អន្តរជាតិ
ប្រមុខការពារជាតិអាមេរិក៖«ប្រទេសផ្សេងកុំភ័យ! ខែលការពារមីស៊ីលដើម្បីតែតទល់កូរ៉េខាងជើងនោះទេ»
×![]()
ដោយ: ថ្មីៗ
ប្រមុខការពារជាតិអាមេរិក លោក James Mattis បាននិយាយថា មានហេតុផលតែមួយគត់ ដែលអាមេរិក នឹងត្រូវបំពាក់ប្រព័ន្ធការពារមីស៊ីល THAAD នៅក្នុងប្រទេសកូរ៉េខាងត្បូង។ សេចក្តីថ្លែងការណ៍នេះ ត្រូវបានធ្វើឡើងនៅពេលដែលលោករដ្ឋមន្ត្រីការពារជាតិរូបនេះ បានដល់ទឹកដីកូរ៉េខាងត្បូងជាលើកដំបូងក្នុងនាមជារដ្ឋមន្ត្រីការពារជាតិនាដំណើរទស្សនកិច្ចថ្ងៃទី០២ កុម្ភៈនេះ។
«ខែលការពារមីស៊ីល THAAD គឺសម្រាប់តែការពារប្រជាជននៃសម្ព័ន្ធមិត្តរបស់យើង និងទាហានរបស់យើង ដែលបានប្តេជ្ញាចិត្តចំពោះកិច្ចការការពាររបស់ពួកគេ ហើយប្រសិនបើកូរ៉េខាងជើង មិនបង្ហាញពីឥរិយាបថបង្ករឿងនោះទេ យើង ក៏មិនដំឡើងខែលការពារមីស៊ីលនៅទីនោះផងដែរ»។ នេះ គឺជាសេចក្តីថ្លែងការណ៍របស់លោករដ្ឋមន្ត្រីការពារជាតិ James Mattis ទៅកាន់អ្នកសារព័ត៌មាននៅថ្ងៃទី២ កុម្ភៈនេះ និង បានចុះផ្សាយដោយសារព័ត៌មាន CNN។
លោករដ្ឋមន្ត្រីការពារជាតិ ក៏បានសង្កត់ធ្ងន់ទៀតថា ប្រទេសដទៃផ្សេងទៀត មិនចាំបាច់ព្រួយបារម្ភអំពីខែលការពារមីស៊ីលនេះឡើយ ដ្បិតខែលនោះ បំពាក់ឡើងដើម្បីឆ្លើយតបទៅនឹងសកម្មភាពកូរ៉េខាងជើងប៉ុណ្ណោះ។ កន្លងមក ទាំងចិន និងរុស្ស៊ី បានជំទាស់ដាច់ខាតចំពោះការបំពាក់ខែលការពារមីស៊ីលនេះ ដ្បិត ពួកគេ យល់ឃើញថាវា នឹងបំផ្លាញស្ថិរភាព និងសន្តិសុខក្នុងតំបន់ និងជាពិសេសនោះ ផលប្រយោជន៍សន្តិសុខរបស់ពួកគេតែម្តង។ ចិន ធ្លាប់ទាំងព្រមានថា នឹងមានវិធានការតបតវិញជាក់ជាពុំខានបើ THAAD នៅតែដំឡើង។
សូមជម្រាបផងដែរថា លោករដ្ឋមន្ត្រីការពារជាតិ James Mattis កំពុងតែបំពេញទស្សនកិច្ចជាដំបូងក្នុងនាមជាប្រមុខការពារជាតិនៃរដ្ឋបាលរបស់លោកប្រធានាធិបតី ដូណាល់ ត្រាំ នៅក្នុងទឹកដីកូរ៉េខាងត្បូង ហើយលោក បន្តបំពេញទស្សនកិច្ចទៅកាន់ជប៉ុននៅថ្ងៃទី០៣ កុម្ភៈ។ បើតាមប្រភពព័ត៌មាន CNN ដដែលនោះ វត្តមានរបស់លោកនៅក្នុងទឹកដីកូរ៉េខាងត្បូងលើកនេះ ក៏ដើម្បីតែប្រមូលទិន្នន័យ និងស្វែងយល់ស្ថានភាពនៅក្នុងឧបទ្វីបកូរ៉េ ដើម្បីឈានដល់ការបង្កើតគោលនយោបាយតបតក្រុងព្យុងយ៉ាងវិញ។
