសដែលមានជនជាតិចម្រុះជាតិសាសន៍ដ៏ច្រើនមួយនេះ មិនទាន់រកកិច្ចព្រមព្រៀងសន្តិភាពបទឈប់បាញ់រួមជាមួយនឹងឧទ្ទាមទាហានឯករាជ្យបាននោះទេ។
តែយ៉ាងក៏ដោយ តាមការសន្យារបស់ប្រមុខមីយ៉ាន់ម៉ា ឆ្នាំ២០១៧ អាចនឹងការផ្លាស់ប្តូរ ឬអាចជាឆ្នាំនៃភាពរុងរឿង និងសនិ្តភាព។ តាមរយៈសុន្ទរកថាក្នុងកម្មវិធីបើកមជ្ឈមណ្ឌល«ផ្សះផ្សារជាតិ និងសន្តិភាព»ក្នុងក្រុងណៃពិដោរ នៅថ្ងៃទី០១ មករា ២០១៧ លោកស្រី អ៊ុងសាន ស៊ូជី បានថ្លែងយ៉ាងដូច្នេះថា៖«យើង នឹងប្រឈមឧបសគ្គក្នុងការត្រួសត្រាយប្រទេសឲ្យស្ថិតនៅក្នុងមាគ៌ាដ៏ត្រឹមត្រូវទៅកាន់គោលដៅសន្តិភាពជាមួយនឹងការជ្រៀមជ្រែងរបស់ប្រជាជន និងមិត្តភក្តិរបស់យើងនៅក្នុងពិភពលោក ដែលមានឆន្ទៈពិតប្រាកដមកកាន់ប្រទេសយើង។ យើង នឹងស្វះស្វែងដើម្បីការផ្សះផ្សារជាតិ និងសន្តិភាពនៅក្នុងប្រទេស»។ នេះបើយោងតាមការដកស្រង់សម្តីរបស់ភា្នក់ងារព័ត៌មាន Xinhua។
លោកស្រី ស៊ូជី ដែលជាប្រមុខការទូតផងដែរនោះ ក៏បានលើកឡើងពីសារៈសំខាន់ក្នុងការសម្បទាន ជាជាងទាញយកផលប្រយោជន៍នៅក្នុងការប្រឹងប្រែង ដោយលោកស្រី សង្កត់ធ្ងន់ថា តម្រូវការចាំបាច់ក្នុងការកសាងទំនុកចិត្តដែលជាកត្តាដ៏សំខាន់ដើម្បីសម្រេចសន្តិភាពគឺភាពស្មោះត្រង់ និងការបើកចិត្តឲ្យទូលាយ។ លោកស្រី ពន្យល់ថា មីយ៉ាន់ម៉ា មិនទាន់សម្រេចបានសន្តិភាពនៅឡើយនោះទេក្នុងរយៈជិត៧ ទសវត្សរ៍ ក្រោយទទួលបានឯករាជ្យនោះ ដោយ លោកស្រី អះអាងថា ក៏ដោយសារតែ កំហឹង និងភាពលោភលន់។ លោកស្រី បានអំពាវនាវ ឲ្យប្រជាជនទាំងអស់ ចូលរួមគ្នាជាមួយនឹងភាពស្មោះត្រង់ឆ្ពោះទៅកាន់ ការផ្សះផ្សារជាតិ និងសន្តិភាពចាប់ពីថ្ងៃចូលឆ្នាំថ្មីតទៅ។
សូមរម្លឹកបន្តិចដែរថា រដ្ឋាភិបាលស៊ីវិលដែលដឹកនាំដោយបក្សកាន់អំណាចសម្ព័ន្ធជាតិដើម្បីប្រជាធិបតេយ្យរបស់លោកស្រី អ៊ុងសាន ស៊ូជី បានចាប់ផ្តើមកាន់ចង្កូតមីយ៉ាន់ម៉ាចាប់ពីខែមេសាឆ្នាំមុនកន្លងទៅ ក្រោយពីបក្សនេះ បានទទួលជ័យជម្នះប្រវត្តិសាស្ត្រលើការបោះឆ្នោតប្រជាធិបតេយ្យលើកដំបូងនៅចុងឆ្នាំ២០១៥។ ការដឹកនាំមីយ៉ាន់ម៉ា គឺជាលើកដំបូងហើយរបស់បក្សលោកស្រីស៊ូជី ហើយ វា ក៏ជាលើកដំបូងហើយដែលមីយ៉ាន់ម៉ា ត្រូវដឹកនាំដោយរដ្ឋាភិបាលស៊ីវិលក្នុងរយៈពេលជិតប្រាំមួយទសវត្សរ៍ចុងក្រោយ។
