ជាតិ
សេដ្ឋកិច្ច
កម្ពុជានាំចូលសាច់សត្វពីក្រៅប្រទេសតម្លៃប្រមាណ ១០០លានដុល្លារក្នុងមួយឆ្នាំៗ
×![]()
ភ្នំពេញ៖ រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ លោក វេង សាខុន បានឲ្យដឹងថា កម្ពុជាបាននាំ ចូលសាច់សត្វពីបរទេសតម្លៃប្រមាណ ១០០លានដុល្លារអាមេរិកក្នុងមួយឆ្នាំៗ ដើម្បីផ្គត់ផ្គង់តម្រូវការក្នុងស្រុក លើវិស័យទេសចរណ៍។
លោក វេង សាខុន នៅតែខ្វល់ខ្វាយពីបញ្ហាការនាំចូលកសិផល និងសាច់ពីបរទេស ពិសេសគឺការនាំចូលសាច់ពីប្រទេសជិតខាងកម្ពុជា គឺប្រទេសវៀតណាម និងថៃ ដែលវាធ្វើប៉ះពាល់ដល់អាជីវកម្ម និងការចិញ្ចឹមសត្វតាមគ្រួសារក្នុងស្រុក។ ថ្លែងក្នុងវេទិកាស្តីពី កសិកម្ម រុក្ខាប្រមាញ់ និងនេសាទ នៅថ្ងៃទី២៣កុម្ភៈនេះ នាសណ្ឋាគារសុខាភ្នំពេញ លោកបានលើកឡើងថា ការនាំចូលសាច់សត្វពីបរទេសមកកម្ពុជាមានកំណើនជាមធ្យម ២ ភាគរយជារៀងរាល់ឆ្នាំ។
លោកបានបន្តបង្ហើបថា ការនាំចូលសាច់ពីបរទេសនៅតែអាចប្រកួតប្រជែងឈ្នះនៅផ្សារក្នុងស្រុក ដដែល បើទោះបីជារដ្ឋបានអន្តរាគមន៍ដោយដំឡើងថ្លៃពន្ធសាច់នាំចូលរហូតដល់ចំនួន ១ដុល្លារអាមេរិកក្នុងមួយគីឡូក្រាមក្តី។ រដ្ឋមន្ត្រីកសិកម្មរូបនេះ បានសង្កេតឃើញបញ្ហាចម្បងមួយដែលនាំឲ្យទីផ្សារសាច់ពីបរទេស អាចប្រកួតឈ្នះទីផ្សារក្នុងស្រុកនោះគឺការចិញ្ចឹមសត្វយកសាច់របស់បរទេសមានលក្ខណៈជាអាជីវកម្មដែលបច្ចេកទេសខ្ពស់ជាងខ្មែរដែលចិញ្ចឹមសត្វតាមយថាផលនៅឡើយ។
លោកបានបញ្ជាក់ទៅកាន់មន្ត្រី អ្នកជំនាញ និងភាគីពាក់ព័ន្ធជាង ៥០០នាក់ដែលមានវត្តមានក្នុងវេទិកាពិភាក្សាដូច្នេះថា៖«គេមានគ្នាម្នាក់ ឬពីរ គឺគេអាចចិញ្ចឹមជ្រូកបានចំនួនជាង ៥០០ក្បាល ក្នុងមួយកសិដ្ឋានតែកសិករខ្មែរចិញ្ចឹមបានតែ ២ ទៅ៥ក្បាលប៉ុណ្ណោះក្នុងមួយគ្រួសារ។ នេះជាបញ្ហាដែលយើងត្រូវតែគិតគូរដោះស្រាយពេលនេះថា តើត្រូវធ្វើដូចម្តេច ដើម្បីជួយពួកគេឲ្យចិញ្ចឹមបានដូចគេដែរ? កុំឲ្យកសិករយើង បាក់ទឹកចិត្ត»។
ក្រៅពីការនាំចូលសាច់ពីរបរទេសលោកបង្ហើបបន្ថែមលើសពីនេះទៀតថា កម្ពុជាបានចូលចំណីសត្វពីបរទេសតម្លៃប្រមាណ ១៣៥លានដុល្លារអាមេរិក សារធាតុផ្សំសម្រាប់ផលិតចំណីសត្វតម្លៃ ១១៣លានដុល្លារអាមេរិក និងថ្នាំគីមីកសិកម្មតម្លៃ ១៥លានដុល្លារអាមេរិក ក្នុងឆ្នាំ២០១៦ កន្លងទៅនេះ។
ទន្ទឹមគ្នានេះលោកបានជំរុញមន្ត្រីជំនាញ និងភាគីក្រសួងពាក់ព័ន្ធទាំងអស់ ឲ្យពិភាក្សាគ្នាដោះស្រាយបញ្ហារួម ដើម្បីជំរុញកំណើនកសិផល និងការចិញ្ចឹមសត្វក្នុងស្រុក ដើម្បីឆ្លើយតបនឹងកំណើនតម្រូវការទីផ្សារក្នុងស្រុក និង សម្រាប់នាំចេញ ស្របតាមផែនការយុទ្ធសាស្ត្រអភិវឌ្ឍន៍វិស័យកសិកម្មឆ្នាំ ២០១៤ ដល់២០១៨ និង ផែនការការអភិវឌ្ឍផលិតកម្មសត្វ និងសុខភាពសត្វឆ្នាំ ២០១៦ ដល់២០១៥ ជាដើម៕
លោក វេង សាខុន នៅតែខ្វល់ខ្វាយពីបញ្ហាការនាំចូលកសិផល និងសាច់ពីបរទេស ពិសេសគឺការនាំចូលសាច់ពីប្រទេសជិតខាងកម្ពុជា គឺប្រទេសវៀតណាម និងថៃ ដែលវាធ្វើប៉ះពាល់ដល់អាជីវកម្ម និងការចិញ្ចឹមសត្វតាមគ្រួសារក្នុងស្រុក។ ថ្លែងក្នុងវេទិកាស្តីពី កសិកម្ម រុក្ខាប្រមាញ់ និងនេសាទ នៅថ្ងៃទី២៣កុម្ភៈនេះ នាសណ្ឋាគារសុខាភ្នំពេញ លោកបានលើកឡើងថា ការនាំចូលសាច់សត្វពីបរទេសមកកម្ពុជាមានកំណើនជាមធ្យម ២ ភាគរយជារៀងរាល់ឆ្នាំ។
លោកបានបន្តបង្ហើបថា ការនាំចូលសាច់ពីបរទេសនៅតែអាចប្រកួតប្រជែងឈ្នះនៅផ្សារក្នុងស្រុក ដដែល បើទោះបីជារដ្ឋបានអន្តរាគមន៍ដោយដំឡើងថ្លៃពន្ធសាច់នាំចូលរហូតដល់ចំនួន ១ដុល្លារអាមេរិកក្នុងមួយគីឡូក្រាមក្តី។ រដ្ឋមន្ត្រីកសិកម្មរូបនេះ បានសង្កេតឃើញបញ្ហាចម្បងមួយដែលនាំឲ្យទីផ្សារសាច់ពីបរទេស អាចប្រកួតឈ្នះទីផ្សារក្នុងស្រុកនោះគឺការចិញ្ចឹមសត្វយកសាច់របស់បរទេសមានលក្ខណៈជាអាជីវកម្មដែលបច្ចេកទេសខ្ពស់ជាងខ្មែរដែលចិញ្ចឹមសត្វតាមយថាផលនៅឡើយ។
លោកបានបញ្ជាក់ទៅកាន់មន្ត្រី អ្នកជំនាញ និងភាគីពាក់ព័ន្ធជាង ៥០០នាក់ដែលមានវត្តមានក្នុងវេទិកាពិភាក្សាដូច្នេះថា៖«គេមានគ្នាម្នាក់ ឬពីរ គឺគេអាចចិញ្ចឹមជ្រូកបានចំនួនជាង ៥០០ក្បាល ក្នុងមួយកសិដ្ឋានតែកសិករខ្មែរចិញ្ចឹមបានតែ ២ ទៅ៥ក្បាលប៉ុណ្ណោះក្នុងមួយគ្រួសារ។ នេះជាបញ្ហាដែលយើងត្រូវតែគិតគូរដោះស្រាយពេលនេះថា តើត្រូវធ្វើដូចម្តេច ដើម្បីជួយពួកគេឲ្យចិញ្ចឹមបានដូចគេដែរ? កុំឲ្យកសិករយើង បាក់ទឹកចិត្ត»។
ក្រៅពីការនាំចូលសាច់ពីរបរទេសលោកបង្ហើបបន្ថែមលើសពីនេះទៀតថា កម្ពុជាបានចូលចំណីសត្វពីបរទេសតម្លៃប្រមាណ ១៣៥លានដុល្លារអាមេរិក សារធាតុផ្សំសម្រាប់ផលិតចំណីសត្វតម្លៃ ១១៣លានដុល្លារអាមេរិក និងថ្នាំគីមីកសិកម្មតម្លៃ ១៥លានដុល្លារអាមេរិក ក្នុងឆ្នាំ២០១៦ កន្លងទៅនេះ។
ទន្ទឹមគ្នានេះលោកបានជំរុញមន្ត្រីជំនាញ និងភាគីក្រសួងពាក់ព័ន្ធទាំងអស់ ឲ្យពិភាក្សាគ្នាដោះស្រាយបញ្ហារួម ដើម្បីជំរុញកំណើនកសិផល និងការចិញ្ចឹមសត្វក្នុងស្រុក ដើម្បីឆ្លើយតបនឹងកំណើនតម្រូវការទីផ្សារក្នុងស្រុក និង សម្រាប់នាំចេញ ស្របតាមផែនការយុទ្ធសាស្ត្រអភិវឌ្ឍន៍វិស័យកសិកម្មឆ្នាំ ២០១៤ ដល់២០១៨ និង ផែនការការអភិវឌ្ឍផលិតកម្មសត្វ និងសុខភាពសត្វឆ្នាំ ២០១៦ ដល់២០១៥ ជាដើម៕
Tag:
វេង សាខុន
កសិកម្ម
សាច់
© រក្សាសិទ្ធិដោយ thmeythmey.com
