កីឡាជាតិ
ជាតិ
ក្រុម All Star តារានឹងជួបប្រកួតជាមួយក្រុម All Star ជម្រើសជាតិនាថ្ងៃទី២៦ មករា
×![]()
ក្រុមបាល់ទាត់ All Star តារា នឹងជួបប្រកួតជាមួយក្រុម All Star ជម្រើសជាតិ ដើម្បីប្រមូលនិធិជួយមន្ទីរពេទ្យគន្ធបុប្ផា នាថ្ងៃទី២៦ ខែមករា នៅពហុកីឡដ្ឋានជាតិ។ ការប្រកួតនេះធ្វើឡើងក្នុងថ្ងៃប្រកួតផ្តាច់ព្រ័ត្រនៃពានរង្វាន់ Soccer League ប្រចាំឆ្នាំ២០១៦ ដែលរៀបចំដោយសហភាពសហព័ន្ធយុវជនកម្ពុជា។
នៅពហុកីឡដ្ឋានជាតិនាថ្ងៃទី២៦ ខែមករា ខាងមុខនេះ នឹងមានការប្រកួតបាល់ទាត់មួយដ៏ប្លែក និងអស្ចារ្យដែលមិនធ្លាប់មាននៅកម្ពុជា គឺរវាងក្រុម All Star តារា និងក្រុម All Star ជម្រើសជាតិ។ ការប្រកួតនេះដោយមានការចូលរួមពីតារាល្បីៗរបស់កម្ពុជាដូចជានាយពែកមី, នាយគ្រឿន, នាយក្រឹម និងតារាបាល់ទាត់ល្បីៗដូចជា ប្រាក់ មុន្នីឧត្តម, ឈិន ឈឿន, ស៊ូ យ៉ាទី ព្រមទាំងតារាសម្តែង និងតារាបាល់ទាត់ជាច្រើនរូបទៀត។
ការប្រកួតក្រោមការផ្តួចផ្តើមរបស់សហភាពសហព័ន្ធយុវជនកម្ពុជាមួយនេះ រៀបចំឡើងក្នុងគោលបំណង ដើម្បីប្រមូលមូលនិធិដែលបានមកពីការលក់សំបុត្រ ដើម្បីជួយដល់មន្ទីរពេទ្យគន្ធបុប្ផាដែលកំពុងជួបការលំបាក។ ក្នុងន័យនេះការចូលរួមទស្សនារបស់ទស្សនិកជនមានន័យថា បានចូលរួមចំណែកជួយស្រោចស្រង់អាយុជីវិតកុមារក្រីក្រកម្ពុជារាប់ម៉ឺននាក់ដែលកំពុងដេកសម្រាកព្យាបាលនៅទីនោះ។ សំបុត្រចូលរួមទស្សនាមានពីរប្រភេទក្នុងនោះតម្លៃ២ពាន់រៀលសម្រាប់កន្លែងអត់ដំបូល និងតម្លៃ៤ពាន់រៀលសម្រាប់កន្លែងមានដំបូល។
ការប្រកួតនេះមិនត្រឹមតែជួយស្វែងរកជំនួយមនុស្សធម៌ប៉ុណ្ណោះទេ ប៉ុន្តែវាក៏ជាការប្រកួតមួយដើម្បីជួយអបអរព្រឹត្តិការណ៍ Soccer League ដែលរៀបចំដោយសហភាពសហព័ន្ធយុវជនកម្ពុជាផងដែរ។ ព្រោះនៅល្ងាចថ្ងៃទី២៦ ខែមករា នោះគឺជាថ្ងៃប្រកួតវគ្គផ្តាច់ព្រ័ត្រដណ្តើមពានរង្វាន់ Soccer League ប្រចាំឆ្នាំ២០១៦។
គួរបញ្ជាក់ថា សម្រាប់ពានរង្វាន់ Soccer League ប្រចាំឆ្នាំ២០១៦ បានឈានដល់វគ្គពាក់កណ្តាលផ្តាច់ព្រ័ត្រ ដោយ នារសៀលថ្ងៃទី២២ ខែមករា នៅពហុកីឡដ្ឋានជាតិ ក្រុមការពារតំណែងជើងឯកអាណាចក្របៃតង ត្រូវជួប្រកួតជាមួយក្រុមសាលាខណ្ឌពោធិ៍សែនជ័យ ខណៈក្រុមស.ស.យ.កស្រុកកំចាយមារត្រូវជួបប្រកួតជាមួយក្រុមឆន្ទៈកីឡានាថ្ងៃទី២៣ ខែមករា។ ក្រុមដែលឈ្នះនៅក្នុងការប្រកួតនីមួយៗនឹងឡើងទៅប្រកួតនៅវគ្គផ្តាច់ព្រ័ត្រនាល្ងាចថ្ងៃទី២៦ ខែមករា នៅពហុកីឡដ្ឋានជាតិ៕
