ជាតិ
ស្នងការប៉ូលិសភ្នំពេញ ពង្រឹងវិធានការទប់ស្កាត់ សមត្ថកិច្ចខ្លះ ប្រើប្រាស់អាវុធបំពានច្បាប់
× ភ្នំពេញ៖ ស្នងការនគរបាលរាជធានីភ្នំពេញ លោក ជួន សុវណ្ណ បានទទួលស្គាល់ថា សមត្ថកិច្ចមួយចំនួន បានប្រើប្រាស់អាវុធល្មើស បំពានបេសកកម្មរបស់កម្លាំងប្រដាប់អាវុធ។ លោកថា កន្លងមក សមត្ថកិច្ចខ្លះ មិនមានសិទ្ធិយកកាំភ្លើងតាមខួនទេ តែបែរជាយកអាវុធតាមខ្លួនបំពានច្បាប់ ដែលលោកថា សកម្មភាពនេះ បង្កមហន្តរាយច្រើន។ លោក សុវណ្ណ បន្តថា ករណីបាញ់បោះជាច្រើន កើតចេញពីកងកម្លាំងនគរបាល និងកងរាជអាវុធហត្ថ។
លោកស្នងការ បានប្រកាសឲ្យមន្ត្រីរបស់លោក ជាពិសេសអធិការដ្ឋាននគរបាលទាំង ១២ ខណ្ឌ ក្នុងរាជធានីភ្នំពេញ ត្រូវចាត់វិធានការ និងបន្តត្រួតពិនិត្យអាវុធថែមទៀត ដើម្បីទប់ស្កាត់កុំឲ្យសមត្ថកិច្ចដែលគ្មានសិទ្ធិយកអាវុធតាមខ្លួន ប្រព្រឹត្តល្មើសតទៅទៀត។ លោក ជួន សុវណ្ណ លើកឡើងបែបនេះ នៅក្នុងសន្និបាតបូកសរុបសភាពការណ៍ កិច្ចប្រតិបត្តិការ ការងារ រក្សាសន្តិសុខ សណ្តាប់ធ្នាប់សង្គម ឆ្នាំ ២០១៦ និងទិសដៅឆ្នាំ ២០១៧ ៕
សំឡេងលោក ជួន សុវណ្ណ៖
Tag:
ជួន សុវណ្ណ
អាវុធ
នគរបាល
ភ្នំពេញ
© រក្សាសិទ្ធិដោយ thmeythmey.com