អន្តរជាតិ
បុគ្គលិកក្រុមហ៊ុននៅបារាំង មានសិទ្ធិមិនឆ្លើយតបអ៊ីម៉ែលនៅថ្ងៃឈប់សម្រាក
×![]()
ដោយ: ធីតា
បារាំង បានក្លាយជាប្រទេសទីមួយដែលអនុម័តច្បាប់ស្តីពី «សិទ្ធិក្នុងការផ្តាច់ទំនាក់ទំនង» (Droit à la Déconnexion) នៅក្រៅម៉ោងធ្វើការ។ សិទ្ធិដែលមានចែងក្នុងច្បាប់ការងារនេះ ត្រូវបានអនុម័តជាផ្លូវការកាលពីថ្ងៃទី១ ខែមករា ឆ្នាំ២០១៧ ។
សម្រាប់នយោជិតបារាំង ការបដិសេធឆ្លើយតប អ៊ីម៉ែល ឬមធ្យោបាយទំនាក់ទំនងអេឡិចត្រូនិចនានា ក្នុងក្របខណ្ឌក្រុមហ៊ុន ខណៈពួកគេស្ថិតក្នុងថ្ងៃឈប់សម្រាក ដោយគិតទាំងពេលវិស្សមកាល និងពេលវេលាក្រៅម៉ោងធ្វើការផ្សេងៗ បានក្លាយជាសិទ្ធិស្របច្បាប់ពេញលេញរបស់ពួកគេហើយ។ នេះបើយោងតាមមាត្រា៥៥នៃច្បាប់ការងារ ដែលទើបត្រូវបានអនុម័តកាលពីថ្ងៃទី១ ខែមករា ឆ្នាំ២០១៧ ។
លោកស្រី Myriam El Khomri រដ្ឋមន្ត្រីក្រសួងការងារបារាំង ដែលជាអ្នកផ្តួចផ្តើមច្បាប់ថ្មីនេះ បានគូសបញ្ជាក់កន្លងមកថា ព្រំដែនរវាងជីវិតការងារ និងឯកជន មានការច្របូកច្របល់យ៉ាងខ្លាំង ដោយនយោជិត ហាក់មានការភ្ជាប់ទំនាក់ទំនងកាន់តែច្រើនឡើងៗក្នុងក្របខណ្ឌការងារក្រុមហ៊ុន បើទោះបីជាពួកគេឈប់សម្រាកក៏ដោយ។ ដូច្នេះច្បាប់ថ្មីនេះ ត្រូវបានតាក់តែងឡើងដើម្បីបង្ហាញការគោរពសិទ្ធិឈប់សម្រាករបស់បុគ្គលិក ជាពិសេសជីវិតឯកជន និងគ្រួសារ។
យោងតាមការផ្សាយរបស់សារព័ត៌មាន RTBF ការសិក្សាមួយកាលពីខែតុលា បង្ហាញថា និយោជិតបារាំងជាង៦០ភាគរយ ត្រូវបានទាក់ទងតាមអ៊ីម៉ែល និងមធ្យោបាយអេឡិចត្រូនិចផ្សេងៗ ក្នុងក្របខណ្ឌការងារ នៅពេលដែលពួកគេឈប់សម្រាក។ «សិទ្ធិក្នុងការផ្តាច់ទំនាក់ទំនង» នេះ សំដៅជាពិសេសសម្រាប់ក្រុមហ៊ុនដែលមានបុគ្គលិកចាប់ពី៥០នាក់ឡើងទៅ។
ទោះបីជាយ៉ាងណាក៏ដោយ ច្បាប់នេះ មិនបានចែងពីការបង្ខំ និងការដាក់ទោសទណ្ឌអ្វីនោះឡើយ ដោយរដ្ឋាភិបាលបារាំង ចង់ឲ្យភាគីក្រុមហ៊ុន និងបុគ្គលិក ចេះពិភាក្សាគ្នាលើលក្ខខណ្ឌទាក់ទងនឹងសិទ្ធិឈប់សម្រាក ជាពិសេសក្រុមហ៊ុនដែលមានបុគ្គលិកចាប់ពី៥០នាក់ឡើងទៅ ដោយការឈប់សម្រាកបុគ្គលិកណាម្នាក់ នឹងមិនមានផលប៉ះពាល់ដល់សង្វាក់ការងាររបស់ក្រុមហ៊ុននោះឡើយ៕
