កីឡាជាតិ
ជាតិ
អ្នកចុះឈ្មោះចូលរួមពាក់កណ្តាលម៉ារ៉ាតុនអន្តរជាតិនៅព្រះសីហនុមានចំនួនជិត២០០០នាក់ហើយ
×![]()
ចំនួនអត្តពលិកចូលរួមរត់ប្រណាំងអន្តរជាតិម៉ារ៉ាតុនលើកទី៦នៅខេត្តព្រះសីហនុឆ្នាំនេះ មានជិត២ពាន់នាក់ ក្នុងនោះអត្តពលិកបរទេសមានចំនួនប្រមាណជាជាង១០០នាក់ ដោយគិតត្រឹមថ្ងៃទី១០ ខែកុម្ភៈ ឆ្នាំ២០១៧ ពោលគឺប្រហាក់ប្រហែលទៅនឹងឆ្នាំមុន។
អគ្គលេខាធិការនៃគណៈកម្មាធិការជាតិអូឡាំពិកកម្ពុជា លោក វ៉ាត់ ចំរើន បានកត់សម្គាល់ឃើញថា ចំនួនអ្នកចុះឈ្មោះចូលរួមរត់ប្រណាំងអន្តរជាតិពាក់កណ្តាលម៉ារ៉ាតុនលើកទី៦នៅខេត្តព្រះសីហនុឆ្នាំនេះ ហាក់ដូចមានទ្រឹង បើប្រៀបទៅនឹងឆ្នាំមុន។ ការអះអាងបែបនេះធ្វើឡើងក្នុងសន្និទសារព័ត៌មាននៅព្រឹកថ្ងៃទី១០ ខែកុម្ភៈ នៅទីស្នាក់នៃគណៈកម្មាធិការជាតិអូឡាំពិកកម្ពុជា។
ពាក់ព័ន្ធនឹងបញ្ហាទ្រឹងនៃចំនួនអ្នកចូលរួមទាំងអត្តពលិកជាតិ និងអន្តរជាតិនេះ លោកអគ្គលេខាធិការ NOCC រូបនេះបានបញ្ជាក់ថា អាចបណ្តាលមកពីកម្ពុជាមិនទាន់មានជើងហោះហើរផ្ទាល់ពីបរទេសមកកាន់ខេត្តព្រះសីហនុដែលជាហេតុធ្វើឲ្យពួកគេមានការលំបាកក្នុងការធ្វើដំណើរមកកាន់តំបន់ទេសចរណ៍ឆ្នេរខ្សាច់នេះ។ ម្យ៉ាងទៀតដោយសារការផ្សព្វផ្សាយទៅកាន់ពិភពលោកនៅមិនទាន់ទូលំទូលាយ។
ទោះបីជាយ៉ាងនេះក្តីថ្នាក់ដឹកនាំកីឡារូបនេះបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីទាក់ទាញភ្ញៀវទេសចរណ៍ជាតិ និងអន្តរជាតិឲ្យមកចូលរួមព្រឹត្តិការណ៍ពាក់កណ្តាលម៉ារ៉ាតុននៅខេត្តព្រះសីហនុឲ្យកាន់តែច្រើនកុះករ។ លោកបន្ថែមទៀតថា នឹងជួយដឹកនាំឲ្យព្រឹត្តិការណ៍នេះឲ្យមានភាពល្បីល្បាញដូចព្រឹត្តិការណ៍ពាក់កណ្តាលម៉ារ៉ាតុននៅខេត្តសៀមរាប ដោយយ៉ាងហោចត្រូវចំណាយពេល១០ឆ្នាំទើបជោគជ័យ។
លោក រំពឹងយ៉ាងមុតមាំថា ប្រសិនបើជើងហោះហើររបស់អាកាសយានដ្ឋានអន្តរជាតិខេត្តព្រះសីហនុមានភាពសកម្ម និងមានជើងហោះហើរផ្ទាល់ច្រើនពីបរទេស ទៅថ្ងៃអនាគតព្រឹត្តិការណ៍នេះនឹងទទួលបានការចូលរួមច្រើនពីសំណាក់អត្តពិកជាតិ និងអន្តរជាតិ។
