កីឡាជាតិ
អ្នកលេងគុនខ្មែរចម្រុះ វី ស្រីខួច ប៉ះអ្នកលេងគុនចម្រុះម៉ាឡេស៊ីនៅ One Championship
×
អ្នកលេងគុនខ្មែរចម្រុះ វី ស្រីខួច ត្រូវជួបប្រកួតជាមួយកីឡាការិនី MMA របស់ម៉ាឡេស៊ី Ann Osman នៅក្នុងព្រឹត្តិការណ៍ One Throne of Tigers Championship 2017 នៅទីក្រុងកូឡាឡាំពួរ នាសប្តាហ៍ក្រោយនេះ។ នេះជាលើកទី៣ហើយសម្រាប់ការបង្ហាញខ្លួនរបស់ ស្រីខួច តែវាជាលើកទី៨របស់អ្នកលេងគុនចម្រុះម៉ាឡេស៊ីរូបនេះ។
នាថ្ងៃទី១០ ខែកម្ភៈ ខាងមុខនេះ កីឡាការិនី វី ស្រីខួច អ្នកលេងគុនខ្មែរចម្រុះរបស់កម្ពុជា នឹងជួបប្រកួតជាមួយអ្នកលេងគុនចម្រុះចាស់វស្សារបស់ម៉ាឡេស៊ី Ann Osman ក្នុងព្រឹត្តិការណ៍ One Championship។ ការប្រកួតនេះនឹងធ្វើឡើងនៅពហុកីឡដ្ឋាន Negara នៅទីក្រុងកូឡាឡាំពួរ ប្រទេសម៉ាឡេស៊ី។
កីឡាការិនី MMA វ័យ៣០ឆ្នាំរបស់ម៉ាឡេស៊ីរូបនេះធ្លាប់ឆ្លងកាត់ការប្រកួតដាក់ទ្រុងចំនួន៧ដង ក្នុងនោះឈ្នះ៤ដង និងចាញ់៣ដង។ ចំណែកអ្នកលេងគុនចម្រុះរបស់កម្ពុជា វី ស្រីខួច ធ្លាប់ឆ្លងកាត់ការប្រកួតតែ២លើកប៉ុណ្ណោះ ប៉ុន្តែសម្រាប់ការបង្ហាញខ្លួនពីរលើកនេះ គឺឈ្នះទាំងពីរ៕
Tag:
ប្រដាល់
MMA
Throne of Tigers
© រក្សាសិទ្ធិដោយ thmeythmey.com