កីឡាជាតិ
ជាតិ
វី ស្រីខួច ចាត់ទុកការចាញ់ Osman ជាមេរៀនដ៏ល្អសម្រាប់ដុសខាត់សមត្ថភាពទៅថ្ងៃអនាគត
×![]()
កីឡាការិនី វី ស្រីខួច អ្នកលេងគុនចម្រុះរបស់កម្ពុជាបានចាញ់កីឡាការិនីម៉ាឡេស៊ី Ann Osman ក្នុងទឹកទី១នាការប្រកួតក្បាច់ចម្រុះក្នុងទ្រុង(MMA) ក្នុងព្រឹត្តិការណ៍ One Championship 2017 នៅប្រទេសម៉ាឡេស៊ី កាលពីថ្ងៃទី១០ ខែកុម្ភៈ ម្សិលមិញ។ តែយ៉ាងណា ស្រីខួច ចាត់ទុកការចាញ់នេះជាមេរៀនដ៏ល្អសម្រាប់កែប្រែចំណុចខ្វះខាតរបស់នាង។ 
អ្នកលេងខ្មែរចម្រុះ វី ស្រីខួច បានចាត់ទុកការបរាជ័យក្រោមថ្វីដៃរបស់កីឡាការិនីម៉ាឡេស៊ី Ann Osman ជាការទទួលមេរៀនដ៏ល្អក្នុងការអភិវឌ្ឍន៍សមត្ថភាពឲ្យកាន់តែរីកចម្រើនទៅថ្ងៃអនាគត ព្រោះការបរាជ័យនេះបានធ្វើឲ្យនាងដឹងពីចំណុចខ្វះខាតដែលត្រូវពង្រឹងបន្ថែម។ កីឡាការិនីរូបនេះរំពឹងថា នឹងបានត្រឡប់មកម្តងទៀត ជាមួយសមត្ថភាពខ្លាំងជាងមុន។
នៅថ្ងៃទី១១ ខែកុម្ភៈ នេះ កីឡាការិនី វី ស្រីខួច បានសរសេរលើទំព័រហ្វេសប៊ុកផ្លូវការរបស់នាងយ៉ាងដូច្នេះថា៖«ខ្ញុំបានបរាជ័យកាលពីម្សិលមិញ ប៉ុន្តែខ្ញុំយកការបរាជ័យនេះជាមេរៀនសម្រាប់ថ្ងៃអនាគត។ ខ្ញុំដឹងពីចំនុចខ្សោយរបស់ខ្ញុំ ហើយខ្ញុំនឹងធ្វើការកែប្រែចំណុចខ្សោយទាំងនោះឲ្យខ្លាំងជាងមុន»។
គួររំលឹកថា ការប្រកួតក្បាច់គុនចម្រុះ(MMA)នាព្រឹត្តិការណ៍ One Championship នៅលើសង្វៀន MMA ក្នុងពហុកីឡដ្ឋាន NEGARA នៅទីក្រុងកូឡាឡាំពួរប្រទេសម៉ាឡេស៊ី កាលពីយប់ថ្ងៃទី១០ ខែកុម្ភៈ។ កីឡាការិនី វី ស្រីខួច ត្រូវបានអាជ្ញាកណ្តាលសម្រេចឲ្យចាញ់កីឡាការិនី Ann Osman ជាឯកច្ឆន្ទក្នុងទឹកទី១ ក្រោយអស់លទ្ធភាពតដៃ។
ការបរាជ័យរបស់អ្នកលេងគុនខ្មែរចម្រុះ វី ស្រីខួច បន្ទាប់ពីនាងព្យាយាមប្រើជើងទាត់ទៅលើកីឡាការិនីម៉ាឡេស៊ី Osman តែត្រូវកីឡាការិនី Osman ចាប់ជើងបានរួចរុញឲ្យដួលខ្ទប់ទៅនឹងសង្វៀន។ បន្ទាប់មក Osman បានវាយឡើងជិះពីលើ នឹងប្រើកណ្តាប់ដៃវាយទៅលើផ្ទៃមុខពេញៗ ចំណែក ស្រីខួច បានព្យាយាមបិទ និងប្រឹងរើបម្រះ ប៉ុន្តែនៅតែមិនអាចរើរួចពីការជិះរបស់ Osman រហូតអាជ្ញាកណ្តាលបញ្ឈប់ក្នុងទឹកទី១នេះតែម្តង៕
