អន្តរជាតិ
លោក Duterte សារភាពថា «បងប្អូនជីដូនមួយ» លោក ក៏ពាក់ព័ន្ធជាមួយនឹងក្រុមជ្រុលនិយម ISIS ដែរ
×![]()
ដោយ: ថ្មីៗ
ទោះការរឹតបន្តឹងសន្តិសុខក្នុងស្រុក បានក្លាយជាកិច្ចការអាទិភាពមួយរបស់ប្រធានាធិបតីហ្វីលីពីន រ៉ូឌ្រីហ្គូ ឌើទើតេក៏ដោយ ការគំរាមកំហែង និងឧប្បទ្ទវហេតុដែលបង្កដោយក្រុមជ្រុលនិយមរដ្ឋឥស្លាមដែលមានបណ្តាញនៅហ្វីលីពីននៅតែបន្តកើតមាន។ ជាមួយនឹងការប្តេជាចិត្តដើម្បីដោះស្រាយ និងប្រឆាំងការពារនឹងការគំរាមកំហែងនេះ លោកប្រធានាធិបតី ក៏បានសារភាពដែលថា លោក ក៏មានសាច់ញាតិពាក់ព័ន្ធនឹងក្រុមជ្រុលនិយមដែរ។
លោកប្រធានាធិបតី រ៉ូឌ្រីហ្គូ ឌើទើតេ បានអះអាងក្នុងកិច្ចសម្ភាសន៍ជាមួយនឹងសារព័ត៌មានក្នុងស្រុក Rappler ថាក្រុមនិយមរដ្ឋឥស្លាម(ISIS) មាននៅគ្រប់ទិសទី ដែលរាប់បញ្ចូលទាំងនៅក្នុងប្រទេសហ្វីលីពីនផងដែរ។ តែយ៉ាងណាក៏ដោយ លោក បន្ថែមថា លោក មិនទាន់អាចផ្សព្វផ្សាយព័ត៌មានលើបញ្ហានេះបាននៅឡើយនោះទេ ដោយលោក គ្រាន់តែអាចនិយាយថា លោក បានពិភាក្សាជាមួយនឹងប្រមុខការពារ និងណែនាំឲ្យមន្ត្រីសន្តិសុខ រឹតបន្តឹងសមត្ថភាពរបស់ខ្លួនឲ្យកាន់តែខ្លាំង។
អ្វីគួរឲ្យកត់សម្គាល់នោះ ជាប្រធានាធិបតីហ្វីលីពីនទីមួយដែលសារភាពថាបណ្តាញក្រុមជ្រុលនិយមពិតជាមាននៅហ្វីលីពីន លោក ឌើទើតេ ថែមទាំងហ៊ា់ននិយាយត្រង់ៗថា សាច់ញាតិរបស់លោក ក៏មានជាប់ពាក់ព័ន្ធនឹងបណ្តាញជ្រុលនិយមនោះដែរ។ លោក បាននិយាយយ៉ាងដូច្នេះថា៖« និយាយឲ្យត្រង់ចុះ ខ្ញុំ មានបងប្អូនជីដូនមួយដែលជាសមាជិករបស់ក្រុមឧទ្ទាមទាហានឯករាជ្យរណសិរ្សរំដោះឥស្លាមម៉ូរ៉ូ(MISF) និងក្រុមរណសិរ្សរំដោះជាតិម៉ូរ៉ូ(MNLF)។ ខ្ញុំលឺថា អ្នកខ្លះ ក៏នៅជាមួយនឹងក្រុម ISIS ដែរ»។
ឆ្លៀតឱកាសនោះ លោកប្រធានាធិបតី ក៏បានផ្ញើសារព្រមានផង និងសុំទោសផងចំពោះលទ្ធភាពនៃការប្រឈមមុខខាងមុខ ដោយបានលោក និយាយថា៖«អ្នក គឺជាអ្នក ហើយខ្ញុំ គឺជាខ្ញុំ។ ប្រសិនបើយើងជួបគ្នា នៅម្ខាងម្នាក់ យើង ដឹងហើយថានឹងត្រូវធ្វើបែបនោះ»។
