ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
បរទេសគ្រងជើងឯកគ្រប់វិញ្ញាសាក្នុងព្រឹត្តិការណ៍ Ultra Trail Angkor
22, Jan 2017 ,
1:43 pm
រូបភាព
×
ដោយ:
ក្រោយរៀបចំការប្រកួតអស់រយៈពេល២ថ្ងៃ គឺនៅថ្ងៃទី២០ និងទី២១ ខែមករា នៅលើទឹកដីអង្គរខេត្តសៀមរាប ព្រឹត្តិការណ៍ Ultra Trail Angkor ដែលជាការរត់ប្រណាំងចម្ងាយឆ្ងាយ១២៨គីឡូម៉ែត្រ បានបញ្ចប់ទាំង៤ប្រភេទវិញ្ញាសា។ ប៉ុន្តែគេសង្កេតឃើញថាព្រឹត្តិការណ៍នេះ មិនសូវមានកីឡាករកម្ពុជាចូលរួមនោះទេ ខណៈកីឡាករបរទេស គ្រងតំណែងជើងឯកគ្រប់ប្រភេទវិញ្ញាសា។
កីឡាករបរទេស បានគ្រងតំណែងជើងឯកទាំង៤ប្រភេទវិញ្ញាសា ក្នុងព្រឹត្តិការណ៍រត់ប្រណាំងចម្ងាយឆ្ងាយ Ultra Trail Angkor ដែលបានបញ្ចប់កាលពីថ្ងៃទី២១ ខែមករា។ វិញ្ញាសារត់ចម្ងាយ១២៨គីឡូម៉ែត្រ ដែលចេញដំណើរនៅម៉ោង១១យប់ ថ្ងៃទី២០ ខែមករា ម្ចាស់ជ័យលាភីបានទៅកីឡាករ Antoine Guillon ដោយប្រើថេរវេលាជាង១២ម៉ោង។
រីឯលេខ២បានទៅ Tran Quang ជាមួយថេរវេលា១៣ម៉ោង និងលេខ៣ បានទៅកីឡាករ Christophe Le Saux ប្រើថិរវេលាជាង១៥ម៉ោង។ ចំណែកផ្នែកនារី ចំណាត់ថ្នាក់លេខ១បានទៅកីឡាការិនី Annie Cramard Joniaux ដោយប្រើថេរវេលា១៤ម៉ោង ពោលគឺតិចជាថេរវេលាចំណាត់ថ្នាក់លេខ៣បុរស។
វិញ្ញាសា៦៤គីឡូម៉ែត្រ ផ្នែកបុរសលេខ១ បានទៅកីឡាករជនជាតិបារាំង Yann Defond ដោយប្រើថេរវេលា៥ម៉ោង ៥៣នាទី និង៥៣វិនាទី។ លេខ១ផ្នែកនារី បានទៅកីឡាការិនី Elena Komova ជាមួយថេរវេលា៦ម៉ោង ២៣នាទី និង៤៦វិនាទី។
ចំណែកវិញ្ញាសា៣២គីឡូម៉ែត្រ ផ្នែកបុរសលេខ១បានទៅកីឡាករ Ixel vlad (២ម៉ោង ១៩នាទី និង០៩វិនាទី) រីឯលេខ១ផ្នែកនារីបានទៅកីឡាការិនី Laurie Phai pang (២ម៉ោង ៥៨នាទី និង២២វិនាទី)។ វិញ្ញាសា១៦គីឡូម៉ែត្រផ្នែកបុរស បានទៅកីឡាករ Bart Hoeksma (១ម៉ោង ១៤នាទី និង ៤៧វិនាទី) ខណៈលេខ១ផ្នែកនារី បានទៅកីឡាការិនី Rebecca Kroeger (១ម៉ោង ៣៩នាទី និង៣៣វិនាទី)។
ទោះបីជាយ៉ាងនេះក្តី ក្នុងចំណោមអត្តពលិកជិត៥០០នាក់ មកពី៣៧ប្រទេស ដែលបានចូលរួមប្រកួតក្នុងព្រឹត្តិការណ៍ Ultra Trail Angkor គឺមិនសូវសម្បូរអត្តពលិកកម្ពុជានោះទេ។ បើយោងតាមគណៈកម្មការរៀបចំការព្រឹត្តិការណ៍ប្រកួត អត្តពលិកកម្ពុជាមានប្រមាណ៣០នាក់ប៉ុណ្ណោះ។
ព្រឹត្តិការណ៍ Ultra Trail Angkor ជាព្រឹត្តិការណ៍បែបទេសមួយ ដែលរៀបចំឡើងដើម្បីស្វែងរកមូលនិធិជួយដល់មន្ទីរពេទ្យគន្ធបុប្ផា និងអង្គការមនុស្សធម៌នានា។ ព្រឹត្តិការណ៍នេះ ផ្តួចផ្តើមដោយក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា សហការជាមួយអាជ្ញាធរអប្សរា និងខេត្តសៀមរាប និងការរៀបចំបច្ចេកទេសដោយអង្គការ SDPO ដែលដឹកនាំដោយលោក LE CORNNEC។
គួរបញ្ជាក់ថា ចំនួនប្រទេស និងអត្តពលិកចូលរួមព្រឹត្តិការណ៍ Ultra Trail Angkor ឆ្នាំនេះ កើនឡើងជិត៥០ភាគរយ បើប្រៀបទៅនឹងឆ្នាំមុន។ ឆ្នាំនេះមានអត្តពលិកប្រមាណជា៥០០នាក់មកពី៣៧ប្រទេស ខណៈឆ្នាំមុនមានជិត៣០០នាក់ មកពី២៦ប្រទេស។ គណៈកម្មការរៀបចំ រំពឹងថា ឆ្នាំក្រោយនឹងទទួលបានអត្តពលិកចូលរួមជាង១ពាន់នាក់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Ultra Trail
បរទេស
សៀមរាប
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
14 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម