កីឡាជាតិ
ជាតិ
រូបភាពពី៖ ហ្វេសប៊ុកក្លិបបាល់ទាត់ក្រសួងការពារជាតិ
×![]()
ក្រសួងការពារជាតិ(ទ័ព)លើកពានមិត្តភាពក្លិបបាល់ទាត់អាស៊ី២០១៧(Asia Club Pre-Season Championship 2017) ក្រោយយកឈ្នះព្រះខ័នរាជស្វាយរៀង ៥-៣ ដោយបាល់កាត់សេចក្តី១១ម៉ែត្រ(ប៉េណាំងទី)។ ចំណែកក្រុម Worriors FC របស់សិង្ហបុរីឈ្នះលេខ៣ក្រោយយកឈ្នះក្រុម Petaling Jaya Rangers FC របស់ម៉ាឡេស៊ី ២-០។
នាការប្រកួតវគ្គផ្តាច់ព្រ័ត្រពានរង្វាន់ Asia Club Pre-Season Championship 2017 (ACC 2017) នៅពហុកីឡដ្ឋានជាតិកាលពីថ្ងៃទី៥ ខែកុម្ភៈ ម្សិលមិញ កីឡាករ Moneka Obi Ugochukwu បានរកគ្រាប់បាល់នាំមុខ ១-០ សម្រាប់ស្វាយរៀងនៅនាទី៥៧។ ប៉ុន្តែ Choe Myong-ho បានរកគ្រាប់បាល់តាមស្មើ ១-១ ឲ្យទ័ពនៅទី ៧៣ ដោយបាល់ពិន័យ១១ម៉ែត្រ ក្រោយកីឡាករ Chidera Ononiwu ធ្វើឲ្យកីឡាករទ័ពដួលក្នុងតំបន់គ្រោះថ្នាក់។
ក្រោយតាមស្មើ ១-១ របស់ក្រសួងការពារជាតិបានធ្វើឲ្យការប្រកួតកាន់តែតឹងតែងសម្រាប់ក្រុមទាំងពីរ។ ព្រះខ័នរាជស្វាយរៀងបានវាយសម្រុក និងបង្កើតឱកាសយ៉ាងច្រើន ប៉ុន្តែនៅតែមិនអាចទម្លុះសំណាញ់ទីរបស់ក្រសួងការពារជាតិ។ យ៉ាងណាមិញ ក្រសួងការពារជាតិ ក៏ធ្វើការវាយសម្រុក និងបង្កើតឱកាសផងដែរ តែធ្វើមិនបានសម្រេចដូចគ្នា។ លទ្ធផលស្មើ ១-១ នេះក្រុមទាំងពីរបានរក្សារហូតចប់វគ្គទី២។
ដោយសារវាជាប្រកួតវគ្គផ្តាច់ព្រ័ត្រដណ្តើមជើងឯក គឺតម្រូវឲ្យក្រុមទាំងពីរជ្រើសរើសកីឡាករ៥នាក់សម្រាប់ទាត់បាល់ពិន័យ១១មែត្រ ដើម្បីស្វែងរកក្រុមទទួលជ័យជម្នះ។ ក្នុងនោះ Choe Myong-ho បានទាត់បាល់ពិន័យនាំមុខ ១-០ សម្រាប់ក្រុមទ័ព។ បន្ទាប់មក ប្រាក់ មុន្នីឧត្តម ជាអ្នកទាត់បាល់ពិន័យដំបូងសម្រាប់ក្រុមស្វាយរៀង ប៉ុន្តែមិនអាចទម្លុះសំណាញ់ទីអ្នកចាំទី អ៊ុំ សេរីរ័ត្ន ធ្វើឲ្យក្រសួងការពារជាតិបន្តនាំមុខ ១-០។
កីឡាករ ច្រឹង ពលរដ្ឋ បានទាត់បាល់ពិន័យនាំមុខ ២-០ សម្រាប់ក្រុមទ័ព មុនកីឡាករ ណុប តុលា ទាត់បាល់ពិន័យតាមពីក្រោយ ១-២ សម្រាប់ស្វាយរៀង តែកីឡាករ Ri Hyok Chol បានទាត់បាល់ពិន័យទី៣បានសម្រេចសម្រាប់ក្រុមទ័ពនាំមុខ ៣-១ ក្រោយមក នេន សុធារ័ត្ន សម្រេចគ្រាប់បាល់តាមពីក្រោយ ២-៣ សម្រាប់ស្វាយរៀង។
កីឡាករ Kim Kyong-hun បានទាត់បាល់ពិន័យទី៤បានសម្រេចឲ្យក្រុមទ័ព មុន Kim Nam Gun ទាត់បាល់ពិន័យទី៣បានសម្រេចឲ្យស្វាយរៀង។ ប៉ុន្តែកីឡាករ Jang Song hyok បានទាត់បាល់ពិន័យទី៥បានឲ្យក្រុមទ័ព ដែលជាគ្រាប់បាល់កាត់សេចក្តីនៃជ័យជម្នះ ៥-៣ ដើម្បីឲ្យក្រសួងការពារជាតិលើកពាន Asia Club Pre-Season Championship 2017 តែម្តង។