អ្នកលេងខ្មែរចម្រុះ វី ស្រីខួច បានចាត់ទុកការបរាជ័យក្រោមថ្វីដៃរបស់កីឡាការិនីម៉ាឡេស៊ី Ann Osman ជាការទទួលមេរៀនដ៏ល្អក្នុងការអភិវឌ្ឍន៍សមត្ថភាពឲ្យកាន់តែរីកចម្រើនទៅថ្ងៃអនាគត ព្រោះការបរាជ័យនេះបានធ្វើឲ្យនាងដឹងពីចំណុចខ្វះខាតដែលត្រូវពង្រឹងបន្ថែម។ កីឡាការិនីរូបនេះរំពឹងថា នឹងបានត្រឡប់មកម្តងទៀត ជាមួយសមត្ថភាពខ្លាំងជាងមុន។
នៅថ្ងៃទី១១ ខែកុម្ភៈ នេះ កីឡាការិនី វី ស្រីខួច បានសរសេរលើទំព័រហ្វេសប៊ុកផ្លូវការរបស់នាងយ៉ាងដូច្នេះថា៖«ខ្ញុំបានបរាជ័យកាលពីម្សិលមិញ ប៉ុន្តែខ្ញុំយកការបរាជ័យនេះជាមេរៀនសម្រាប់ថ្ងៃអនាគត។ ខ្ញុំដឹងពីចំនុចខ្សោយរបស់ខ្ញុំ ហើយខ្ញុំនឹងធ្វើការកែប្រែចំណុចខ្សោយទាំងនោះឲ្យខ្លាំងជាងមុន»។
គួររំលឹកថា ការប្រកួតក្បាច់គុនចម្រុះ(MMA)នាព្រឹត្តិការណ៍ One Championship នៅលើសង្វៀន MMA ក្នុងពហុកីឡដ្ឋាន NEGARA នៅទីក្រុងកូឡាឡាំពួរប្រទេសម៉ាឡេស៊ី កាលពីយប់ថ្ងៃទី១០ ខែកុម្ភៈ។ កីឡាការិនី វី ស្រីខួច ត្រូវបានអាជ្ញាកណ្តាលសម្រេចឲ្យចាញ់កីឡាការិនី Ann Osman ជាឯកច្ឆន្ទក្នុងទឹកទី១ ក្រោយអស់លទ្ធភាពតដៃ។
ការបរាជ័យរបស់អ្នកលេងគុនខ្មែរចម្រុះ វី ស្រីខួច បន្ទាប់ពីនាងព្យាយាមប្រើជើងទាត់ទៅលើកីឡាការិនីម៉ាឡេស៊ី Osman តែត្រូវកីឡាការិនី Osman ចាប់ជើងបានរួចរុញឲ្យដួលខ្ទប់ទៅនឹងសង្វៀន។ បន្ទាប់មក Osman បានវាយឡើងជិះពីលើ នឹងប្រើកណ្តាប់ដៃវាយទៅលើផ្ទៃមុខពេញៗ ចំណែក ស្រីខួច បានព្យាយាមបិទ និងប្រឹងរើបម្រះ ប៉ុន្តែនៅតែមិនអាចរើរួចពីការជិះរបស់ Osman រហូតអាជ្ញាកណ្តាលបញ្ឈប់ក្នុងទឹកទី១នេះតែម្តង៕
Tag:
ប្រដាក់ MMA
វី ស្រីខួច
Osman
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