អ្វីគួរកត់សម្គាល់ ក្នុងយុទ្ធនាការបោះឆ្នោតនៅឆ្នាំ២០១៥ ប្រមុខបក្សកាន់អំណាចលោកស្រី អ៊ុងសាន ស៊ូជី បានសន្យាជាច្រើនចំណុចក្នុងពេលលោកស្រី កាន់អំណាច ដែលរួមទាំងការកែរដ្ឋធម្មនុញ្ញ លើកស្ទួយសេដ្ឋកិច្ច និងជាពិសេសនោះ ការផ្សះផ្សារជាតិ និងការកសាងសន្តិភាព។ តែជាលទ្ធផលជាក់ស្តែងនោះ លោកស្រីស៊ូជី ក៏ធា្លប់សារភាពដែរថា សេដ្ឋកិច្ចមិនទាន់មានការផ្លាស់ប្តូរកត់សម្គាល់នោះទេ។
ដោយឡែកសម្រាប់ បញ្ហាផ្សះផ្សារជាតិ និងកសាងសន្តិភាពក្នុងស្រុក គឺកាន់តែយ៉ាប់យ៉ឺនជាងសេដ្ឋកិច្ចទៅទៀត។ យ៉ាប់យ៉ឺននោះគឺ ការប៉ះទង្គិចប្រដាប់រវាងកងកម្លាំងរដ្ឋាភិបាល និងក្រុមឧទ្ទាមទាហានឯករាជ្យដែលចងសម្ព័ន្ធគ្នាជាច្រើនក្រុមនៅតែបន្តកើតមាន ដែលជាលទ្ធភាពនោះ ធ្វើឲ្យមានចលនាភៀសខ្លួនទៅកាន់ប្រទេសជិតខាងដូចជាចិនជាដើម។ មួយវិញទៀតនោះ បញ្ហាជម្លោះជាតិសាសន៍ជាមួយនឹងក្រុមជនជាតិភាគតិចឥស្លាមរ៉ូហ៊ីងយ៉ា ក៏នៅតែបន្តអូសបន្លាយ៕
ជារឿងដែលមិនអាចប្រកែកបាននោះទេថា ទោះក្រោយក្បាលម៉ាស៊ីនថ្មីដែលដឹកនាំដោយរដ្ឋាស៊ីវីលមីយ៉ាន់ម៉ាដែលមានលោកស្រី អ៊ុងសាន ស៊ូជីជាប្រមុខ មីយ៉ាន់ម៉ា មិនទាន់មានការផ្សះផ្សារជាតិ និងសន្តិសុខសង្គមនៅឡើយនោះទេ។ ក៏ប៉ុន្តែ នេះ ក៏មិនអាចបន្ទោសអតីតអ្នកទោសនយោបាយ និងម្ចាស់ពានរង្វាន់សន្តិភាពរូបនេះបានឡើយ ដ្បិត តាំងពីមីយ៉ាន់ម៉ា ទទួលបានឯករាជ្យមក ប្រទេសដែលមានជនជាតិចម្រុះជាតិសាសន៍ដ៏ច្រើនមួយនេះ មិនទាន់រកកិច្ចព្រមព្រៀងសន្តិភាពបទឈប់បាញ់រួមជាមួយនឹងឧទ្ទាមទាហានឯករាជ្យបាននោះទេ។
តែយ៉ាងក៏ដោយ តាមការសន្យារបស់ប្រមុខមីយ៉ាន់ម៉ា ឆ្នាំ២០១៧ អាចនឹងការផ្លាស់ប្តូរ ឬអាចជាឆ្នាំនៃភាពរុងរឿង និងសនិ្តភាព។ តាមរយៈសុន្ទរកថាក្នុងកម្មវិធីបើកមជ្ឈមណ្ឌល«ផ្សះផ្សារជាតិ និងសន្តិភាព»ក្នុងក្រុងណៃពិដោរ នៅថ្ងៃទី០១ មករា ២០១៧ លោកស្រី អ៊ុងសាន ស៊ូជី បានថ្លែងយ៉ាងដូច្នេះថា៖«យើង នឹងប្រឈមឧបសគ្គក្នុងការត្រួសត្រាយប្រទេសឲ្យស្ថិតនៅក្នុងមាគ៌ាដ៏ត្រឹមត្រូវទៅកាន់គោលដៅសន្តិភាពជាមួយនឹងការជ្រៀមជ្រែងរបស់ប្រជាជន និងមិត្តភក្តិរបស់យើងនៅក្នុងពិភពលោក ដែលមានឆន្ទៈពិតប្រាកដមកកាន់ប្រទេសយើង។ យើង នឹងស្វះស្វែងដើម្បីការផ្សះផ្សារជាតិ និងសន្តិភាពនៅក្នុងប្រទេស»។ នេះបើយោងតាមការដកស្រង់សម្តីរបស់ភា្នក់ងារព័ត៌មាន Xinhua។
