កីឡាជាតិ
ជាតិ
ឃួន ឡាបូរ៉ាវី៖ ជំនួបនៅទឹកដី Lao Toyota ពិតជាលំបាក តែបឹងកេតនឹងព្យាយាម
×![]()
ប្រធានក្រុមបឹងកេតអង្គរ ឃួន ឡាបូរ៉ាវី បានចាត់ទុកជំនួបជើងទី២នៃវគ្គជម្រុះពានររង្វាន់ AFC Cup 2017 ជាមួយក្រុម Lao Toyota នៅលើទឹកដីឡាវនាល្ងាចនេះ ជាការប្រកួតមួយដ៏លំបាកសម្រាប់បឹងកេត។ ប៉ុន្តែប្រធានក្រុមរូបនេះ ប្តេជ្ញានឹងព្យាយាមរកគ្រាប់បាល់ជ័យជម្នះ ដើម្បីបានកៅអីទៅលេងនៅវគ្គចែកពូល។
លទ្ធផលស្មើ ១-១ ក្នុងជើងទី១នៃវគ្គជម្រុះពានរង្វាន់ AFC Cup 2017 នៅលើទឹកដីខ្លួននាពហុកីឡដ្ឋានជាតិកាលពីចុងខែមករា បានធ្វើឲ្យប្រធានក្រុមបឹងកេតអង្គរ ឃួន ឡាបូរ៉ាវី ចាត់ទុកជំនួបជាមួយ Lao Toyota ក្នុងជើងទី២ជាការប្រកួតមួយដ៏សំខាន់សម្រាប់បឹងកេតអង្គរព្រោះវាជាជំនួបកាត់សេចក្តីក្នុងការឈានទៅលេងនៅវគ្គចែកពូល។
យ៉ាងណាមិញ ប្រធានក្រុមបឹងកេតអង្គររូបនេះ បានចាត់ទុកជំនួបដ៏សំខាន់នេះនឹងក្លាយជាជំនួបមួយដ៏តឹងតែង និងលំបាកបំផុតសម្រាប់បឹងកេតអង្គរ ព្រោះក្រុមទាំងពីរសុទ្ធតែត្រូវការឈ្នះដូចគ្នា ដើម្បីទទួលបានកៅអីឡើងទៅវគ្គបន្ត។ លើសពីនេះក្រុមទាំងពីរសុទ្ធតែប្តេជ្ញាយកឈ្នះរៀងៗខ្លួនក្នុងជំនួបតំណាងឲ្យប្រទេសជាតិមួយនេះ។
ទោះបីជាយ៉ាងនេះក្តី ឃួន ឡាបូរ៉ាវី បានបញ្ជាក់ថា រូបគេនឹងមិត្តរួមក្រុមបានត្រៀមខ្លួនរួចរាល់ហើយក្នុងជំនួបល្ងាចនេះ។ ហើយពួកគេនឹងប្រឹងប្រែងធ្វើឲ្យបានល្អបំផុតតាមតែអាចធ្វើទៅបាន ដើម្បីរកគ្រាប់បាល់សម្រាប់សាងជ័យជម្នះជូនក្រុម។
ក្នុងសន្និសីទសារព័ត៌មានមុនការប្រកួតកាលពីម្សិលមិញខ្សែប្រយុទ្ធរូបនេះបានបញ្ជាក់យ៉ាងដូច្នេះថា៖«ក្នុងជំនួបជាមួយ Lao Toyota ល្ងាចនេះ វាជាការប្រកួតមួយដ៏លំបាកសម្រាប់យើង យើងចាំបាច់ត្រូវធ្វើឲ្យបានល្អបំផុតព្រោះវាជាឱកាសតែមួយគត់ដើម្បីឈានទៅវគ្គចែកពូល។ យើងបានត្រៀមខ្លួនរួចរាល់ហើយ ដូច្នេះអ្វីដែលយើងត្រូវធ្វើគឺប្រឹងប្រែងរកគ្រាប់បាល់ឲ្យបាន ដើម្បីឈ្នះការប្រកួតនៅថ្ងៃនេះ»។
គួរបញ្ជាក់ថា ប្រសិនបើបឹងកេតអង្គរអាចយកឈ្នះក្រុម Lao Toyota ក្នុងជំនួបនៅកីឡដ្ឋាន Lao National Stadium MK16 នៅប្រទេសឡាវ ល្ងាចនេះ ក្រុមតំណាងកម្ពុជាមួយនេះនឹងទទួលបានកៅអីឡើងទៅលេងក្នុងពូល F ដែលមានក្លិបម៉ាឡេស៊ី Johor Darul Ta’zim ក្លិបមីយ៉ាន់ម៉ា Magwe និងក្លិបហ្វីលីពីន Global៕
