ជាតិ
សេដ្ឋកិច្ច
លោកបណ្ឌិត តេង ដឺលុច សាស្រា្តចារ្យសេដ្ឋកិច្ចនៃសកលវិទ្យាល័យកម្ពុជា
×![]()
ភ្នំពេញ៖ ក្រុមហ៊ុនចិនបានបោះទុនវិនិយោគច្រើនជាងគេនៅកម្ពុជាក្នុងឆ្នាំ២០១៦ ដែលមានទឹកប្រាក់ចំនួន ៥១១លានដុល្លារ ស្មើ ២៣,៧ភាគរយនៃវិនិយោគផ្ទាល់បរទេស (FDI) របស់កម្ពុជា។ បើធៀបនឹងឆ្នាំ២០១៥ ការវិនិយោគរបស់ចិនបានថយចុះ ៨ភាគរយ។ នេះជាតួលេខលំហូរសាច់ប្រាក់ដែលធនាគារជាតិនៃកម្ពុជា (NBC) ធ្វើការកត់ត្រា។ បើតាមអ្នកជំនាញសេដ្ឋកិច្ច កម្ពុជាមិនត្រូវពឹងផ្អែកខ្លាំងពេកលើការវិនិយោគរបស់ប្រទេសណាមួយ និងត្រូវទាក់ទាញវិនិយោគលើវិស័យចម្រុះឲ្យបានកាន់តែច្រើន។
របាយការណ៍របស់ NBC ឲ្យដឹងថា ក្រុមហ៊ុនចិនវិនិយោគភាគច្រើនលើវិស័យកម្មន្តសាល (ឧស្សាហកម្មផលិតកែច្នៃ) ដែលមាន ៤១ ភាគរយនៃទុន FDI របស់កម្ពុជាលើវិស័យមួយនេះ, ហិរញ្ញវត្ថុ ១៥ ភាគរយ ,អចលនទ្រព្យ ២០ ភាគរយ និងវិស័យសកម្មភាពស្នាក់នៅនិងអាហារមាន ២៧ ភាគរយ។
ក្រុមហ៊ុនចិនបាននាំមុខគេក្នុងចំណោមប្រទេសដែលវិនិយោគច្រើននៅកម្ពុជា។ របាយការណ៍របស់ NBC បង្ហាញថា ហុងកុងបានវិនិយោគ ២៣៧លានដុល្លារ, វៀតណាម ១៩២លានដុល្លារ, ជប៉ុន ១៨៥លានដុល្លារ និងសិង្ហបុរី ១៦៩លានដុល្លារ។
លោកបណ្ឌិត តេង ដឺលុច សាស្រា្តចារ្យសេដ្ឋកិច្ចនៃសកលវិទ្យាល័យកម្ពុជា បានថ្លែងប្រាប់សារព័ត៌មានថ្មីៗថា ការវិនិយោគរបស់ចិនក្នុងពេលថ្មីៗនេះមានភាពល្អប្រសើរជាងមុនដល់សេដ្ឋកិច្ចកម្ពុជា ព្រោះការវិនិយោគនេះបានធ្វើពិពិធកម្ម (ចម្រុះ) ច្រើនជាងមុនទៅក្នុងវិស័យសេដ្ឋកិច្ចសំខាន់ៗរបស់កម្ពុជា។
ប៉ុន្តែរដ្ឋាភិបាលមិនត្រូវពឹងផ្អែកលើការវិនិយោគចិនខ្លាំងពេកទេ ដែលនាំឲ្យបាត់បង់ឯករាជ្យភាពសេដ្ឋកិច្ចជាតិ។ នេះបើតាមលោក តេង ដឺលុច ដែលលើកឡើងយ៉ាងដូច្នេះថា៖«ការពឹងផ្អែកលើការវិនិយោគ និងធ្វើពាណិជ្ជកម្មជាមួយប្រទេស ដូចជា ចិនខ្លាំងពេក នឹងធ្វើឲ្យបាត់បង់តុល្យភាព គេហៅថាឯករាជ្យភាពនៃប្រព័ន្ធសេដ្ឋកិច្ចជាតិ ដូច្នេះវាធ្វើឲ្យជញ្ជីងពាណិជ្ជកម្ម និងវិនិយោគពឹងផ្អែកលើដង្ហើមសេដ្ឋកិច្ចមួយ»។
សាស្ត្រាចារ្យសេដ្ឋកិច្ចរូបនេះបានផ្ដល់អនុសាសន៍ដល់រដ្ឋាភិបាលពង្រឹងការទាក់ទាញវិនិយោគពីប្រទេសជាច្រើនទៀត ដើម្បីវិនិយោគលើវិស័យចម្រុះជាច្រើនមុខទៀតរបស់កម្ពុជា។ «ធ្វើពិពិធកម្មនៅក្នុងវិស័យពាណិជ្ជកម្មតូចៗ ព្រោះថាក្នុងវិស័យឧស្សាហកម្ម សេវាកម្ម មានមុខរបររាប់ពាន់រាប់ម៉ឺន ប៉ុន្តែការវិនិយោគនៅស្រុកខ្មែរតិចតួចបំផុត វាដដែលៗ»។ នេះជាការបញ្ជាក់របស់លោក តេង ដឺលុច ។
ជាមួយគ្នានេះដែរ លោក តេង ដឺលុច ក៏ជំរុញអ្នកវិនិយោគចិន និងរដ្ឋាភិបាលព្យាយាមពង្រឹងគុណភាពវិនិយោគ ដើម្បីបញ្ចៀសផលប៉ះពាល់អវិជ្ជមានលើពលរដ្ឋ ដែលជាភាគីមួយត្រូវទទួលផលពីការវិនិយោគផងដែរ។
