កីឡាជាតិ
ជាតិ
កងពលលេខ៣បំបាក់ក្រសួងមហាផ្ទៃ៣-០ រីកងអង្គរក្សយកឈ្នះបាត់ដំបង៣-១ រូបភាពពី៖ ហ្វេសប៊ុកសហព័ន្ធកីឡាបាល់ទះកម្ពុជា ការប្រកួតរវាងក្រុមវិសាខាប្រកួតជាមួយក្រុមសាលាខេត្តកំពង់ចាមនៅវិមានពហុកីឡដ្ឋានជាតិ
× ការប្រកួតបាល់ទះដណ្តើមពានរង្វាន់ក្របខ័ណ្ឌខេមបូឌានលីកប្រចាំឆ្នាំ២០១៧ នៅវិមានពហុកីឡដ្ឋានជាតិកាលពីថ្ងៃទី៥ ខែកុម្ភៈ ម្សិលមិញ ក្រុមបាល់ទះកងពលធំអន្តរាគមន៍លេខ៣បានលត់ក្រុមក្រសួងមហាផ្ទៃ ៣សិតទល់នឹងសូន្យ ខណៈក្រុមបញ្ជាការដ្ឋានកងអង្គរក្សបានយកឈ្នះក្រុមខេត្តបាត់ដំបង៣សិតទល់នឹង១។
ក្រុមបាល់ទះកងពលធំអន្តរាគមន៍លេខ៣ក្រោយបំបាក់ក្រុមបញ្ជាការដ្ឋានកងអង្គរក្ស៣សិតសូន្យកាលពីថ្ងៃសៅរ៍ ទី៤ ខែកុម្ភៈ ក្រុមនេះបានបន្តលត់ក្រុមក្រសួងមហាផ្ទៃ៣សិតទល់នឹងសូន្យដូចគ្នា កាលពីថ្ងៃអាទិត្យទី៥ ខែកុម្ភៈ នៅវិមានពហុកីឡដ្ឋានជាតិ។ ចំណែកក្រុមបញ្ជាការដ្ឋានកងអង្គរក្សបានយកឈ្នះ ក្រុមស្នងការនគរបាលខេត្តបាត់ដំបងក្នុងលទ្ធផល៣សិតទល់នឹង១។
នេះជាការប្រកួតវគ្គជម្រុះសន្សំពិន្ទុពានរង្វាន់បាល់ទះក្របខ័ណ្ឌលីកកំពូកកម្ពុជាប្រចាំឆ្នាំ២០១៧(Volleyball Cambodian League 2017) ដើម្បីចម្រាញ់យកក្រុមជើងខ្លាំងចំនួន៤ក្រុមក្នុងចំណោម៦ក្រុម ដែលមានពិន្ទុខ្ពស់ ជាងគេ ដើម្បីឡើងទៅប្រកួតនៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ នាថ្ងៃទី១៨ ខែកុម្ភៈ ខាងមុខនេះ៕
Tag:
បាល់ទះ
Volleyball Cambodian League 2017
© រក្សាសិទ្ធិដោយ thmeythmey.com