ព្រឹត្តិការណ៍ពាក់កណ្តាលម៉ារ៉ាតុនអន្តរជាតិនៅខេត្តព្រះសីហនុធ្វើឡើង ដើម្បីទាក់ទាញភ្ញៀវទេសចរណ៍ជាតិ និងអន្តរជាតិឲ្យមកទស្សនាតំបន់ទេសចរណ៍នៅកម្ពុជា។ ម្យ៉ាងដើម្បីបំផុស និងផ្សព្វផ្សាយពីវិធានការពារឆ្នេរដ៏ស្រស់នៅខេត្តព្រះសីហនុដែលជាគោលដៅទេសចរណ៍ដ៏សំខាន់របស់កម្ពុជា និងស្វែងរកមូលនិធិបម្រើឲ្យអំពើមនុស្សធម៌។
ប៉ុន្តែត្រង់ចំណុចនេះ លោក វ៉ាត់ ចំរើន បានបញ្ជាក់ថា ការរៀបចំរយៈពេល៥ឆ្នាំកន្លង គឹមិនដែលបានបរិច្ចាកថិវកាសប្បរសធម៌ដល់អង្គការ ឬស្ថាប័នមនុស្សធម៌នោះទេ ព្រោះការរៀបចំកន្លងមកថវិកាដែលប្រមូលបានពីការចុះឈ្មោះ និងឧបត្ថម្ភមានទំហំតូចជាងការចំណាយផ្សេងៗ។
ជាមួយគ្នានេះ លោក សែម ផល្លា ប្រធានគណៈកម្មការរៀបចំការប្រកួតព្រឹត្តិការណ៍រត់ប្រណាំងពាក់កណ្តាលម៉ារ៉ាតុនអន្តរជាតិខេត្តព្រះសីហនុបានអំពាវនាវឲ្យអត្តពលិកកម្ពុជាចូលរួមឲ្យបានច្រើនកុះករ ដើម្បីជាកត្តាទាក់ទាញអត្តពលិកអន្តរជាតិ ឲ្យមកចូលរួម និងទស្សនាតំបន់ទេសចរណ៍ឆ្នេរខ្សាច់ខេត្តព្រះសីហនុ។ ខេត្តព្រះសីហនុ ជាគោលដៅទេសចរណ៍មួយដ៏សំខាន់សម្រាប់កម្ពុជា និងជាខេត្តដែលមានឆ្នេរខ្សាច់ល្អដាច់គេនៅលើពិភពលោក។
គិតត្រឹមថ្ងៃទី១០ ខែកុម្ភៈ មានអត្តពលិកជាតិ និងអន្តរជាតិបានចុះឈ្មោះចូលរួមប្រមាណជាជិត២ពាន់នាក់ហើយ ក្នុងនោះអត្តពលិកបរទេសមានចំនួនជាង១០០នាក់ ប៉ុន្តែចំនួនអាចនៅមានការកើនឡើង ព្រោះការចុះឈ្មោះចូលរួមនៅទទួលរហូតដល់ចុងខែកុម្ភៈ។ បើតាមការប៉ាន់ប្រមាណរបស់គណៈកម្មការរៀបចំអាចហក់ឡើងរហូតជាង២ពាន់នាក់ ពោលគឺប្រហាក់ប្រហែលនឹងឆ្នាំមុនដែលមានជាង២ពាន់នាក់។
អត្តពលិកទាំងនេះប្រកួតប្រជែងលើ៣ប្រភេទវិញ្ញាសារួមមាន រត់ប្រណាំងចម្ងាយ២១គីឡូម៉ែត្រ, ១០គីឡូម៉ែត្រ និង៣គីឡូម៉ែត្រ។ សម្រាប់តម្លៃចុះឈ្មោះចូលរួមចម្ងាយ២១គីឡូម៉ែត្របរទេស៤៥ដុលា្លរ កម្ពុជា១៥ដុល្លារ, ចម្ងាយ១០គីឡូម៉ែត្របរទេស៣៥ដុល្លារ កម្ពុជា១០ដុល្លារ និងចម្ងាយ៣គីឡូម៉ែត្របរទេស២០ដុល្លារ កម្ពុជា៥ដុល្លារ។ ព្រឹត្តិការណ៍នេះរៀបចំនៅថ្ងៃទី៥ ខែមីនា ឆ្នាំ២០១៧ នៅលើឆ្នេរអូឈើទាល ទីរួមខេត្តព្រះសីហនុ៕