នៅពហុកីឡដ្ឋានជាតិនាថ្ងៃទី២៦ ខែមករា ខាងមុខនេះ នឹងមានការប្រកួតបាល់ទាត់មួយដ៏ប្លែក និងអស្ចារ្យដែលមិនធ្លាប់មាននៅកម្ពុជា គឺរវាងក្រុម All Star តារា និងក្រុម All Star ជម្រើសជាតិ។ ការប្រកួតនេះដោយមានការចូលរួមពីតារាល្បីៗរបស់កម្ពុជាដូចជានាយពែកមី, នាយគ្រឿន, នាយក្រឹម និងតារាបាល់ទាត់ល្បីៗដូចជា ប្រាក់ មុន្នីឧត្តម, ឈិន ឈឿន, ស៊ូ យ៉ាទី ព្រមទាំងតារាសម្តែង និងតារាបាល់ទាត់ជាច្រើនរូបទៀត។
ការប្រកួតក្រោមការផ្តួចផ្តើមរបស់សហភាពសហព័ន្ធយុវជនកម្ពុជាមួយនេះ រៀបចំឡើងក្នុងគោលបំណង ដើម្បីប្រមូលមូលនិធិដែលបានមកពីការលក់សំបុត្រ ដើម្បីជួយដល់មន្ទីរពេទ្យគន្ធបុប្ផាដែលកំពុងជួបការលំបាក។ ក្នុងន័យនេះការចូលរួមទស្សនារបស់ទស្សនិកជនមានន័យថា បានចូលរួមចំណែកជួយស្រោចស្រង់អាយុជីវិតកុមារក្រីក្រកម្ពុជារាប់ម៉ឺននាក់ដែលកំពុងដេកសម្រាកព្យាបាលនៅទីនោះ។ សំបុត្រចូលរួមទស្សនាមានពីរប្រភេទក្នុងនោះតម្លៃ២ពាន់រៀលសម្រាប់កន្លែងអត់ដំបូល និងតម្លៃ៤ពាន់រៀលសម្រាប់កន្លែងមានដំបូល។
ការប្រកួតនេះមិនត្រឹមតែជួយស្វែងរកជំនួយមនុស្សធម៌ប៉ុណ្ណោះទេ ប៉ុន្តែវាក៏ជាការប្រកួតមួយដើម្បីជួយអបអរព្រឹត្តិការណ៍ Soccer League ដែលរៀបចំដោយសហភាពសហព័ន្ធយុវជនកម្ពុជាផងដែរ។ ព្រោះនៅល្ងាចថ្ងៃទី២៦ ខែមករា នោះគឺជាថ្ងៃប្រកួតវគ្គផ្តាច់ព្រ័ត្រដណ្តើមពានរង្វាន់ Soccer League ប្រចាំឆ្នាំ២០១៦។
គួរបញ្ជាក់ថា សម្រាប់ពានរង្វាន់ Soccer League ប្រចាំឆ្នាំ២០១៦ បានឈានដល់វគ្គពាក់កណ្តាលផ្តាច់ព្រ័ត្រ ដោយ នារសៀលថ្ងៃទី២២ ខែមករា នៅពហុកីឡដ្ឋានជាតិ ក្រុមការពារតំណែងជើងឯកអាណាចក្របៃតង ត្រូវជួប្រកួតជាមួយក្រុមសាលាខណ្ឌពោធិ៍សែនជ័យ ខណៈក្រុមស.ស.យ.កស្រុកកំចាយមារត្រូវជួបប្រកួតជាមួយក្រុមឆន្ទៈកីឡានាថ្ងៃទី២៣ ខែមករា។ ក្រុមដែលឈ្នះនៅក្នុងការប្រកួតនីមួយៗនឹងឡើងទៅប្រកួតនៅវគ្គផ្តាច់ព្រ័ត្រនាល្ងាចថ្ងៃទី២៦ ខែមករា នៅពហុកីឡដ្ឋានជាតិ៕
Tag:
បាល់ទាត់
All Star តារា
Soccer League
© រក្សាសិទ្ធិដោយ thmeythmey.com
