កីឡាជាតិ
ជាតិ
គ្រូបង្វឹកកងពលធំអន្តរាគមន៍លេខ៣ខេត្តព្រះវិហាររំពឹងខ្ពស់លើកពានលីកនៅឆ្នាំនេះ
លោក ស៊ិនស៊ីណារ៉ា គ្រូបង្វឹកក្រុមបាល់ទះកងពលធំអន្តរាគមន៍លេខ៣ខេត្តព្រះវិហារ
×![]()
ក្រោយយកឈ្នះ៦ប្រកួតជាប់គ្នាក្នុងវគ្គសន្សំពិន្ទុនិងវគ្គពាក់កណ្តាលផ្តាច់ព្រ័ត្រកាលពីម្សិលមិញ បានធ្វើឲ្យគ្រូបង្វឹកកងពលធំអន្តរាគមន៍លេខ៣ខេត្តព្រះវិហារ លោក សេត ស៊ិនស៊ីណារ៉ា មានក្តីរំពឹងខ្ពស់ក្នុងការលើកពានក្របខណ្ឌខេមបូឌាបៀរលីកប្រចាំឆ្នាំ២០១៧(The 1st Cambodia Beer Volleyball League 2017)។ ក្រុមនេះត្រូវជួបប្រកួតជាមួយក្រុមបាល់ទះវិសាខាក្នុងវគ្គផ្តាច់ព្រ័ត្រនាថ្ងៃទី១៨ ខែកុម្ភៈ នៅវិមានពហុកីឡដ្ឋានជាតិ។
គ្រូបង្វឹកក្រុមបាល់ទះកងពលធំអន្តរាគមន៍លេខ៣ខេត្តព្រះវិហារ លោក សេត ស៊ិនស៊ីណារ៉ា បានដាក់ក្តីរំពឹងខ្ពស់រហូតដល់៧០ភាគរយសម្រាប់ការគ្រងជើងឯកពានរង្វាន់ក្របខណ្ឌខេមបូឌាបៀរលីកប្រចាំឆ្នាំ២០១៧។ ការរំពឹងនេះបន្ទាប់ពីក្រុមរបស់លោក មិនដែលស្គាល់បរាជ័យសម្រាប់៦ប្រកួតទាំងក្នុងវគ្គសន្សំពិន្ទុ និងវគ្គពាក់កណ្តាលផ្តាច់ព្រ័ត្រនាពេលកន្លងមក។ ម្យ៉ាងទៀត ក្រុមដែលត្រូវជួបគ្នាក្នុងវគ្គផ្តាច់ព្រ័ត្រក៏ធ្លាប់រងបរាជ័យ ៣-០ ក្រោមថ្វីដៃរបស់ក្រុមលោកផងដែរ។
លោក សេត ស៊ិនស៊ីណារ៉ា បានបញ្ជាក់យ៉ាងដូច្នេះថា៖«តាំងពីចាប់ផ្តើមប្រកួតរហូតមកដល់ពេលនេះក្រុមរបស់ខ្ញុំប្រកួតមិនដែលចាញ់ គឺឈ្នះរហូតក្នុង៦ប្រកួត។ ជ័យជម្នះរបស់ក្រុមកងពលធំលេខ៣នេះកើតឡើងពីការខិតខំប្រឹងប្រែងហ្វឹកហាត់របស់កីឡាករ ក្រោមការឧបត្ថម្ភ និងយកចិត្តទុកដាក់ខ្ពស់ពីឯកឧត្តម ស្រី ឌឹប និងមេបញ្ជាការរងគ្រប់ជាន់ថ្នាក់។ ដូច្នេះខ្ញុំរំពឹង៧០ភាគរយក្នុងការលើកពានលីកនៅឆ្នាំនេះ»។
គ្រូបង្វឹករូបនេះបានបន្តទៀតថា សម្រាប់ជំនួបក្នុងវគ្គផ្តាច់ព្រ័ត្រនាពេលខាងមុខ លោកនឹងខិតខំប្រឹងប្រែងស្វែងរកយុទ្ធសាស្ត្រដ៏ល្អបំផុត ដើម្បីត្រៀមប្រកួតយកជ័យជម្នះក្នុងជំនួបមួយនេះ។ យ៉ាងណាក៏ដោយ លោក បានបញ្ជាក់ថា ក្រុមលោកមិនមានគ្រូបង្វឹកបរទេសនោះទេ ពោលគឺប្រើសុទ្ធសឹងជាគ្រូបង្វឹកកម្ពុជា ដែលមានលោក សេត ស៊ិនស៊ីណារ៉ា ជាគ្រូបង្គោល និងលោក ជុំ រដ្ឋា ជាគ្រូជំនួយ។
