អន្តរជាតិ
ប្រមុខការទូតហ្វីលីពីន៖ ចិន សន្យាជាមួយហ្វីលីពីនថា មិនសាងសង់សំណង់នៅសមុទ្រចិនខាងត្បូង ឡើយ
រដ្ឋមន្ត្រីការបរទសហ្វីលីពីន ថ្លែងទៅកាន់អ្នកសារព័ត៌មានពេលបំពេញទស្សនកិច្ចនៅកម្ពុជា (រូបភាពដោយ៖ រំដួល ចិត្រា)
×![]()
ដោយ: ថ្មីៗ
ប្រមុខការទូតហ្វីលីពីន លោក Perfecto Yasay បានអះអាងថា លោកប្រធានាធិបតីចិន Xi Jinping បានសន្យាជាមួយនឹងប្រធានាធិបតីហ្វីលីពីន ថា ក្រុងប៉េកាំង នឹងមិនសាងសង់សំណង់ផ្សេងៗនៅលើតំបន់វិវាទត្រួតស៊ីគ្នានៃសមុទ្រចិនខាងត្បូងឡើយ។ លោក ថ្លែងបែបនេះ ស្របជាមួយនឹងការលេចឡើងពីព័ត៌មានដែលថា ចិន គ្រោងដំឡើងប្រព័ន្ធមីស៊ីលនៅក្នុងសមុទ្រចិនខាងត្បូង។
«ប្រធានាធិបតី Xi បានសន្យាជាមួយនឹងប្រធានាធិបតី Duterte ថា ចិន នឹងមិនទាមទារ និងសាងសង់សំណង់នៅក្នុងតំបន់ថ្មប៉ប្រះទឹក Scarborough នៃសមុទ្រចិនខាងត្បូងឡើយ»។ នេះ គឺជាសេចក្តីថ្លែងការណ៍របស់លោករដ្ឋមន្ត្រីការបរទេសហ្វីលីពីន Perfecto Yasay ទៅកាន់សារព័ត៌មាន នៅថ្ងៃទី២៣ កុម្ភៈ ដែលដកស្រង់ដោយសារព័ត៌មាន Reuters។
ប្រមុខការទូតហ្វីលីពីនរូបនេះ ក៏បានឲ្យដឹងដែលថា ការសន្យារវាងប្រមុខរដ្ឋចិន និងប្រមុខរដ្ឋហ្វីលីពីនបែបនេះ ក្នុងអំឡុងលោកប្រធានាធិបតីហ្វីលីពីន Rodrigo Duterte បំពេញទស្សនកិច្ចទៅកាន់ចិននៅខែតុលាឆ្នាំមុន។
សូមរម្លឹកបន្តិចថា លោកប្រធានាធិបតីហ្វីលីពីន បានបំពេញទស្សនកិច្ចបួនថ្ងៃទៅកាន់ចិននៅខែតុលាឆ្នាំមុន។ ដំណើរទស្សនកិច្ចរបស់លោកទៅកាន់ចិនពេលនោះ គឺជាការបញ្ជាក់មួយថា ហ្វីលីពីន មានគោលនយោបាយការបរទេសឯករាជ្យ សំដៅហ្វីលីពីន មិនស្ថិតក្រោមអំណាចរបស់អាមេរិកឡើយ។ ហើយ ចិន ក៏បានពេញជាមួយនឹងជំហរហ្វីលីពីនមួយនេះផងដែរ។
តាមរយៈដំណើរទស្សនកិច្ចនោះ ហ្វីលីពីន ក៏ទទួលបានផលប្រយោជន៍សេដ្ឋកិច្ច និងពាណិជ្ជកម្មច្រើនផងដែរ ដោយចិន បានផ្តល់កម្ចីអភិវឌ្ឍជាច្រើនដល់ហ្វីលីពីន។ ជាពិសេសនោះ ចិន បានអនុញ្ញាតដល់អ្នកនេសាទហ្វីលីពីនអាចនេសាទបែបប្រពៃណីនៅក្នុងតំបន់វិវាទ Scarborough ដែលជាតំបន់ទាមទារត្រួតស៊ីគ្នារវាងចិន និងហ្វីលីពីន ហើយត្រូវបានចិនគ្រប់គ្រងដោយផ្តាច់មុខក្រោយប្រទេសទាំងពីរមានវិវាទការទូតខ្លាំងនៅឆ្នាំ២០១២នោះ។
