កីឡាជាតិ
ជាតិ
កីឡាករតិន្នីសកម្ពុជា៧រូបត្រូវប្រជែងជាមួយកីឡាករមកពី១៨ប្រទេសក្នុងជើងឯកយុវជន រូបភាពពី៖ សហព័ន្ធកីឡាវាយកូនបាល់កម្ពុជា
× អត្តពលិកកីឡាវាយកូនបាល់កម្ពុជាចំនួន៧រូប នឹងប្រជែងជាមួយអត្តពលិកមកពីបណ្តាកោះ និងប្រទេសជាច្រើនទូទាំងពិភពលោកចំនួន១៨ផ្សេងទៀត ដើម្បីដណ្តើមជើងឯកក្នុងព្រឹត្តិការណ៍ប្រកួតកីឡាវាយកូនបាល់ពានរង្វាន់យុវជនអាយុក្រោម១៩ឆ្នាំ (Tennis Cambodia ITF Junior 2017 ) ចាប់ពីថ្ងៃទី១១ ខែកុម្ភៈ នេះ។
អត្តពលិកកីឡាវាយកូនបាល់កម្ពុជារួមមាន ឈាង វណ្ណាសិដ្ឋ, ឃ្លាំង ពន្លក, សែន សុផុន, លាង សារិនរាជ្យ, ទេព ធីម៉ូធី, ហ៊ួ ស្រីពៅ និង ហ៊ួ ស្រីនូច ត្រូវប្រជែងជាមួយអត្តពលិកមកពី១៨ប្រទេសផ្សេងទៀត ក្នុងព្រឹត្តិការណ៍ប្រកួតកីឡាវាយកូនបាល់ជ្រើសរើសជើងឯកយុវជនអាយុក្រោម១៩ឆ្នាំប្រចាំឆ្នាំ២០១៧។
អត្តពលិកដែលមកពីតាមបណ្តាកោះនិងប្រទេសទាំងនោះរួមមាន ចិន, ម៉ាកាវ, ហុងកុង, ជប៉ុន, ម៉ាឡេស៊ី, បាគីស្ថាន, ថៃ, ឥណ្ឌា, ហ្វីលីពីន, កូរ៉េខាងត្បូង, ឥណ្ឌូនេស៊ី, អូស្ត្រាលី, សិង្ហបុរី, សហរដ្ឋអាមេរិក, វៀតណាម, អង់គ្លេស, រុស្ស៊ី និងវេណេស៊ុយអេឡា។
ពានរង្វាន់ដែលរៀបចំដោយសហព័ន្ធកីឡាវាយកូនបាល់កម្ពុជា សហការជាមួយសហព័ន្ធកីឡាវាយកូនបាល់អន្តរជាតិនេះ នឹងប្រព្រឹត្តទៅចាប់ពីថ្ងៃទី១១ ដល់ថ្ងៃទី២៦ ខែកុម្ភៈ នៅក្លិបកីឡាកម្ពុជា(CCC)៕
© រក្សាសិទ្ធិដោយ thmeythmey.com