អន្តរជាតិ
អារ៉ាប់រួម៖ បទបញ្ជារបស់ត្រាំ ហាមប្រជាជនមកពីប្រទេស ៧ មិនប្រឆាំងម៉ូស្លីមទេ
រដ្ឋមន្ត្រីការបរទេសអារ៉ាប់រួមលោក Sheikh Abdullah bin Zayed
×![]()
ដោយ: ថ្មីៗ
ស្របពេលប្រទេសជាច្រើនតវ៉ាប្រឆាំងបទបញ្ជាលោក ដូណាល់ ត្រាំ រដ្ឋាភិបាលអារ៉ាប់រួមគាំទ្របទបញ្ជាដែលហាមប្រជាជនមកពីប្រទេសម៉ូស្លីម ៧ចូលដីអាមេរិកនេះ។ ប្រទេសនេះថា វាជាចំណាត់ការផ្ទៃក្នុងនិងសម្រេចដោយសិទ្ធិអធិបតេយ្យផ្ទាល់ខ្លួនដើម្បីការពារប្រយោជន៍អាមេរិក ហើយវាមិនប្រឆាំងសាសនាណាមួយឡើយ។
រដ្ឋមន្ត្រីការបរទេសអារ៉ាប់រួមលោក Sheikh Abdullah bin Zayed បានបញ្ជាក់ប្រាប់អ្នកសារព័ត៌មានថា បទបញ្ជាហាមប្រជាជនមកពីប្រទេសម៉ូស្លីម ៧ របស់ប្រធានាធិបតីអាមេរិក ដូណាល់ ត្រាំ មិនមានអ្វីខុសឆ្គងឡើយ ហើយវាជារឿងផ្ទៃក្នុងរបស់អាមេរិកសុទ្ធសាធ។
យោងតាមទីភ្នាក់ងារព័ត៌មាន Reuters ក្នុងសន្និសីទសារព័ត៌មានជាមួយសមភាគីរុស្ស៊ី លោក Sergei Lavrov នារាជធានី Abu Dhabi រដ្ឋមន្ត្រីការបរទេសអារ៉ាប់រួម Sheikh Abdullah bin Zayed ប្រកាសថា ការសម្រេចរបស់លោក ដូណាល់ ត្រាំ ជាសិទ្ធិអធិបតេយ្យរបស់អាមេរិក ហើយវាមិនប៉ះពាល់ឬមានគោលដៅប្រឆាំងសាសនាណាមួយឡើយ។
លោក Sheikh Abdullah បានបញ្ជាក់ដូច្នេះ៖ «អាមេរិកបានសម្រេចិត្តធ្វើបែបនេះស្ថិតក្រោមអធិបតេយ្យរបស់ខ្លួន។ វាមានការប៉ុនប៉ងចោទប្រកាន់ថា បទបញ្ជារបស់លោក ត្រាំ មានចរិតលក្ខណៈប្រឆាំងសាសនាមួយជាក់លាក់។ ប៉ុន្តែគ្រប់យ៉ាងបង្ហាញឲ្យឃើញច្បាស់ថា ការចោទប្រកាន់នេះមិនត្រឹមត្រូវឡើយ។ វាមិនមែនមានគោលដៅប្រឆាំងសាសនាណាមួយនោះឡើយ»។
សូមរម្លឹកបន្តិចដែរ កាលពីថ្ងៃសុក្រសប្តាហ៍មុន លោក ដូណាល់ ត្រាំ បានសម្រេចដាក់បទបញ្ជាមួយហាមឃាត់ប្រជាជនមកពីប្រទេសម៉ូស្លីម ៧ចូលទឹកដីអាមេរិកក្រោមហេតុផលការពារសន្តិសុខ។ ប៉ុន្តែការដាក់បទបញ្ជានេះបានធ្វើឲ្យមានការខឹងសម្បារខ្លាំង និងមានប្រតិកម្មតបពីសំណាក់ក្រុមសកម្មជនសិទ្ធិមនុស្ស, ប្រទេសសម្ព័ន្ធមិត្តអាមេរិក និងអង្គការអន្តរជាតិផ្សេងទៀតដែរ។ គេជឿជាក់ថា ការសម្រេចនេះមានគោលដៅប្រឆាំងអ្នកកាន់សាសនាឥស្លាម។
ក្រៅពីគាំទ្របទបញ្ជាប្រតិបត្តិរបស់ ដូណាល់ ត្រាំ ប្រមុខការទូតរដ្ឋអារ៉ាប់រូបនេះ បានប្រកាសស្វាគមន៍គំនិតបង្កើតតំបន់សុវត្ថិភាពនៅក្នុងទឹកដីស៊ីរី ដើម្បីអនុញ្ញាតឲ្យ ជនភៀសខ្លួនជ្រកកោននោះ។ អារ៉ាប់រួមគាំទ្រ ក្នុងករណីដែលវាជាតំបន់ដែលបង្កើតឡើងជាលក្ខណៈបណ្តោះអាសន្ននិងបម្រើប្រយោជន៍មនុស្សធម៌ហើយស្ថិតក្រោមការគ្រប់គ្រងរបស់សហគមន៍ អន្តរជាតិ។