បើយោងតាមរបាយការណ៍អង្កេត FDI ឆ្នាំ២០១៤ ដែលចេញផ្សាយដោយ NBC កាលពីខែកញ្ញាឆ្នាំ២០១៦ ប្រទេសចិននៅតែជាវិនិយោគិនផ្ទាល់បរទេសធំជាងគេនៅកម្ពុជា។ គិតត្រឹមចុងឆ្នាំ២០១៤ ចិន (រាប់ទាំង ហុងកុង តៃវ៉ាន់ និងម៉ាកាវ) បានវិនិយោគចំនួន ៨,៤ពាន់លានដុល្លារ ស្មើ ៤៤ភាគរយនៃ FDI សរុបរបស់កម្ពុជា៕
របាយការណ៍របស់ NBC ឲ្យដឹងថា ក្រុមហ៊ុនចិនវិនិយោគភាគច្រើនលើវិស័យកម្មន្តសាល (ឧស្សាហកម្មផលិតកែច្នៃ) ដែលមាន ៤១ ភាគរយនៃទុន FDI របស់កម្ពុជាលើវិស័យមួយនេះ, ហិរញ្ញវត្ថុ ១៥ ភាគរយ ,អចលនទ្រព្យ ២០ ភាគរយ និងវិស័យសកម្មភាពស្នាក់នៅនិងអាហារមាន ២៧ ភាគរយ។
ក្រុមហ៊ុនចិនបាននាំមុខគេក្នុងចំណោមប្រទេសដែលវិនិយោគច្រើននៅកម្ពុជា។ របាយការណ៍របស់ NBC បង្ហាញថា ហុងកុងបានវិនិយោគ ២៣៧លានដុល្លារ, វៀតណាម ១៩២លានដុល្លារ, ជប៉ុន ១៨៥លានដុល្លារ និងសិង្ហបុរី ១៦៩លានដុល្លារ។
លោកបណ្ឌិត តេង ដឺលុច សាស្រា្តចារ្យសេដ្ឋកិច្ចនៃសកលវិទ្យាល័យកម្ពុជា បានថ្លែងប្រាប់សារព័ត៌មានថ្មីៗថា ការវិនិយោគរបស់ចិនក្នុងពេលថ្មីៗនេះមានភាពល្អប្រសើរជាងមុនដល់សេដ្ឋកិច្ចកម្ពុជា ព្រោះការវិនិយោគនេះបានធ្វើពិពិធកម្ម (ចម្រុះ) ច្រើនជាងមុនទៅក្នុងវិស័យសេដ្ឋកិច្ចសំខាន់ៗរបស់កម្ពុជា។
ប៉ុន្តែរដ្ឋាភិបាលមិនត្រូវពឹងផ្អែកលើការវិនិយោគចិនខ្លាំងពេកទេ ដែលនាំឲ្យបាត់បង់ឯករាជ្យភាពសេដ្ឋកិច្ចជាតិ។ នេះបើតាមលោក តេង ដឺលុច ដែលលើកឡើងយ៉ាងដូច្នេះថា៖«ការពឹងផ្អែកលើការវិនិយោគ និងធ្វើពាណិជ្ជកម្មជាមួយប្រទេស ដូចជា ចិនខ្លាំងពេក នឹងធ្វើឲ្យបាត់បង់តុល្យភាព គេហៅថាឯករាជ្យភាពនៃប្រព័ន្ធសេដ្ឋកិច្ចជាតិ ដូច្នេះវាធ្វើឲ្យជញ្ជីងពាណិជ្ជកម្ម និងវិនិយោគពឹងផ្អែកលើដង្ហើមសេដ្ឋកិច្ចមួយ»។
សាស្ត្រាចារ្យសេដ្ឋកិច្ចរូបនេះបានផ្ដល់អនុសាសន៍ដល់រដ្ឋាភិបាលពង្រឹងការទាក់ទាញវិនិយោគពីប្រទេសជាច្រើនទៀត ដើម្បីវិនិយោគលើវិស័យចម្រុះជាច្រើនមុខទៀតរបស់កម្ពុជា។ «ធ្វើពិពិធកម្មនៅក្នុងវិស័យពាណិជ្ជកម្មតូចៗ ព្រោះថាក្នុងវិស័យឧស្សាហកម្ម សេវាកម្ម មានមុខរបររាប់ពាន់រាប់ម៉ឺន ប៉ុន្តែការវិនិយោគនៅស្រុកខ្មែរតិចតួចបំផុត វាដដែលៗ»។ នេះជាការបញ្ជាក់របស់លោក តេង ដឺលុច ។
ជាមួយគ្នានេះដែរ លោក តេង ដឺលុច ក៏ជំរុញអ្នកវិនិយោគចិន និងរដ្ឋាភិបាលព្យាយាមពង្រឹងគុណភាពវិនិយោគ ដើម្បីបញ្ចៀសផលប៉ះពាល់អវិជ្ជមានលើពលរដ្ឋ ដែលជាភាគីមួយត្រូវទទួលផលពីការវិនិយោគផងដែរ។
បើយោងតាមរបាយការណ៍អង្កេត FDI ឆ្នាំ២០១៤ ដែលចេញផ្សាយដោយ NBC កាលពីខែកញ្ញាឆ្នាំ២០១៦ ប្រទេសចិននៅតែជាវិនិយោគិនផ្ទាល់បរទេសធំជាងគេនៅកម្ពុជា។ គិតត្រឹមចុងឆ្នាំ២០១៤ ចិន (រាប់ទាំង ហុងកុង តៃវ៉ាន់ និងម៉ាកាវ) បានវិនិយោគចំនួន ៨,៤ពាន់លានដុល្លារ ស្មើ ៤៤ភាគរយនៃ FDI សរុបរបស់កម្ពុជា៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