សម្រាប់នយោជិតបារាំង ការបដិសេធឆ្លើយតប អ៊ីម៉ែល ឬមធ្យោបាយទំនាក់ទំនងអេឡិចត្រូនិចនានា ក្នុងក្របខណ្ឌក្រុមហ៊ុន ខណៈពួកគេស្ថិតក្នុងថ្ងៃឈប់សម្រាក ដោយគិតទាំងពេលវិស្សមកាល និងពេលវេលាក្រៅម៉ោងធ្វើការផ្សេងៗ បានក្លាយជាសិទ្ធិស្របច្បាប់ពេញលេញរបស់ពួកគេហើយ។ នេះបើយោងតាមមាត្រា៥៥នៃច្បាប់ការងារ ដែលទើបត្រូវបានអនុម័តកាលពីថ្ងៃទី១ ខែមករា ឆ្នាំ២០១៧ ។
លោកស្រី Myriam El Khomri រដ្ឋមន្ត្រីក្រសួងការងារបារាំង ដែលជាអ្នកផ្តួចផ្តើមច្បាប់ថ្មីនេះ បានគូសបញ្ជាក់កន្លងមកថា ព្រំដែនរវាងជីវិតការងារ និងឯកជន មានការច្របូកច្របល់យ៉ាងខ្លាំង ដោយនយោជិត ហាក់មានការភ្ជាប់ទំនាក់ទំនងកាន់តែច្រើនឡើងៗក្នុងក្របខណ្ឌការងារក្រុមហ៊ុន បើទោះបីជាពួកគេឈប់សម្រាកក៏ដោយ។ ដូច្នេះច្បាប់ថ្មីនេះ ត្រូវបានតាក់តែងឡើងដើម្បីបង្ហាញការគោរពសិទ្ធិឈប់សម្រាករបស់បុគ្គលិក ជាពិសេសជីវិតឯកជន និងគ្រួសារ។
យោងតាមការផ្សាយរបស់សារព័ត៌មាន RTBF ការសិក្សាមួយកាលពីខែតុលា បង្ហាញថា និយោជិតបារាំងជាង៦០ភាគរយ ត្រូវបានទាក់ទងតាមអ៊ីម៉ែល និងមធ្យោបាយអេឡិចត្រូនិចផ្សេងៗ ក្នុងក្របខណ្ឌការងារ នៅពេលដែលពួកគេឈប់សម្រាក។ «សិទ្ធិក្នុងការផ្តាច់ទំនាក់ទំនង» នេះ សំដៅជាពិសេសសម្រាប់ក្រុមហ៊ុនដែលមានបុគ្គលិកចាប់ពី៥០នាក់ឡើងទៅ។
ទោះបីជាយ៉ាងណាក៏ដោយ ច្បាប់នេះ មិនបានចែងពីការបង្ខំ និងការដាក់ទោសទណ្ឌអ្វីនោះឡើយ ដោយរដ្ឋាភិបាលបារាំង ចង់ឲ្យភាគីក្រុមហ៊ុន និងបុគ្គលិក ចេះពិភាក្សាគ្នាលើលក្ខខណ្ឌទាក់ទងនឹងសិទ្ធិឈប់សម្រាក ជាពិសេសក្រុមហ៊ុនដែលមានបុគ្គលិកចាប់ពី៥០នាក់ឡើងទៅ ដោយការឈប់សម្រាកបុគ្គលិកណាម្នាក់ នឹងមិនមានផលប៉ះពាល់ដល់សង្វាក់ការងាររបស់ក្រុមហ៊ុននោះឡើយ៕
Tag:
បារាំង
ច្បាប់ការងារ
វិស្សមកាល
© រក្សាសិទ្ធិដោយ thmeythmey.com