ក្រុង Abu Dhabi ក៏ត្រៀមចាំស្តាប់មើលការបញ្ជាក់បន្ថែមពីក្រុងវ៉ាស៊ីនតោនសិនពាក់ព័ន្ធផែនការបង្កើតតំបន់សុវត្ថិភាពនេះ ព្រោះខ្លួនក៏មិនទាន់យល់ច្បាស់ពីគម្រោងនេះដែរ៕
រដ្ឋមន្ត្រីការបរទេសអារ៉ាប់រួមលោក Sheikh Abdullah bin Zayed បានបញ្ជាក់ប្រាប់អ្នកសារព័ត៌មានថា បទបញ្ជាហាមប្រជាជនមកពីប្រទេសម៉ូស្លីម ៧ របស់ប្រធានាធិបតីអាមេរិក ដូណាល់ ត្រាំ មិនមានអ្វីខុសឆ្គងឡើយ ហើយវាជារឿងផ្ទៃក្នុងរបស់អាមេរិកសុទ្ធសាធ។
យោងតាមទីភ្នាក់ងារព័ត៌មាន Reuters ក្នុងសន្និសីទសារព័ត៌មានជាមួយសមភាគីរុស្ស៊ី លោក Sergei Lavrov នារាជធានី Abu Dhabi រដ្ឋមន្ត្រីការបរទេសអារ៉ាប់រួម Sheikh Abdullah bin Zayed ប្រកាសថា ការសម្រេចរបស់លោក ដូណាល់ ត្រាំ ជាសិទ្ធិអធិបតេយ្យរបស់អាមេរិក ហើយវាមិនប៉ះពាល់ឬមានគោលដៅប្រឆាំងសាសនាណាមួយឡើយ។
លោក Sheikh Abdullah បានបញ្ជាក់ដូច្នេះ៖ «អាមេរិកបានសម្រេចិត្តធ្វើបែបនេះស្ថិតក្រោមអធិបតេយ្យរបស់ខ្លួន។ វាមានការប៉ុនប៉ងចោទប្រកាន់ថា បទបញ្ជារបស់លោក ត្រាំ មានចរិតលក្ខណៈប្រឆាំងសាសនាមួយជាក់លាក់។ ប៉ុន្តែគ្រប់យ៉ាងបង្ហាញឲ្យឃើញច្បាស់ថា ការចោទប្រកាន់នេះមិនត្រឹមត្រូវឡើយ។ វាមិនមែនមានគោលដៅប្រឆាំងសាសនាណាមួយនោះឡើយ»។
សូមរម្លឹកបន្តិចដែរ កាលពីថ្ងៃសុក្រសប្តាហ៍មុន លោក ដូណាល់ ត្រាំ បានសម្រេចដាក់បទបញ្ជាមួយហាមឃាត់ប្រជាជនមកពីប្រទេសម៉ូស្លីម ៧ចូលទឹកដីអាមេរិកក្រោមហេតុផលការពារសន្តិសុខ។ ប៉ុន្តែការដាក់បទបញ្ជានេះបានធ្វើឲ្យមានការខឹងសម្បារខ្លាំង និងមានប្រតិកម្មតបពីសំណាក់ក្រុមសកម្មជនសិទ្ធិមនុស្ស, ប្រទេសសម្ព័ន្ធមិត្តអាមេរិក និងអង្គការអន្តរជាតិផ្សេងទៀតដែរ។ គេជឿជាក់ថា ការសម្រេចនេះមានគោលដៅប្រឆាំងអ្នកកាន់សាសនាឥស្លាម។
ក្រៅពីគាំទ្របទបញ្ជាប្រតិបត្តិរបស់ ដូណាល់ ត្រាំ ប្រមុខការទូតរដ្ឋអារ៉ាប់រូបនេះ បានប្រកាសស្វាគមន៍គំនិតបង្កើតតំបន់សុវត្ថិភាពនៅក្នុងទឹកដីស៊ីរី ដើម្បីអនុញ្ញាតឲ្យ ជនភៀសខ្លួនជ្រកកោននោះ។ អារ៉ាប់រួមគាំទ្រ ក្នុងករណីដែលវាជាតំបន់ដែលបង្កើតឡើងជាលក្ខណៈបណ្តោះអាសន្ននិងបម្រើប្រយោជន៍មនុស្សធម៌ហើយស្ថិតក្រោមការគ្រប់គ្រងរបស់សហគមន៍ អន្តរជាតិ។
ក្រុង Abu Dhabi ក៏ត្រៀមចាំស្តាប់មើលការបញ្ជាក់បន្ថែមពីក្រុងវ៉ាស៊ីនតោនសិនពាក់ព័ន្ធផែនការបង្កើតតំបន់សុវត្ថិភាពនេះ ព្រោះខ្លួនក៏មិនទាន់យល់ច្បាស់ពីគម្រោងនេះដែរ៕
Tag:
Sheikh Abdullah bin Zayed
ដូណាល់ ត្រាំ
អារ៉ាប់រួម
Sergei Lavrov
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
11 ម៉ោង