សម្រាបផងដែរថា នៅថ្ងៃទី០៨ ខែកក្កដា ឆ្នាំមុន រដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងសេអ៊ូល បានព្រមព្រៀងជាផ្លូវការក្នុងការដំឡើងប្រព័ន្ធការពារមីស៊ីលរបស់អាមេរិកនៅក្នុងទីកដីកូរ៉េខាងត្បូង។ ការសម្រេចដំឡើងប្រព័ន្ធការពារធុនធ្ងន់នេះ ធ្វើឡើងក្រោមហេតុផលដើម្បីរក្សាសុវត្ថិភាព និងសន្តិសុខពីការវាយប្រហារពីកូរ៉េខាងជើង ដ្បិត ក្រុងព្យុងយ៉ាង តែងតែបាញ់សាកល្បងអាវុធនុយក្លេអ៊ែរ និងសព្វាវុធទំនើបៗ ដែលកូរ៉េខាងត្បូង ធា្លប់អះអាងថា ខ្លួនគ្មានសមត្ថភាពដើម្បីតបតវិញឡើយ ប្រសិន គ្មានជំនួយពីអាមេរិកនោះ។
នៅថ្ងៃទី៣១ មករា រដ្ឋមន្ត្រីការពារជាតិកូរ៉េខាងត្បូង លោក Han Min-koo និងរដ្ឋមន្ត្រីការពារជាតិថ្មីអាមេរិក James Mattis ក៏បានជជែកតាមរយៈទូរសព្ទ ដោយភាគីទាំងពីរបានព្រមព្រៀងគ្នាក្នុងដំឡើងប្រព័ន្ធការពារមីស៊ីល (THAAD) នៅក្នុងទឹកដីកូរ៉េខាងត្បូងនៅក្នុងឆ្នាំ២០១៧ ហើយសម្ព័ន្ធមិត្តទាំងពីរ ក៏បានអះអាងពីការត្រៀមខ្លួនរួចស្រេចដើម្បីវាយបកទៅសកម្មភាពឈា្លនពីកូរ៉េខាងជើង៕
«ខែលការពារមីស៊ីល THAAD គឺសម្រាប់តែការពារប្រជាជននៃសម្ព័ន្ធមិត្តរបស់យើង និងទាហានរបស់យើង ដែលបានប្តេជ្ញាចិត្តចំពោះកិច្ចការការពាររបស់ពួកគេ ហើយប្រសិនបើកូរ៉េខាងជើង មិនបង្ហាញពីឥរិយាបថបង្ករឿងនោះទេ យើង ក៏មិនដំឡើងខែលការពារមីស៊ីលនៅទីនោះផងដែរ»។ នេះ គឺជាសេចក្តីថ្លែងការណ៍របស់លោករដ្ឋមន្ត្រីការពារជាតិ James Mattis ទៅកាន់អ្នកសារព័ត៌មាននៅថ្ងៃទី២ កុម្ភៈនេះ និង បានចុះផ្សាយដោយសារព័ត៌មាន CNN។
លោករដ្ឋមន្ត្រីការពារជាតិ ក៏បានសង្កត់ធ្ងន់ទៀតថា ប្រទេសដទៃផ្សេងទៀត មិនចាំបាច់ព្រួយបារម្ភអំពីខែលការពារមីស៊ីលនេះឡើយ ដ្បិតខែលនោះ បំពាក់ឡើងដើម្បីឆ្លើយតបទៅនឹងសកម្មភាពកូរ៉េខាងជើងប៉ុណ្ណោះ។ កន្លងមក ទាំងចិន និងរុស្ស៊ី បានជំទាស់ដាច់ខាតចំពោះការបំពាក់ខែលការពារមីស៊ីលនេះ ដ្បិត ពួកគេ យល់ឃើញថាវា នឹងបំផ្លាញស្ថិរភាព និងសន្តិសុខក្នុងតំបន់ និងជាពិសេសនោះ ផលប្រយោជន៍សន្តិសុខរបស់ពួកគេតែម្តង។ ចិន ធ្លាប់ទាំងព្រមានថា នឹងមានវិធានការតបតវិញជាក់ជាពុំខានបើ THAAD នៅតែដំឡើង។