អគ្គលេខាធិការនៃគណៈកម្មាធិការជាតិអូឡាំពិកកម្ពុជា លោក វ៉ាត់ ចំរើន បានកត់សម្គាល់ឃើញថា ចំនួនអ្នកចុះឈ្មោះចូលរួមរត់ប្រណាំងអន្តរជាតិពាក់កណ្តាលម៉ារ៉ាតុនលើកទី៦នៅខេត្តព្រះសីហនុឆ្នាំនេះ ហាក់ដូចមានទ្រឹង បើប្រៀបទៅនឹងឆ្នាំមុន។ ការអះអាងបែបនេះធ្វើឡើងក្នុងសន្និទសារព័ត៌មាននៅព្រឹកថ្ងៃទី១០ ខែកុម្ភៈ នៅទីស្នាក់នៃគណៈកម្មាធិការជាតិអូឡាំពិកកម្ពុជា។
ពាក់ព័ន្ធនឹងបញ្ហាទ្រឹងនៃចំនួនអ្នកចូលរួមទាំងអត្តពលិកជាតិ និងអន្តរជាតិនេះ លោកអគ្គលេខាធិការ NOCC រូបនេះបានបញ្ជាក់ថា អាចបណ្តាលមកពីកម្ពុជាមិនទាន់មានជើងហោះហើរផ្ទាល់ពីបរទេសមកកាន់ខេត្តព្រះសីហនុដែលជាហេតុធ្វើឲ្យពួកគេមានការលំបាកក្នុងការធ្វើដំណើរមកកាន់តំបន់ទេសចរណ៍ឆ្នេរខ្សាច់នេះ។ ម្យ៉ាងទៀតដោយសារការផ្សព្វផ្សាយទៅកាន់ពិភពលោកនៅមិនទាន់ទូលំទូលាយ។
ទោះបីជាយ៉ាងនេះក្តីថ្នាក់ដឹកនាំកីឡារូបនេះបានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីទាក់ទាញភ្ញៀវទេសចរណ៍ជាតិ និងអន្តរជាតិឲ្យមកចូលរួមព្រឹត្តិការណ៍ពាក់កណ្តាលម៉ារ៉ាតុននៅខេត្តព្រះសីហនុឲ្យកាន់តែច្រើនកុះករ។ លោកបន្ថែមទៀតថា នឹងជួយដឹកនាំឲ្យព្រឹត្តិការណ៍នេះឲ្យមានភាពល្បីល្បាញដូចព្រឹត្តិការណ៍ពាក់កណ្តាលម៉ារ៉ាតុននៅខេត្តសៀមរាប ដោយយ៉ាងហោចត្រូវចំណាយពេល១០ឆ្នាំទើបជោគជ័យ។
លោក រំពឹងយ៉ាងមុតមាំថា ប្រសិនបើជើងហោះហើររបស់អាកាសយានដ្ឋានអន្តរជាតិខេត្តព្រះសីហនុមានភាពសកម្ម និងមានជើងហោះហើរផ្ទាល់ច្រើនពីបរទេស ទៅថ្ងៃអនាគតព្រឹត្តិការណ៍នេះនឹងទទួលបានការចូលរួមច្រើនពីសំណាក់អត្តពិកជាតិ និងអន្តរជាតិ។
ព្រឹត្តិការណ៍ពាក់កណ្តាលម៉ារ៉ាតុនអន្តរជាតិនៅខេត្តព្រះសីហនុធ្វើឡើង ដើម្បីទាក់ទាញភ្ញៀវទេសចរណ៍ជាតិ និងអន្តរជាតិឲ្យមកទស្សនាតំបន់ទេសចរណ៍នៅកម្ពុជា។ ម្យ៉ាងដើម្បីបំផុស និងផ្សព្វផ្សាយពីវិធានការពារឆ្នេរដ៏ស្រស់នៅខេត្តព្រះសីហនុដែលជាគោលដៅទេសចរណ៍ដ៏សំខាន់របស់កម្ពុជា និងស្វែងរកមូលនិធិបម្រើឲ្យអំពើមនុស្សធម៌។