សូមជម្រាបផងដែរថា ហ្វីលីពីន គឺជាប្រទេសអាស៊ីអាគ្នេយ៍មួយ ដែលមានភូមិសាស្ត្រស្មុគស្មាញ ដ្បិត មានប្រជុំកោះជាច្រើន ហើយ ក៏មានក្រុមឧទ្ទាមប្រដាប់អាវុធជាច្រើនផងដែរ។ ជាពិសេសនោះ ក្រុមឧទ្ទាមឥស្លាម Abu Sayyaf ដែលជាឧទ្ទាមដ៏មានឥទ្ធិពលនៅហ្វីលីពីន ដែលកន្លងមកបានធ្វើសកម្មភាពគំរាមកំហែងសន្តិសុខ និងសុវត្ថិភាពក្នុងស្រុក។ ហើយជាងនេះទៅទៀតនោះ ក្រុមឧទ្ទាមនេះ ក៏ធ្លាប់បានប្រកាសគាំទ្រសកម្មភាពរបស់ក្រុមឧទ្ទាមជ្រុលនិយម ISIS ផងដែរ៕
លោកប្រធានាធិបតី រ៉ូឌ្រីហ្គូ ឌើទើតេ បានអះអាងក្នុងកិច្ចសម្ភាសន៍ជាមួយនឹងសារព័ត៌មានក្នុងស្រុក Rappler ថាក្រុមនិយមរដ្ឋឥស្លាម(ISIS) មាននៅគ្រប់ទិសទី ដែលរាប់បញ្ចូលទាំងនៅក្នុងប្រទេសហ្វីលីពីនផងដែរ។ តែយ៉ាងណាក៏ដោយ លោក បន្ថែមថា លោក មិនទាន់អាចផ្សព្វផ្សាយព័ត៌មានលើបញ្ហានេះបាននៅឡើយនោះទេ ដោយលោក គ្រាន់តែអាចនិយាយថា លោក បានពិភាក្សាជាមួយនឹងប្រមុខការពារ និងណែនាំឲ្យមន្ត្រីសន្តិសុខ រឹតបន្តឹងសមត្ថភាពរបស់ខ្លួនឲ្យកាន់តែខ្លាំង។
អ្វីគួរឲ្យកត់សម្គាល់នោះ ជាប្រធានាធិបតីហ្វីលីពីនទីមួយដែលសារភាពថាបណ្តាញក្រុមជ្រុលនិយមពិតជាមាននៅហ្វីលីពីន លោក ឌើទើតេ ថែមទាំងហ៊ា់ននិយាយត្រង់ៗថា សាច់ញាតិរបស់លោក ក៏មានជាប់ពាក់ព័ន្ធនឹងបណ្តាញជ្រុលនិយមនោះដែរ។ លោក បាននិយាយយ៉ាងដូច្នេះថា៖« និយាយឲ្យត្រង់ចុះ ខ្ញុំ មានបងប្អូនជីដូនមួយដែលជាសមាជិករបស់ក្រុមឧទ្ទាមទាហានឯករាជ្យរណសិរ្សរំដោះឥស្លាមម៉ូរ៉ូ(MISF) និងក្រុមរណសិរ្សរំដោះជាតិម៉ូរ៉ូ(MNLF)។ ខ្ញុំលឺថា អ្នកខ្លះ ក៏នៅជាមួយនឹងក្រុម ISIS ដែរ»។
ឆ្លៀតឱកាសនោះ លោកប្រធានាធិបតី ក៏បានផ្ញើសារព្រមានផង និងសុំទោសផងចំពោះលទ្ធភាពនៃការប្រឈមមុខខាងមុខ ដោយបានលោក និយាយថា៖«អ្នក គឺជាអ្នក ហើយខ្ញុំ គឺជាខ្ញុំ។ ប្រសិនបើយើងជួបគ្នា នៅម្ខាងម្នាក់ យើង ដឹងហើយថានឹងត្រូវធ្វើបែបនោះ»។
សូមជម្រាបផងដែរថា ហ្វីលីពីន គឺជាប្រទេសអាស៊ីអាគ្នេយ៍មួយ ដែលមានភូមិសាស្ត្រស្មុគស្មាញ ដ្បិត មានប្រជុំកោះជាច្រើន ហើយ ក៏មានក្រុមឧទ្ទាមប្រដាប់អាវុធជាច្រើនផងដែរ។ ជាពិសេសនោះ ក្រុមឧទ្ទាមឥស្លាម Abu Sayyaf ដែលជាឧទ្ទាមដ៏មានឥទ្ធិពលនៅហ្វីលីពីន ដែលកន្លងមកបានធ្វើសកម្មភាពគំរាមកំហែងសន្តិសុខ និងសុវត្ថិភាពក្នុងស្រុក។ ហើយជាងនេះទៅទៀតនោះ ក្រុមឧទ្ទាមនេះ ក៏ធ្លាប់បានប្រកាសគាំទ្រសកម្មភាពរបស់ក្រុមឧទ្ទាមជ្រុលនិយម ISIS ផងដែរ៕
Tag:
ហ្វីលីពីន
ISIS
អាស៊ាន
© រក្សាសិទ្ធិដោយ thmeythmey.com