នៅថ្ងៃទី២២ កុម្ភៈ ទីភ្នាក់ងារព័ត៌មាន Reuters ដែលស្រង់សម្តីមន្ត្រីអាមេរិកពីរនាក់ដែលមិនបង្ហាញអត្តសញ្ញាណ សំណង់របស់ក្រុងប៉េកាំងនៅលើកោះសិប្បនិម្មិតនាសមុទ្រចិនខាងត្បូងនោះទំនងជានឹងត្រូវប្រើប្រាស់សម្រាប់ដំឡើងមីស៊ីលរយៈចម្ងាយឆ្ងាយ។ មន្ត្រីទាំងនេះបន្តថា គម្រោងសាងសង់សំណង់បម្រើប្រយោជន៍យោធានោះនឹងជួយពង្រីកសមត្ថភាពការពារដែនអាកាសរបស់ចិនលើដែនកោះជម្លោះ ប៉ុន្តែមន្ត្រីក្រុងវ៉ាស៊ីនតោននេះមិនបានបញ្ជាក់ច្បាស់ថា ចិនអាចនឹងនឹងពង្រាយមីស៊ីលទៅលើកោះនេះនៅពេលណាឡើយ៕
«ប្រធានាធិបតី Xi បានសន្យាជាមួយនឹងប្រធានាធិបតី Duterte ថា ចិន នឹងមិនទាមទារ និងសាងសង់សំណង់នៅក្នុងតំបន់ថ្មប៉ប្រះទឹក Scarborough នៃសមុទ្រចិនខាងត្បូងឡើយ»។ នេះ គឺជាសេចក្តីថ្លែងការណ៍របស់លោករដ្ឋមន្ត្រីការបរទេសហ្វីលីពីន Perfecto Yasay ទៅកាន់សារព័ត៌មាន នៅថ្ងៃទី២៣ កុម្ភៈ ដែលដកស្រង់ដោយសារព័ត៌មាន Reuters។
ប្រមុខការទូតហ្វីលីពីនរូបនេះ ក៏បានឲ្យដឹងដែលថា ការសន្យារវាងប្រមុខរដ្ឋចិន និងប្រមុខរដ្ឋហ្វីលីពីនបែបនេះ ក្នុងអំឡុងលោកប្រធានាធិបតីហ្វីលីពីន Rodrigo Duterte បំពេញទស្សនកិច្ចទៅកាន់ចិននៅខែតុលាឆ្នាំមុន។
សូមរម្លឹកបន្តិចថា លោកប្រធានាធិបតីហ្វីលីពីន បានបំពេញទស្សនកិច្ចបួនថ្ងៃទៅកាន់ចិននៅខែតុលាឆ្នាំមុន។ ដំណើរទស្សនកិច្ចរបស់លោកទៅកាន់ចិនពេលនោះ គឺជាការបញ្ជាក់មួយថា ហ្វីលីពីន មានគោលនយោបាយការបរទេសឯករាជ្យ សំដៅហ្វីលីពីន មិនស្ថិតក្រោមអំណាចរបស់អាមេរិកឡើយ។ ហើយ ចិន ក៏បានពេញជាមួយនឹងជំហរហ្វីលីពីនមួយនេះផងដែរ។
តាមរយៈដំណើរទស្សនកិច្ចនោះ ហ្វីលីពីន ក៏ទទួលបានផលប្រយោជន៍សេដ្ឋកិច្ច និងពាណិជ្ជកម្មច្រើនផងដែរ ដោយចិន បានផ្តល់កម្ចីអភិវឌ្ឍជាច្រើនដល់ហ្វីលីពីន។ ជាពិសេសនោះ ចិន បានអនុញ្ញាតដល់អ្នកនេសាទហ្វីលីពីនអាចនេសាទបែបប្រពៃណីនៅក្នុងតំបន់វិវាទ Scarborough ដែលជាតំបន់ទាមទារត្រួតស៊ីគ្នារវាងចិន និងហ្វីលីពីន ហើយត្រូវបានចិនគ្រប់គ្រងដោយផ្តាច់មុខក្រោយប្រទេសទាំងពីរមានវិវាទការទូតខ្លាំងនៅឆ្នាំ២០១២នោះ។
នៅថ្ងៃទី២២ កុម្ភៈ ទីភ្នាក់ងារព័ត៌មាន Reuters ដែលស្រង់សម្តីមន្ត្រីអាមេរិកពីរនាក់ដែលមិនបង្ហាញអត្តសញ្ញាណ សំណង់របស់ក្រុងប៉េកាំងនៅលើកោះសិប្បនិម្មិតនាសមុទ្រចិនខាងត្បូងនោះទំនងជានឹងត្រូវប្រើប្រាស់សម្រាប់ដំឡើងមីស៊ីលរយៈចម្ងាយឆ្ងាយ។ មន្ត្រីទាំងនេះបន្តថា គម្រោងសាងសង់សំណង់បម្រើប្រយោជន៍យោធានោះនឹងជួយពង្រីកសមត្ថភាពការពារដែនអាកាសរបស់ចិនលើដែនកោះជម្លោះ ប៉ុន្តែមន្ត្រីក្រុងវ៉ាស៊ីនតោននេះមិនបានបញ្ជាក់ច្បាស់ថា ចិនអាចនឹងនឹងពង្រាយមីស៊ីលទៅលើកោះនេះនៅពេលណាឡើយ៕
Tag:
ចិន
ហ្វីលីពីន
អាស៊ាន
© រក្សាសិទ្ធិដោយ thmeythmey.com
