កីឡាករ ចាន់ វឌ្ឍនាកា ចាប់ផ្តើមហ្វឹកហាត់ថ្ងៃដំបូងក្នុងក្លិប Fujieda MYFC នៅជប៉ុន

កីឡាជាតិ

ជាតិ

កីឡាករ ចាន់ វឌ្ឍនាកា ចាប់ផ្តើមហ្វឹកហាត់ថ្ងៃដំបូងក្នុងក្លិប Fujieda MYFC នៅជប៉ុន

15, Feb 2017 , 2:02 pm

រូបភាព

ដោយ:

នៅថ្ងៃទី១៥ ខែកុម្ភៈ ខ្សែប្រយុទ្ធដ៏ឆ្នើមរបស់បឹងកេតអង្គរ ចាន់ វឌ្ឍនាកា បានចាប់ផ្តើមហ្វឹកហាត់ថ្ងៃដំបូងរបស់ខ្លួនជាមួយមិត្តរួមក្រុមថ្មីក្នុងក្លិបលីកលំដាប់ទី៣ Fujieda MYFC របស់ជប៉ុនហើយ ក្រោយទៅដល់ទឹកដីជប៉ុនកាលពីថ្ងៃទី១៣ ខែកុម្ភៈ។ ក្នុងថ្ងៃហ្វឹកហាត់ថ្ងៃដំបូង វឌ្ឍនាកា មានបញ្ហតិចតួចដោយសារអាកាសធាតុត្រជាក់។

បើយោងតាមទំព័រហ្វេសប៊ុកដែលមានឈ្មោះ Fujieda MYFC KHMER កីឡាករ ចាន់ វឌ្ឍនាកា បានចាប់ផ្តើមហ្វឹកហាត់ថ្ងៃដំបូងរបស់ខ្លួនហើយជាមួយមិត្តរួមក្រុមថ្មីនៃក្លិបក្របខណ្ឌលីកលំដាប់ទី៣របស់ជប៉ុន(Fujieda MYFC) ដែលកីឡាកររូបនេះ ចូលរួមលេងក្នុងលក្ខខណ្ឌខ្ចីជើងមួយរដូវកាល។

ខ្សែប្រយុទ្ធវ័យក្មេងរបស់បឹងកេតអង្គររូបនេះ ទទួលបានការស្វាគមន៍យ៉ាងកក់ក្តៅ និងរាក់ទាក់បំផុតពីមិត្តរួមក្រុមថ្មី សម្រាប់ការចូលរួមហ្វឹកហាត់ថ្ងៃដំបូងនេះ។ ប៉ុន្តែដោយសារមិនទាន់ស៊ាំនឹងអាកាសធាតុត្រជាក់ការហ្វឹកហាត់ថ្ងៃដំបូងរបស់កីឡាករកម្ពុជារូបនេះ ក៏ជួបបញ្ហាបន្តិចបន្តួចផងដែរ។

ទំព័រហ្វេសប៊ុកខាងលើបានសរសេរយ៉ាងដូច្នេះថា៖«នេះជាការហ្វឹកហាត់លើកដំបូងរបស់កីឡាករ ចាន់ វឌ្ឍនាកា ជាមួយក្លិប FUJIEDA MYFC។ ពួកគាត់បានស្វាគមន៍ វឌ្ឍនាកា ដោយភាពកក់កៅ និងទឹកមុខរីករាយ។ វឌ្ឍនាកា បានលើកឡើងថា ដោយសារគាត់មិនទាន់សមជាមួយអាកាសធាតុ និងទើបចាប់ផ្តើមហ្វឹកហាត់ជាលើកដំបូង ទើបធ្វើឲ្យគាត់មានអាការឈឺក្បាល និងឈឺសាច់ដុំភ្លៅបន្តិច»។

ទំព័រហ្វេសប៊ុកដដែលបានបញ្ជាក់ទៀតថា ក្លិបដែលក្នុងក្របខណ្ឌលីកលំដាប់ទី៣របស់ជប៉ុន FUJIEDA MYFC ហ្វឹកហាត់មួយថ្ងៃពីរដង ក្នុងនោះពេលព្រឹកហ្វឹកហាត់ចាប់ពី៩ព្រឹក និងពេលរសៀលចាប់ពីម៉ោង៣រសៀល៕