សូមជម្រាបផងដែរថា លោករដ្ឋមន្ត្រីការពារជាតិ James Mattis កំពុងតែបំពេញទស្សនកិច្ចជាដំបូងក្នុងនាមជាប្រមុខការពារជាតិនៃរដ្ឋបាលរបស់លោកប្រធានាធិបតី ដូណាល់ ត្រាំ នៅក្នុងទឹកដីកូរ៉េខាងត្បូង ហើយលោក បន្តបំពេញទស្សនកិច្ចទៅកាន់ជប៉ុននៅថ្ងៃទី០៣ កុម្ភៈ។ បើតាមប្រភពព័ត៌មាន CNN ដដែលនោះ វត្តមានរបស់លោកនៅក្នុងទឹកដីកូរ៉េខាងត្បូងលើកនេះ ក៏ដើម្បីតែប្រមូលទិន្នន័យ និងស្វែងយល់ស្ថានភាពនៅក្នុងឧបទ្វីបកូរ៉េ ដើម្បីឈានដល់ការបង្កើតគោលនយោបាយតបតក្រុងព្យុងយ៉ាងវិញ។
សម្រាបផងដែរថា នៅថ្ងៃទី០៨ ខែកក្កដា ឆ្នាំមុន រដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងសេអ៊ូល បានព្រមព្រៀងជាផ្លូវការក្នុងការដំឡើងប្រព័ន្ធការពារមីស៊ីលរបស់អាមេរិកនៅក្នុងទីកដីកូរ៉េខាងត្បូង។ ការសម្រេចដំឡើងប្រព័ន្ធការពារធុនធ្ងន់នេះ ធ្វើឡើងក្រោមហេតុផលដើម្បីរក្សាសុវត្ថិភាព និងសន្តិសុខពីការវាយប្រហារពីកូរ៉េខាងជើង ដ្បិត ក្រុងព្យុងយ៉ាង តែងតែបាញ់សាកល្បងអាវុធនុយក្លេអ៊ែរ និងសព្វាវុធទំនើបៗ ដែលកូរ៉េខាងត្បូង ធា្លប់អះអាងថា ខ្លួនគ្មានសមត្ថភាពដើម្បីតបតវិញឡើយ ប្រសិន គ្មានជំនួយពីអាមេរិកនោះ។
នៅថ្ងៃទី៣១ មករា រដ្ឋមន្ត្រីការពារជាតិកូរ៉េខាងត្បូង លោក Han Min-koo និងរដ្ឋមន្ត្រីការពារជាតិថ្មីអាមេរិក James Mattis ក៏បានជជែកតាមរយៈទូរសព្ទ ដោយភាគីទាំងពីរបានព្រមព្រៀងគ្នាក្នុងដំឡើងប្រព័ន្ធការពារមីស៊ីល (THAAD) នៅក្នុងទឹកដីកូរ៉េខាងត្បូងនៅក្នុងឆ្នាំ២០១៧ ហើយសម្ព័ន្ធមិត្តទាំងពីរ ក៏បានអះអាងពីការត្រៀមខ្លួនរួចស្រេចដើម្បីវាយបកទៅសកម្មភាពឈា្លនពីកូរ៉េខាងជើង៕
Tag:
កូរ៉េខាងជើង
កូរ៉េខាងត្បូង
អាមេរិក
THAAD
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