ក្រុមកងពលធំអន្តរាគមន៍លេខ៣ខេត្តព្រះវិហារត្រូវជួបប្រកួតជាមួយក្រុមវិសាខាក្នុងវគ្គផ្តាច់ព្រ័ត្រ ដើម្បីប្រជែងដណ្តើមពានរង្វាន់ក្របខណ្ឌលីកខេមបូឌាបៀរលីកប្រចាំឆ្នាំ២០១៧ នៅវិមានពហុកីឡដ្ឋានជាតិនាថ្ងៃទី១៨ ខែកុម្ភៈ ខាងមុខនេះ។ ចំណែកក្រុមខេត្តកំពង់ចាម ត្រូវប្រជែងជាមួយក្រុមក្រសួងមហាផ្ទៃ ដើម្បីដណ្តើមយកចំណាត់ថ្នាក់លេខ៣។
ការឡើងមកជួបគ្នាក្នុងវគ្គផ្តាច់ព្រ័ត្រនេះ បន្ទាប់ពីក្រុមទាំងពីរបានយកឈ្នះគូប្រកួតក្នុងវគ្គពាក់កណ្តាលផ្តាច់ព្រ័ត្ររៀងៗខ្លួននៅវិមានពហុកីឡដ្ឋានជាតិកាលពីថ្ងៃទី១២ ខែកុម្ភៈ។ ក្នុងនោះក្រុមកងពលធំអន្តរាគមន៍លេខ៣ខេត្តព្រះវិហារបានលត់ក្រុមខេត្តកំពង់ចាម ៣-០ (២៥-២១, ២៥-១៨, ២៥-២១) ខណៈក្រុមវិសាខាបានយកឈ្នះក្រុមក្រសួងមហាផ្ទៃ ៣-២ (១៩-២៥, ២៥-២៣, ២៧-២៩, ២៥-២១, ១៥-១២)។
យ៉ាងណាមិញ ក្នុងវគ្គជម្រុះសន្សំពិន្ទុកាលពីថ្ងៃទី១១ ខែកុម្ភៈ កន្លងទៅក្រុមកងពលធំអន្តរាគមន៍លេខ៣បានលត់ក្រុមវិសាខាក្នុងលទ្ធផល ៣-០ ក្នុងនោះសិតទី១បញ្ចប់ត្រឹមលទ្ធផល ២៥-២២ រីឯសិតទីពីរ ២៥-១២ និងសិតទីពីបញ្ចប់ត្រឹម ២៦-២៤។ គួររំលឹកថា ក្រុមទាំងពីរធ្លាប់បានជួបគ្នាម្តងរួចមកហើយក្នុងវគ្គផ្តាច់ព្រ័ត្រនាព្រឹត្តិការណ៍កីឡាជាតិលើកទី១កាលពីឆ្នាំ២០១៦ ដោយពេលនោះក្រុមវិសាខាជាម្ចាស់ជ័យលាភី៕
គ្រូបង្វឹកក្រុមបាល់ទះកងពលធំអន្តរាគមន៍លេខ៣ខេត្តព្រះវិហារ លោក សេត ស៊ិនស៊ីណារ៉ា បានដាក់ក្តីរំពឹងខ្ពស់រហូតដល់៧០ភាគរយសម្រាប់ការគ្រងជើងឯកពានរង្វាន់ក្របខណ្ឌខេមបូឌាបៀរលីកប្រចាំឆ្នាំ២០១៧។ ការរំពឹងនេះបន្ទាប់ពីក្រុមរបស់លោក មិនដែលស្គាល់បរាជ័យសម្រាប់៦ប្រកួតទាំងក្នុងវគ្គសន្សំពិន្ទុ និងវគ្គពាក់កណ្តាលផ្តាច់ព្រ័ត្រនាពេលកន្លងមក។ ម្យ៉ាងទៀត ក្រុមដែលត្រូវជួបគ្នាក្នុងវគ្គផ្តាច់ព្រ័ត្រក៏ធ្លាប់រងបរាជ័យ ៣-០ ក្រោមថ្វីដៃរបស់ក្រុមលោកផងដែរ។
