អន្តរជាតិ
ភ្ញៀវទេសចរជនជាតិបារាំងម្នាក់ ត្រូវក្រពើខាំជើង ខណៈព្យាយាមថតរូប Selfie នៅឧទ្យានជាតិថៃ
ប្រភពរូបភាព៖ Bangkok Post
×![]()
ដោយ: ថ្មីៗ
ស្ត្រីជាភ្ញៀវទេសចរសញ្ជាតិបារាំងម្នាក់ ត្រូវបានក្រពើមួយក្បាលខាំជើងនៅក្នុងឧទ្យានជាតិថៃ ខណៈពេលដែលលោកស្រី បានព្យាយាមក្បែរក្រពើនោះក្នុងគោលដៅដើម្បីថតរូបភាព Selfie។ 
បើតាមការបញ្ជាក់របស់មន្ត្រីឧទ្យានជាតិថៃជាមួយនឹងភ្នាក់ងារព័ត៌មាន AFP ដែលសុំមិនបញ្ចេញឈ្មោះនោះ ឧប្បទ្ទវហេតុ បានឡើងនៅល្ងាចថ្ងៃទី០១ ខែមករា ម្សិលមិញ នៅក្នុងឧទ្យាន Khao Yai ដែលជាឧទ្យានជាតិមួយដ៏ពេញនិយមសម្រាប់ភ្ញៀវទេសចរដែលចូលចិត្តដើរតាមព្រៃ និងមើលទឹកជ្រោះនោះ។ មន្ត្រីរូបនោះ សង្កត់ធ្ងន់ថា៖«ភ្ញៀវទេសចរ ចង់ថតរូប Selfie ជាមួយនឹងក្រពើ ដែលកំពុងតែដេកនៅមាត់ទឹក»។ នេះបើយោងតាមការចុះផ្សាយរបស់សារព័ត៌មានថៃ The Nation។
បើតាមសារព័ត៌មានថៃ Bangkok Post វិញ ស្ត្រីដែលជាជនរងគ្រោះនោះ មានឈ្មោះថា Benetulier ហើយពេលកើតហេតុនោះ ស្រី្តរូបនោះ បាននៅជាមួយនឹងប្តីរបស់លោកស្រី នៅតំបន់ក្បែរទឹកជ្រោះ។ ហើយភ្លាមៗនោះ លោកស្រី ក៏បានព្យាយាមទៅក្បែរក្រពើ និងអង្គុយចុះដើម្បីសុំឲ្យប្តីរបស់លោកស្រី ថតរូប Selfie ។ ចុងក្រោយ ក្រពើ ក៏បានខាំជើងរបស់លោកស្រី ដោយបង្កជារបួសធ្ងន់ធ្ងរផងដែរ។
តាមប្រភពព័ត៌មានដដែលនោះ ដោយមិនបន្ទោសទាំងអ្នកថែឧទ្យាន និងភ្ញៀវទេសចរនោះ មន្ត្រីឧទ្យាន ក៏បានឲ្យដឹងដែរថា ផ្លាកសញ្ញា ពាក់ព័ន្ធនឹងការហាមឃាត់ និងប្រុងប្រយ័ត្នក៏មាននៅក្បែរកន្លែងកើតហេតុផងដែរ៕
Tag:
ថៃ
អាស៊ាន
© រក្សាសិទ្ធិដោយ thmeythmey.com