លទ្ធផលស្មើ ១-១ ក្នុងជើងទី១នៃវគ្គជម្រុះពានរង្វាន់ AFC Cup 2017 នៅលើទឹកដីខ្លួននាពហុកីឡដ្ឋានជាតិកាលពីចុងខែមករា បានធ្វើឲ្យប្រធានក្រុមបឹងកេតអង្គរ ឃួន ឡាបូរ៉ាវី ចាត់ទុកជំនួបជាមួយ Lao Toyota ក្នុងជើងទី២ជាការប្រកួតមួយដ៏សំខាន់សម្រាប់បឹងកេតអង្គរព្រោះវាជាជំនួបកាត់សេចក្តីក្នុងការឈានទៅលេងនៅវគ្គចែកពូល។
យ៉ាងណាមិញ ប្រធានក្រុមបឹងកេតអង្គររូបនេះ បានចាត់ទុកជំនួបដ៏សំខាន់នេះនឹងក្លាយជាជំនួបមួយដ៏តឹងតែង និងលំបាកបំផុតសម្រាប់បឹងកេតអង្គរ ព្រោះក្រុមទាំងពីរសុទ្ធតែត្រូវការឈ្នះដូចគ្នា ដើម្បីទទួលបានកៅអីឡើងទៅវគ្គបន្ត។ លើសពីនេះក្រុមទាំងពីរសុទ្ធតែប្តេជ្ញាយកឈ្នះរៀងៗខ្លួនក្នុងជំនួបតំណាងឲ្យប្រទេសជាតិមួយនេះ។
ទោះបីជាយ៉ាងនេះក្តី ឃួន ឡាបូរ៉ាវី បានបញ្ជាក់ថា រូបគេនឹងមិត្តរួមក្រុមបានត្រៀមខ្លួនរួចរាល់ហើយក្នុងជំនួបល្ងាចនេះ។ ហើយពួកគេនឹងប្រឹងប្រែងធ្វើឲ្យបានល្អបំផុតតាមតែអាចធ្វើទៅបាន ដើម្បីរកគ្រាប់បាល់សម្រាប់សាងជ័យជម្នះជូនក្រុម។
ក្នុងសន្និសីទសារព័ត៌មានមុនការប្រកួតកាលពីម្សិលមិញខ្សែប្រយុទ្ធរូបនេះបានបញ្ជាក់យ៉ាងដូច្នេះថា៖«ក្នុងជំនួបជាមួយ Lao Toyota ល្ងាចនេះ វាជាការប្រកួតមួយដ៏លំបាកសម្រាប់យើង យើងចាំបាច់ត្រូវធ្វើឲ្យបានល្អបំផុតព្រោះវាជាឱកាសតែមួយគត់ដើម្បីឈានទៅវគ្គចែកពូល។ យើងបានត្រៀមខ្លួនរួចរាល់ហើយ ដូច្នេះអ្វីដែលយើងត្រូវធ្វើគឺប្រឹងប្រែងរកគ្រាប់បាល់ឲ្យបាន ដើម្បីឈ្នះការប្រកួតនៅថ្ងៃនេះ»។
គួរបញ្ជាក់ថា ប្រសិនបើបឹងកេតអង្គរអាចយកឈ្នះក្រុម Lao Toyota ក្នុងជំនួបនៅកីឡដ្ឋាន Lao National Stadium MK16 នៅប្រទេសឡាវ ល្ងាចនេះ ក្រុមតំណាងកម្ពុជាមួយនេះនឹងទទួលបានកៅអីឡើងទៅលេងក្នុងពូល F ដែលមានក្លិបម៉ាឡេស៊ី Johor Darul Ta’zim ក្លិបមីយ៉ាន់ម៉ា Magwe និងក្លិបហ្វីលីពីន Global៕
Tag:
បាល់ទាត់
ឃួន ឡាបូរ៉ាវី
AFC Cup 2017
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