ចំណែកក្រុម Warriors FC របស់សិង្ហបុរី បានឈ្នះចំណាត់ថ្នាក់លេខ៣ ក្រោយយកឈ្នះក្រុម Petaling Jaya Rangers FC របស់ម៉ាឡេស៊ី ២-០ ក្នុងវគ្គផ្តាច់ព្រ័ត្រ៕
នាការប្រកួតវគ្គផ្តាច់ព្រ័ត្រពានរង្វាន់ Asia Club Pre-Season Championship 2017 (ACC 2017) នៅពហុកីឡដ្ឋានជាតិកាលពីថ្ងៃទី៥ ខែកុម្ភៈ ម្សិលមិញ កីឡាករ Moneka Obi Ugochukwu បានរកគ្រាប់បាល់នាំមុខ ១-០ សម្រាប់ស្វាយរៀងនៅនាទី៥៧។ ប៉ុន្តែ Choe Myong-ho បានរកគ្រាប់បាល់តាមស្មើ ១-១ ឲ្យទ័ពនៅទី ៧៣ ដោយបាល់ពិន័យ១១ម៉ែត្រ ក្រោយកីឡាករ Chidera Ononiwu ធ្វើឲ្យកីឡាករទ័ពដួលក្នុងតំបន់គ្រោះថ្នាក់។
ក្រោយតាមស្មើ ១-១ របស់ក្រសួងការពារជាតិបានធ្វើឲ្យការប្រកួតកាន់តែតឹងតែងសម្រាប់ក្រុមទាំងពីរ។ ព្រះខ័នរាជស្វាយរៀងបានវាយសម្រុក និងបង្កើតឱកាសយ៉ាងច្រើន ប៉ុន្តែនៅតែមិនអាចទម្លុះសំណាញ់ទីរបស់ក្រសួងការពារជាតិ។ យ៉ាងណាមិញ ក្រសួងការពារជាតិ ក៏ធ្វើការវាយសម្រុក និងបង្កើតឱកាសផងដែរ តែធ្វើមិនបានសម្រេចដូចគ្នា។ លទ្ធផលស្មើ ១-១ នេះក្រុមទាំងពីរបានរក្សារហូតចប់វគ្គទី២។
ដោយសារវាជាប្រកួតវគ្គផ្តាច់ព្រ័ត្រដណ្តើមជើងឯក គឺតម្រូវឲ្យក្រុមទាំងពីរជ្រើសរើសកីឡាករ៥នាក់សម្រាប់ទាត់បាល់ពិន័យ១១មែត្រ ដើម្បីស្វែងរកក្រុមទទួលជ័យជម្នះ។ ក្នុងនោះ Choe Myong-ho បានទាត់បាល់ពិន័យនាំមុខ ១-០ សម្រាប់ក្រុមទ័ព។ បន្ទាប់មក ប្រាក់ មុន្នីឧត្តម ជាអ្នកទាត់បាល់ពិន័យដំបូងសម្រាប់ក្រុមស្វាយរៀង ប៉ុន្តែមិនអាចទម្លុះសំណាញ់ទីអ្នកចាំទី អ៊ុំ សេរីរ័ត្ន ធ្វើឲ្យក្រសួងការពារជាតិបន្តនាំមុខ ១-០។
កីឡាករ ច្រឹង ពលរដ្ឋ បានទាត់បាល់ពិន័យនាំមុខ ២-០ សម្រាប់ក្រុមទ័ព មុនកីឡាករ ណុប តុលា ទាត់បាល់ពិន័យតាមពីក្រោយ ១-២ សម្រាប់ស្វាយរៀង តែកីឡាករ Ri Hyok Chol បានទាត់បាល់ពិន័យទី៣បានសម្រេចសម្រាប់ក្រុមទ័ពនាំមុខ ៣-១ ក្រោយមក នេន សុធារ័ត្ន សម្រេចគ្រាប់បាល់តាមពីក្រោយ ២-៣ សម្រាប់ស្វាយរៀង។
កីឡាករ Kim Kyong-hun បានទាត់បាល់ពិន័យទី៤បានសម្រេចឲ្យក្រុមទ័ព មុន Kim Nam Gun ទាត់បាល់ពិន័យទី៣បានសម្រេចឲ្យស្វាយរៀង។ ប៉ុន្តែកីឡាករ Jang Song hyok បានទាត់បាល់ពិន័យទី៥បានឲ្យក្រុមទ័ព ដែលជាគ្រាប់បាល់កាត់សេចក្តីនៃជ័យជម្នះ ៥-៣ ដើម្បីឲ្យក្រសួងការពារជាតិលើកពាន Asia Club Pre-Season Championship 2017 តែម្តង។
ចំណែកក្រុម Warriors FC របស់សិង្ហបុរី បានឈ្នះចំណាត់ថ្នាក់លេខ៣ ក្រោយយកឈ្នះក្រុម Petaling Jaya Rangers FC របស់ម៉ាឡេស៊ី ២-០ ក្នុងវគ្គផ្តាច់ព្រ័ត្រ៕
Tag:
បាល់ទាត់
ទ័ព
ស្វាយរៀង
ACC 2017
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