លោក សេត ស៊ិនស៊ីណារ៉ា បានបញ្ជាក់យ៉ាងដូច្នេះថា៖«តាំងពីចាប់ផ្តើមប្រកួតរហូតមកដល់ពេលនេះក្រុមរបស់ខ្ញុំប្រកួតមិនដែលចាញ់ គឺឈ្នះរហូតក្នុង៦ប្រកួត។ ជ័យជម្នះរបស់ក្រុមកងពលធំលេខ៣នេះកើតឡើងពីការខិតខំប្រឹងប្រែងហ្វឹកហាត់របស់កីឡាករ ក្រោមការឧបត្ថម្ភ និងយកចិត្តទុកដាក់ខ្ពស់ពីឯកឧត្តម ស្រី ឌឹប និងមេបញ្ជាការរងគ្រប់ជាន់ថ្នាក់។ ដូច្នេះខ្ញុំរំពឹង៧០ភាគរយក្នុងការលើកពានលីកនៅឆ្នាំនេះ»។
គ្រូបង្វឹករូបនេះបានបន្តទៀតថា សម្រាប់ជំនួបក្នុងវគ្គផ្តាច់ព្រ័ត្រនាពេលខាងមុខ លោកនឹងខិតខំប្រឹងប្រែងស្វែងរកយុទ្ធសាស្ត្រដ៏ល្អបំផុត ដើម្បីត្រៀមប្រកួតយកជ័យជម្នះក្នុងជំនួបមួយនេះ។ យ៉ាងណាក៏ដោយ លោក បានបញ្ជាក់ថា ក្រុមលោកមិនមានគ្រូបង្វឹកបរទេសនោះទេ ពោលគឺប្រើសុទ្ធសឹងជាគ្រូបង្វឹកកម្ពុជា ដែលមានលោក សេត ស៊ិនស៊ីណារ៉ា ជាគ្រូបង្គោល និងលោក ជុំ រដ្ឋា ជាគ្រូជំនួយ។
ក្រុមកងពលធំអន្តរាគមន៍លេខ៣ខេត្តព្រះវិហារត្រូវជួបប្រកួតជាមួយក្រុមវិសាខាក្នុងវគ្គផ្តាច់ព្រ័ត្រ ដើម្បីប្រជែងដណ្តើមពានរង្វាន់ក្របខណ្ឌលីកខេមបូឌាបៀរលីកប្រចាំឆ្នាំ២០១៧ នៅវិមានពហុកីឡដ្ឋានជាតិនាថ្ងៃទី១៨ ខែកុម្ភៈ ខាងមុខនេះ។ ចំណែកក្រុមខេត្តកំពង់ចាម ត្រូវប្រជែងជាមួយក្រុមក្រសួងមហាផ្ទៃ ដើម្បីដណ្តើមយកចំណាត់ថ្នាក់លេខ៣។
ការឡើងមកជួបគ្នាក្នុងវគ្គផ្តាច់ព្រ័ត្រនេះ បន្ទាប់ពីក្រុមទាំងពីរបានយកឈ្នះគូប្រកួតក្នុងវគ្គពាក់កណ្តាលផ្តាច់ព្រ័ត្ររៀងៗខ្លួននៅវិមានពហុកីឡដ្ឋានជាតិកាលពីថ្ងៃទី១២ ខែកុម្ភៈ។ ក្នុងនោះក្រុមកងពលធំអន្តរាគមន៍លេខ៣ខេត្តព្រះវិហារបានលត់ក្រុមខេត្តកំពង់ចាម ៣-០ (២៥-២១, ២៥-១៨, ២៥-២១) ខណៈក្រុមវិសាខាបានយកឈ្នះក្រុមក្រសួងមហាផ្ទៃ ៣-២ (១៩-២៥, ២៥-២៣, ២៧-២៩, ២៥-២១, ១៥-១២)។
យ៉ាងណាមិញ ក្នុងវគ្គជម្រុះសន្សំពិន្ទុកាលពីថ្ងៃទី១១ ខែកុម្ភៈ កន្លងទៅក្រុមកងពលធំអន្តរាគមន៍លេខ៣បានលត់ក្រុមវិសាខាក្នុងលទ្ធផល ៣-០ ក្នុងនោះសិតទី១បញ្ចប់ត្រឹមលទ្ធផល ២៥-២២ រីឯសិតទីពីរ ២៥-១២ និងសិតទីពីបញ្ចប់ត្រឹម ២៦-២៤។ គួររំលឹកថា ក្រុមទាំងពីរធ្លាប់បានជួបគ្នាម្តងរួចមកហើយក្នុងវគ្គផ្តាច់ព្រ័ត្រនាព្រឹត្តិការណ៍កីឡាជាតិលើកទី១កាលពីឆ្នាំ២០១៦ ដោយពេលនោះក្រុមវិសាខាជាម្ចាស់ជ័យលាភី៕
Tag:
បាល់ទះ
សេត ស៊ិនស៊ីណារ៉ា
កងពលធំអន្តរាគមន៍លេខ៣
© រក្សាសិទ្ធិដោយ thmeythmey.com