ប៉ុន្តែត្រង់ចំណុចនេះ លោក វ៉ាត់ ចំរើន បានបញ្ជាក់ថា ការរៀបចំរយៈពេល៥ឆ្នាំកន្លង គឹមិនដែលបានបរិច្ចាកថិវកាសប្បរសធម៌ដល់អង្គការ ឬស្ថាប័នមនុស្សធម៌នោះទេ ព្រោះការរៀបចំកន្លងមកថវិកាដែលប្រមូលបានពីការចុះឈ្មោះ និងឧបត្ថម្ភមានទំហំតូចជាងការចំណាយផ្សេងៗ។
ជាមួយគ្នានេះ លោក សែម ផល្លា ប្រធានគណៈកម្មការរៀបចំការប្រកួតព្រឹត្តិការណ៍រត់ប្រណាំងពាក់កណ្តាលម៉ារ៉ាតុនអន្តរជាតិខេត្តព្រះសីហនុបានអំពាវនាវឲ្យអត្តពលិកកម្ពុជាចូលរួមឲ្យបានច្រើនកុះករ ដើម្បីជាកត្តាទាក់ទាញអត្តពលិកអន្តរជាតិ ឲ្យមកចូលរួម និងទស្សនាតំបន់ទេសចរណ៍ឆ្នេរខ្សាច់ខេត្តព្រះសីហនុ។ ខេត្តព្រះសីហនុ ជាគោលដៅទេសចរណ៍មួយដ៏សំខាន់សម្រាប់កម្ពុជា និងជាខេត្តដែលមានឆ្នេរខ្សាច់ល្អដាច់គេនៅលើពិភពលោក។
គិតត្រឹមថ្ងៃទី១០ ខែកុម្ភៈ មានអត្តពលិកជាតិ និងអន្តរជាតិបានចុះឈ្មោះចូលរួមប្រមាណជាជិត២ពាន់នាក់ហើយ ក្នុងនោះអត្តពលិកបរទេសមានចំនួនជាង១០០នាក់ ប៉ុន្តែចំនួនអាចនៅមានការកើនឡើង ព្រោះការចុះឈ្មោះចូលរួមនៅទទួលរហូតដល់ចុងខែកុម្ភៈ។ បើតាមការប៉ាន់ប្រមាណរបស់គណៈកម្មការរៀបចំអាចហក់ឡើងរហូតជាង២ពាន់នាក់ ពោលគឺប្រហាក់ប្រហែលនឹងឆ្នាំមុនដែលមានជាង២ពាន់នាក់។
អត្តពលិកទាំងនេះប្រកួតប្រជែងលើ៣ប្រភេទវិញ្ញាសារួមមាន រត់ប្រណាំងចម្ងាយ២១គីឡូម៉ែត្រ, ១០គីឡូម៉ែត្រ និង៣គីឡូម៉ែត្រ។ សម្រាប់តម្លៃចុះឈ្មោះចូលរួមចម្ងាយ២១គីឡូម៉ែត្របរទេស៤៥ដុលា្លរ កម្ពុជា១៥ដុល្លារ, ចម្ងាយ១០គីឡូម៉ែត្របរទេស៣៥ដុល្លារ កម្ពុជា១០ដុល្លារ និងចម្ងាយ៣គីឡូម៉ែត្របរទេស២០ដុល្លារ កម្ពុជា៥ដុល្លារ។ ព្រឹត្តិការណ៍នេះរៀបចំនៅថ្ងៃទី៥ ខែមីនា ឆ្នាំ២០១៧ នៅលើឆ្នេរអូឈើទាល ទីរួមខេត្តព្រះសីហនុ៕
Tag:
ពាក់កណ្តាលម៉ារ៉ាតុននៅព្រះសីហនុ
វ៉ាត់ ចំរើន
សែម ផល្លា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