លោកស្រី ស៊ូជី ដែលជាប្រមុខការទូតផងដែរនោះ ក៏បានលើកឡើងពីសារៈសំខាន់ក្នុងការសម្បទាន ជាជាងទាញយកផលប្រយោជន៍នៅក្នុងការប្រឹងប្រែង ដោយលោកស្រី សង្កត់ធ្ងន់ថា តម្រូវការចាំបាច់ក្នុងការកសាងទំនុកចិត្តដែលជាកត្តាដ៏សំខាន់ដើម្បីសម្រេចសន្តិភាពគឺភាពស្មោះត្រង់ និងការបើកចិត្តឲ្យទូលាយ។ លោកស្រី ពន្យល់ថា មីយ៉ាន់ម៉ា មិនទាន់សម្រេចបានសន្តិភាពនៅឡើយនោះទេក្នុងរយៈជិត៧ ទសវត្សរ៍ ក្រោយទទួលបានឯករាជ្យនោះ ដោយ លោកស្រី អះអាងថា ក៏ដោយសារតែ កំហឹង និងភាពលោភលន់។ លោកស្រី បានអំពាវនាវ ឲ្យប្រជាជនទាំងអស់ ចូលរួមគ្នាជាមួយនឹងភាពស្មោះត្រង់ឆ្ពោះទៅកាន់ ការផ្សះផ្សារជាតិ និងសន្តិភាពចាប់ពីថ្ងៃចូលឆ្នាំថ្មីតទៅ។
សូមរម្លឹកបន្តិចដែរថា រដ្ឋាភិបាលស៊ីវិលដែលដឹកនាំដោយបក្សកាន់អំណាចសម្ព័ន្ធជាតិដើម្បីប្រជាធិបតេយ្យរបស់លោកស្រី អ៊ុងសាន ស៊ូជី បានចាប់ផ្តើមកាន់ចង្កូតមីយ៉ាន់ម៉ាចាប់ពីខែមេសាឆ្នាំមុនកន្លងទៅ ក្រោយពីបក្សនេះ បានទទួលជ័យជម្នះប្រវត្តិសាស្ត្រលើការបោះឆ្នោតប្រជាធិបតេយ្យលើកដំបូងនៅចុងឆ្នាំ២០១៥។ ការដឹកនាំមីយ៉ាន់ម៉ា គឺជាលើកដំបូងហើយរបស់បក្សលោកស្រីស៊ូជី ហើយ វា ក៏ជាលើកដំបូងហើយដែលមីយ៉ាន់ម៉ា ត្រូវដឹកនាំដោយរដ្ឋាភិបាលស៊ីវិលក្នុងរយៈពេលជិតប្រាំមួយទសវត្សរ៍ចុងក្រោយ។
អ្វីគួរកត់សម្គាល់ ក្នុងយុទ្ធនាការបោះឆ្នោតនៅឆ្នាំ២០១៥ ប្រមុខបក្សកាន់អំណាចលោកស្រី អ៊ុងសាន ស៊ូជី បានសន្យាជាច្រើនចំណុចក្នុងពេលលោកស្រី កាន់អំណាច ដែលរួមទាំងការកែរដ្ឋធម្មនុញ្ញ លើកស្ទួយសេដ្ឋកិច្ច និងជាពិសេសនោះ ការផ្សះផ្សារជាតិ និងការកសាងសន្តិភាព។ តែជាលទ្ធផលជាក់ស្តែងនោះ លោកស្រីស៊ូជី ក៏ធា្លប់សារភាពដែរថា សេដ្ឋកិច្ចមិនទាន់មានការផ្លាស់ប្តូរកត់សម្គាល់នោះទេ។
ដោយឡែកសម្រាប់ បញ្ហាផ្សះផ្សារជាតិ និងកសាងសន្តិភាពក្នុងស្រុក គឺកាន់តែយ៉ាប់យ៉ឺនជាងសេដ្ឋកិច្ចទៅទៀត។ យ៉ាប់យ៉ឺននោះគឺ ការប៉ះទង្គិចប្រដាប់រវាងកងកម្លាំងរដ្ឋាភិបាល និងក្រុមឧទ្ទាមទាហានឯករាជ្យដែលចងសម្ព័ន្ធគ្នាជាច្រើនក្រុមនៅតែបន្តកើតមាន ដែលជាលទ្ធភាពនោះ ធ្វើឲ្យមានចលនាភៀសខ្លួនទៅកាន់ប្រទេសជិតខាងដូចជាចិនជាដើម។ មួយវិញទៀតនោះ បញ្ហាជម្លោះជាតិសាសន៍ជាមួយនឹងក្រុមជនជាតិភាគតិចឥស្លាមរ៉ូហ៊ីងយ៉ា ក៏នៅតែបន្តអូសបន្លាយ៕
Tag:
មីយ៉ាន់ម៉ា
អាស៊ាន
© រក្សាសិទ្ធិដោយ thmeythmey.com
